စစ်ခေါင်းဆောင် မင်းအောင်လှိုင် တောင်ငူမြို့ ရောက်ရှိနေ
(သတင်းတို) အာဏာသိမ်း စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင် ပဲခူးတိုင်းဒေသကြီး တောင်ငူမြို့ကို ယနေ့ ဩဂုတ်လ ၂၃ ရက်နေ့ နံနက်က ရောက်ရှိနေပြီး မြို့တွင်းလုံခြုံရေးများ အဆမတန် ချထားကြောင်း သတင်းရင်းမြစ်များက ပြောသည်။ မင်းအောင်လှိုင် ရောက်နေ၍ တောင်ငူမြို့တွင်းမြို့ပြင် Jammer များ ပတ်ပတ်လည်ချထားပြီး စစ်အင်အားကိုလည်း ရာနှင့်ချီတိုးချထားကြောင်း သတင်းရင်းမြစ်တစ်ဦးက ဆိုသည်။ ” မင်းအောင်လှိုင်က မနက် ၁၁ နာရီလောက်က တောင်ငူရောက်တယ်။ ဩဂုတ်လ ၂၀ ရက်နေ့က တောင်ငူလေတပ်ကို ရှော့တိုက်ဒုံးနဲ့ပစ်တယ်။ ဩဂုတ်လ ၂၂ ရက်နေ့မှာ စည်ပင်ရုံး၊ လျှပ်စစ်ရုံးနဲ့ ယာဉ်ထိန်းအိမ်ရာမှာ မိုင်းကွဲတယ်။ အဲဒါကြောင့် မအလလာတဲ့အချိန်မှာ တစ်မြို့လုံး လုံခြုံရေးတွေ
မျောက်ကျောက် ရောဂါနှင့် ပတ်သက်၍ တင်းကျပ်စစ်ဆေး
(သတင်းတို) ကမ္ဘာ့ကျန်းမာရေးအဖွဲ့ WHO မှ Mpox (မျောက်ကျောက်) ရောဂါကို နိုင်ငံတကာပြည်သူ့ကျန်းမာရေးအရေးပေါ်အခြေအနေ (PHEIC) အဖြစ် ဩဂုတ်၁၄ ရက်တွင် သတ်မှတ်ကြေညာခဲ့သည်။ ထိုကြောင့် စစ်ကောင်စီ ကျန်းမာရေးဝန်ကြီးဌာနက အခြားသော ဝန်ကြီးဌာနများဖြင့်ပူးပေါင်း၍ ရန်ကုန်အပြည်ပြည်ဆိုင်ရာလေဆိပ်နှင့် မန္တလေးအပြည်ပြည်ဆိုင်ရာလေဆိပ် (တံတားဦး)တို့ ပြည်ပနိုင်ငံများမှ ဝင်ရောက်လာသူများကို မျောက်ကျောက်ရောဂါ ရှိမရှိ တင်းကျပ်စွာ စစ်ဆေးနေသည်။ ကရင်ပြည်နယ် မြဝတီမြို့နယ်စပ်ဝင်ထွက်ဂိတ်၊ တနင်္သာရီတိုင်းဒေသကြီး ကော့သောင်းမြို့ မွေတော်ကျွန်း လူဝင်/လူထွက် စစ်ဆေးရေးကင်းစခန်းနှင့် ရှမ်းပြည်နယ် (အရှေ့ပိုင်း) တာချီလိတ်မြို့ တံတားအမှတ် (၁) နယ်စပ်ဝင်ထွက်ဂိတ်တို့တွင်လည်းကောင်း Mpox (မျောက်ကျောက်) ရောဂါကာကွယ်ရေး ကိုယ်အပူချိန်တိုင်းတာခြင်း (Mass Thermal Screening) ကို ပြုလုပ်နေသည်။ ယင်းအပြင်
မွန်ပြည်နယ်မှာ သတင်းထောက်နှစ်ဦး သတင်းယူရင်း ပစ်သတ်ခံရပြီးသေဆုံး
