ကရင်နီပြည်၊ လွိုင်ကော်မြို့တွင် ၇၃ နှစ်မြောက် ကယားပြည်နယ်နေ့ အခမ်းအနားတက်ရန် စစ်ခေါင်းဆောင်တစ်ဦးဖြစ်သည့် ဒုစစ်ခေါင်းဆောင် စိုးဝင်းရောက်ရှိနေချိန် ၁၀၇ မမ ရှော့တိုက်ဒုံးများဖြင့် ပစ်ခတ်တိုက်ခိုက်ခဲ့ကြောင်း သိရသည်။
ဇန်နဝါရီလ ၁၄ ရက်နေ့ ည ၇ နာရီအချိန် Brave Warriors for Myanmar (BWM) အဖွဲ့၏ ဦးဆောင်စီမံမှုဖြင့် Mountain Knight Civilian Defense Forces (MKCDF) အဖွဲ့ နှင့် (Anti-Coup People’s Liberation Force – ACPLF) အဖွဲ့တို့ပူးပေါင်း၍ တိုက်ခိုက်ခဲ့ခြင်း ဖြစ်သည်။
ဒုတိယကာကွယ်ရေးဦးစီးချုပ်စိုးဝင်းရောက်နေသည့် ညစာစားပွဲကျင်းပနေချိန်အတွင်း ကယားပြည်နယ် ခန်းမအတွင်းသို့ ၁၀၇ မမရှော့တိုက်ဒုံး ၅ လုံးဖြင့် တပြိင်နက်တည်းတွင် ပစ်ခတ်ခဲ့ခြင်း ဖြစ်ကြောင်း (BWM) အဖွဲ့ မှ တာဝန်ရှိသူတစ်ဦးက ပြောသည်။
ထို့အပြင် စစ်ကောင်စီတပ်ဖွဲ့ဝင်များ ခြေကုပ်တပ်စွဲထားသော ဒေသကွပ်ကဲမှုစစ်ဌာနချုပ် – ဒကစ (လွိုင်ကော်)အတွင်းသို့ ၁၀၇ မမ ရှော့တိုက်ဒုံး ၂ လုံးကိုလည်း ပစ်ခတ်ခဲ့ကြောင်း (BWM) အဖွဲ့ မှ တာဝန်ရှိသူတစ်ဦးက ဆက်လက် ပြောသည်။
တော်လှန်ရေးတပ်ဖွဲ့ဝင်များက ယင်းကဲ့သို့ ပစ်ခတ်မှုအတွင်း ရှော့တိုက်ဒုံး ၇ လုံးအနက် ၆ လုံးကို ပစ်ခတ်နိုင်ခဲ့သော်လည်း စစ်ကောင်စီဖက်က ထိခိုက်ပျက်စီးဆုံးရှုံးမှုနှင့် သေဆုံးမှု အခြေ အနေ မသိရှိရသေးပေ။
