ရှမ်းပြည်မြောက်ပိုင်း တအောင်းဒေသ တကျော့ပြန် စစ်ဆင်ရေးတိုက်ပွဲအတွင်း စစ်ကောင်စီကြောင့် အရပ်သားသေဆုံးသူ ၁၀၉ ဦးအထိရှိလာပြီး ၁၃၆ ဦးအထိ ဒဏ်ရာရရှိထားကြောင်း သိရသည်။

၁၀၂၇ စစ်ဆင်ရေး ဒုတိယပိုင်း စတင်ခဲ့သည့် ဇွန်လ ၂၅ ရက်မှ ဇူလိုင်လ ၂၂ ရက်နေ့အထိ တိုက်ပွဲ ၂၈ ရက်အတွင်း စစ်ကောင်စီ၏ လက်နက်ကြီးနှင့် လေကြောင်းတိုက်ခိုက်မှုကြောင့် သေဆုံးသွားရခြင်းဖြစ်သည်ဟု TNLA က ထုတ်ပြန်ထားသည်။

ဇူလိုင်လ ၁၉ ရက်နေ့မှ ၂၂ ရက်နေ့အထိ ၄ ရက်အတွင်း စစ်ကောင်စီတပ်၏ လေကြောင်းနှင့် လက်နက်ကြီးပစ်ခတ်မှုကြောင့် အရပ်သား ၁၅ ဦးသေဆုံးပြီး ၅ ဦးဒဏ်ရာရရှိကာ နေအိမ် ၉ လုံး ထိခိုက်ပျက်စီးခဲ့သည်။

စစ်ကောင်စီတပ်မှ စစ်ကူဖြည့်တင်း ထိုးစစ်ဆင်လာသောကြောင့် ကျောက်မဲနှင့် မိုးကုတ်အရှေ့ပိုင်းတွင် တိုက်ပွဲဆက်လက်ဖြစ်ပွားနေကြောင်း TNLA က ဆိုသည်။