မွန်ပြည်နယ် ကျိုက်ထိုမြို့မှာ ဩဂုတ်လ ၂၁ ရက်နေ့က သတင်းထောက်နှစ်ဦး သတင်းသွားယူရင်း မြန်မာစစ်တပ် (စစ်ကောင်စီ) ၏ ပစ်သတ်မှုကိုခံရပြီး နေရာ၌ သေဆုံးသွားကြောင်း The Nation Voice က ပြောသည်။ သေဆုံးသွားသူ သတင်းထောက်နှစ်ဦးမှာ The Nation Voice က သတင်းထောက် ကိုဝင်းထွဋ်ဦးနှင့် ကိုထက်မြတ်သူ (အလွတ်တန်းသတင်းထောက်) တို့ဖြစ်ပြီး စစ်ရေးသတင်းရင်းမြစ် တော်လှန်ရေးတပ်ဖွဲ့ဝင်များနှင့်တွေ့ဆုံနေစဉ် ပစ်သတ်ခံရခြင်းဖြစ်ကြောင်း The Nation Voice အယ်ဒီတာချုပ် ကိုနေအောင်က ပြောသည်။ ” မနက်ပိုင်း ၉ နာရီလောက်မှာ သတင်းထောက် ကိုထက်မြတ်သူရဲ့ နေအိမ်မှာ ကျနော်တို့ Nation Voice က သတင်းထောက်
တောင်ကုတ်တက္ကသိုလ်မှာ အမြောက်တပ်စွဲပြီး AA အား ခုခံရန် စစ်ကောင်စီ ပြင်ဆင်ထား
ရခိုင်ပြည် တောင်ကုတ်မြို့မှာရှိသည့် တောင်ကုတ်တက္ကသိုလ်မှာ အာဏာသိမ်း စစ်ကောင်စီက အမြောက်အထိုင်ချ တပ်စွဲထားပြီး အာရက္ခတပ်တော် AA အား ခုခံတိုက်ခိုက်ရန် ပြင်ဆင်ထားကြောင်း ခိုင်မာသည့် သတင်းရင်းမြစ်များက ပြောသည်။ ဇွန်လ နောက်ဆုံးအပတ်က တောင်ကုတ်တက္ကသိုလ်ထဲ ဝင်ရောက်လာသည့် စစ်ကောင်စီတပ်သား အင်အား ၃၀ ကျော်ခန့်မှာ လက်ရှိတွင် အင်အား ၁၀၀ ကျော်အထိ တိုးမြှင့်ကာ အမြောက်များဖြင့် အခိုင်အမာအထိုင်ချ တပ်စွဲလိုက်ပြီဟု သတင်းရင်းမြစ်တစ်ဦးက ပြောသည်။” စစ်ကောင်စီဟာ တောင်ကုတ်တက္ကသိုလ်ထဲမှာ အမြောက် ၃ ခုထက်မနည်း အထိုင်ချတပ်စွဲထားတယ်။ တက္ကသိုလ်က မြို့အဝင်မှာဆိုတော့ စစ်ကောင်စီအတွက် ခုခံတိုက်ခိုက်ဖို့ အကောင်းဆုံး နေရာပဲလေ။ တက္ကသိုလ်နဲ့ သိပ်မဝေးတဲ့ မောင်းတံဂိတ်မှာလည်း ဗန်ကာတွေ အများကြီးတူးထားတယ်။
မျောက်ကျောက်ရောဂါရှိသူနှင့် ထိတွေ့ခဲ့သူများကို ထိုင်းက စုံစမ်းစစ်ဆေးရေးဖွဲ့ပြီး ရှာဖွေနေ
ထိုင်းနိုင်ငံတွင် ယမန်နေ့ နံနက်က တွေ့ရှိခဲ့သည့် မျောက်ကျောက်ရောဂါရှိသူနှင့် အနီးကပ် ထိတွေ့ခဲ့သူများကို ရောဂါစုံစမ်းစစ်ဆေးရေးအဖွဲ့ဖွဲ့ပြီး စုံစမ်းရှာဖွေကာ အနီးကပ်စောင့်ကြည့်နေကြောင်း ထိုင်းရောဂါကာကွယ်ထိန်းချုပ်ရေး DDC က ယနေ့ ဩဂုတ်လ ၂၂ ရက်တွင် ထုတ်ပြန်သည်။ အာဖရိကတိုက်ကနေလာသော ဥရောပနိုင်ငံသား အသက် ၆၆ နှစ်ရှိသူ အမျိုးသားတစ်ဦးထံ မျောက်ကျောက်ရောဂါ ကူးစက်ခံထားရသည်ကို တွေ့ရှိထားကြောင်း ဩဂုတ်လ ယမန်နေ့ ဩဂုတ်လ ၂၁ ရက်တွင် ထိုင်း DDC က တရားဝင်ထုတ်ပြန်ခဲ့သည်။ အဆိုပါ လူနာ ဥရောပနိုင်ငံသားနှင့် အနီးကပ် ထိတွေ့ခဲ့သူ ခရီးသည် ၄၃ ဦးရှိပြီး ၎င်းတို့ကို ထိုင်းကျန်းမာရေးဌာနက စုံစမ်းရှာဖွေပြီး အနီးကပ်စောင့်ကြည့်ကာ အခြေအနေများကို ချက်ချင်း
စစ်ကောင်စီက ဂျက်ဖိုက်တာဖြင့် တောင်ကုတ်ကို ဗုံးကြဲ၊ မွေးကင်းစမိခင်တစ်ဦး သေဆုံး
ရခိုင်ပြည် တောင်ကုတ်မြို့နယ်ကို စစ်ကောင်စီက ဂျက်ဖိုက်တာဖြင့် ယခုရက်ပိုင်းအတွင်း နေ့စဉ်နှင့်အမျှ ဗုံးကြဲတိုက်ခိုက်နေပြီး ယနေ့ ဩဂုတ်လ ၂၂ ရက် နေ့လယ် ၂ နာရီကျော်က တိုက်ခိုက်သော ဗုံးကြောင့် မီးချောင်းထိုးကျေးရွာမှ မွေးကင်းစမိခင် အမျိုးသမီးတစ်ဦး သေဆုံးသွားခဲ့ရသည်။ သေဆုံးသူ အမျိုးသမီးက အသက် ၂၅ နှစ်ကျော်အရွယ် ဒေါ်ချေမဖြစ်ပြီး လသားအရွယ် ကလေး ၁ ဦးနှင့် ၅ နှစ်အောက် ကလေး ၁ ဦး ကျန်ခဲ့ကြောင်း စုံစမ်းသိရသည်။ အသက် ၅၀ အရွယ် တောင်ကုတ်ဒေသခံတစ်ဦးက ” ဒေါ်အချေမက နေရာ၌ သေဆုံးသွားတာ၊ သူ့မှာ ၁ လသား ကလေး တစ်ယောက်နဲ့
နယ်မြေစိုးမိုးမှုမရှိတော့၍ စစ်ကောင်စီ ဗိုလ်လောင်းစာမေးပွဲ သတ်မှတ်နေရာ ရခိုင်နှင့် ရှမ်းမြောက် ပါဝင်ခြင်းမရှိ
အာဏာသိမ်း စစ်ကောင်စီ၏ ဗိုလ်လောင်းဝင်ခွင့် အရည်အချင်းစစ် စာမေးပွဲစစ်ဆေးမည့် သတ်မှတ်နေရာများတွင် ရခိုင်ဒေသနှင့် ရှမ်းမြောက်ဒေသ ပါဝင်ခြင်းမရှိသည်ကို စစ်ကောင်စီ ထုတ်ပြန်ချက်အရ သိရသည်။ စစ်ကောင်စီသည် စစ်တက္ကသိုလ်၏ နည်းပညာတက္ကသိုလ်နှင့် ဆေးတက္ကသိုလ် ဗိုလ်လောင်းသင်တန်း ဝင်ခွင့်စာမေးပွဲဖြေဆိုရမည့် နေ့ရက်၊ နေရာနှင့် အချိန်ကို ဝါဒဖြန့် မြန်မာ့အလင်းသတင်းစာကတစ်ဆင့် ဩဂုတ်လ ၂၁ ရက်တွင် ထုတ်ပြန်ကြေညာခဲ့သည်။ ဗိုလ်လောင်းလျှောက်လွှာကို စစ်ကောင်စီက တစ်နိုင်ငံလုံးအတိုင်းအတာဖြင့် ခေါ်ယူထားပြီး ဩဂုတ်လ ၃၀ ရက်တွင် ဖြေဆိုရမည်ဟု ဆိုသည်။ မြို့ကြီး ၁၂ မြို့ရှိ တိုင်းစစ်ဌာနချုပ်များနှင့် စစ်ကြောရေးဌာနများတွင် ဗိုလ်လောင်းဝင်ခွင့် စာမေးပွဲကို စစ်ဆေးသွားမည်ဟု ကြေညာထားသော်လည်း ရခိုင်နှင့် ရှမ်းမြောက်ရှိ အရှေ့မြောက်တိုင်းစစ်ဌာနချုပ် (ရမခ) မရှိတော့၍
