အာဏာသိမ်း စစ်ခေါင်းဆောင် မင်းအောင်လှိုင်နှင့် နိုင်ံတော်အတိုင်အပင်ခံ ဒေါ်အောင်ဆန်းစုကြည်၊ သမ္မတဟောင်း ဦးထင်ကျော် အပါအဝင် ၂၅ ဦး မွတ်ဆလင်များအား လူမျိုးတုံးသတ်ဖြတ်မှုဖြင့် ဖမ်းဝရမ်းထုတ်ခံရသည်။
မြန်မာစစ်တပ်ခေါင်းဆောင်များကို မွတ်ဆလင်လူမျိုးတုံးသတ်ဖြတ်မှုဖြင့် အာဂျင်တီးနားတရားရုံးက ဖမ်းဝရမ်းထုတ်သည့် စာရင်းတွင် သမ္မတဟောင်း ဦးထင်ကျော်နှင့် ဒေါ်အောင်ဆန်းစုကြည်တို့ပါ ပါဝင်လာသည်ဟု မြန်မာရိုဟင်ဂျာအဖွဲ့ ယူကေ (BROUK) က ဖေဖော်ဝါရီ ၁၄ တွင် ထုတ်ပြန်ထားသည်။
၂၀၁၇ ခုနှစ်က ရခိုင်ပြည် ဘူးသီးတောင်၊ မောင်တော၊ ရသေ့တောင်ဒေသတို့တွင် မြန်မာစစ်တပ်က နယ်မြေရှင်းလင်းရေး ပြုလုပ်ရာမှာ မွတ်ဆလင်များအား လူမျိုးတုံးသတ်ဖြတ်ခဲ့သည့် စွပ်စွဲချက်ဖြင့် ဖမ်းဝရမ်းထုတ်ခံရခြင်းဖြစ်သည်။
မြန်မာ့စစ်ခေါင်းဆောင်များကို ဖမ်းဝရမ်းထုတ်ပြီး ဒေါ်အောင်ဆန်းစုကြည်နှင့် ဦးထင်ကျော်တို့ကို ဖမ်းဝရမ်းမထုတ်ရန် မြန်မာရိုဟင်ဂျာအဖွဲ့ ယူကေ (BROUK) က တောင်းဆိုခဲ့သော်လည်း တရားရုံးက ပယ်ချကာ ၂၀၂၄ခုနှစ် ဇွန်လမှာ အာဂျင်တီးနားအမှုလိုက်ရှေ့နေက အရပ်သားခေါင်းဆောင်နှစ်ဦးဖြစ်သည့် ဒေါ်အောင် ဆန်းစုကြည်နှင့် ဦးထင်ကျော်တို့ကို ဖမ်းဝရမ်းထဲထည့်သွင်းရန် လျှောက်ခဲ့ခြင်းဖြစ်သည်။
ရခိုင်ပြည်အတွင်း မြန်မာစစ်တပ်၏ နယ်မြေရှင်းလင်းရေး စီမံချက်တွင် မွတ်ဆလင်များ သိန်းနှင့်ချီ ဘင်္ဂလားဒေ့ရှ်နိုင်ငံသို့ ထွက်ပြေးခဲ့ရသလို ရာနှင့်ချီသော မွတ်ဆလင်များမှာလည်း သတ်ဖြတ်ခံခဲ့ရပြီး လူမျိုးတုံးသတ်ဖြတ်မှု ဖြစ်ကြောင်း မွတ်ဆလင်အသိုင်းအဝိုင်းက ပြောဆိုကြသည်။
