ရခိုင်ပြည် ကျောက်တော်မြို့ ယနေ့ ဇန်နဝါရီလ ၁၁ ရက် နံနက် ၁၀ နာရီဝန်းကျင်တွင် စစ်ကောင်စီက ဗုံးကြဲတိုက်ခိုက်ခဲ့၍ ထိခိုက်သေဆုံးမှု များပြားကြောင်း ခိုင်လုံသော သတင်းရင်းမြစ်များထံမှ သိရသည်။
ကျောက်တော်မြို့ ရှမ်းရွာနှင့် ပန်းထိမ်တန်းမှာ ဗုံး ၃ လုံးထက်မနည်း ကျရောက်ပေါက်ကွဲခဲ့ကြောင်းနှင့် ထိခိုက်သေဆုံးမှု စာရင်းအား ဆက်သွယ်ရေးအခက်အခဲကြောင့် မသိရသေးပေ။
Western News က အချက်အလက်အပြည့်အစုံအား ဆက်လက်စုံစမ်းနေဆဲဖြစ်သည်။
ပြီးခဲ့သည့် ဇန်နဝါရီလ ၈ ရက် နေ့လယ် ၁ နာရီကျော်အချိန်ကလည်း ရခိုင်ပြည် ရမ်းဗြဲမြို့နယ် ကျောက်နီမော်ကျေးရွာကို ဗုံးကြဲတိုက်ခိုက်မှုကြောင့် အရပ်သား ၄၁ ဦးသေဆုံးပြီး ဒဏ်ရာအများအပြား ရရှိခဲ့ကြောင်း သိရသည်။