စစ်ကောင်စီနှင့် နိုင်ငံရေးပါတီများအစုအဖွဲ့ ၂၀၀၈ ဖွဲ့စည်းပုံပြင်ဆင်ရေးတွေ့ဆုံ
အာဏာသိမ်း စစ်ကောင်စီ၏ ငြိမ်းချမ်းရေးဖော်ဆောင်မှု ကော်မတီနှင့် ရခိုင့်ဦးဆောင်ပါတီ ဥက္ကဌ ဒေါက်တာအေးမောင် ဦးဆောင်သော နိုင်ငံရေးပါတီများအစုအဖွဲ့ ကိုယ်စားလှယ်များ ၂၀၀၈ ဖွဲ့စည်းပုံပြင်ဆင်ရေး တွေ့ဆုံနွေးနေကြောင်း သိရသည်။ နေပြည်တော်ရှိ အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုဗဟိုဌာနမှာ ယမန်နေ့ ဩဂုတ်လ ၂၁ ရက်နေ့ကစပြီး ယနေ့အထိ တွေ့ဆုံနွေးနေကြကြောင်း စစ်ကောင်စီဘက်က သတင်းထုတ်ပြန်သည်။ စစ်ကောင်စီဘက်က နယ်စပ်ရေးရာ ပြည်ထောင်စုဝန်ကြီး၊ အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှု ညှိနှိုင်းရေးကော်မတီ ဥက္ကဋ္ဌ ဒုတိယဗိုလ်ချုပ်ကြီး ထွန်းထွန်းနောင်က ဦးဆောင်ပြီး နိုင်ငံရေးပါတီများအစုအဖွဲ့ဘက်မှ အလုပ်အဖွဲ့ခေါင်းဆောင် ဒေါက်တာအေးမောင်က ဦးဆောင်ကြောင်း သိရသည်။ စစ်ကောင်စီနှင့် နိုင်ငံရေးပါတီများ နှစ်ဘက်ဆွေးနွေးလိုသည့် အချက်များ ဆွေးနွေးပြီးနောက် ၂၀၀၈ ဖွဲ့စည်ပုံထဲက ပြင်ဆင်ဖြည့်စွက်သင့်သည့် အချက်များကို ဆက်လက်ဆွေးနွေးနေကြောင်း
မင်းအောင်လှိုင် လက်ထက် မြန်မာ့စီးပွားရေး ၅၀ ရာခိုင်နှုန်းအောက် ထိုးကျဟု ဒေါ်စုအကြံပေး ဒေါက်တာ ရှောင်တာနယ်ပြော
အာဏာသိမ်း စစ်ခေါင်းဆောင် မင်းအောင်လှိုင်၏ လက်အောက်တွင် မြန်မာနိုင်ငံ၏ စီးပွားရေးသည် ဖြစ်သင့်သည်ထက် ၅၀ ရာခိုင်နှုန်း အောက်ထိုးကျသွားပြီး မြန်မာကျပ်ငွေတန်ဖိုးမှာလည်း ၈၀ ရာခိုင်နှုန်းအောက် ကျဆင်းသွားကြောင်း နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ စီးပွားရေးအကြံပေး ဒေါက်တာ ရှောင်တာနယ်က ပြောဆိုလိုက်သည်။ ဩဂုတ်လ ၂၁ ရက်နေ့ ပြုလုပ်ခဲ့သည့် “မြန်မာ့နွေဦးတော်လှန်ရေး၏ အောင်မြင်မှုများအပေါ် ရှုမြင်ချက်များ ” စကား၀ိုင်းအစီအစဉ်တွင် ဒေါက်တာရှောင်တာနယ်က ယင်းကဲ့သို့ ပြောဆိုလိုက်ခြင်းဖြစ်သည်။ “စစ်အာဏာရှင် မင်းအောင်လှိုင် လက်အောက်မှာ စီးပွားရေးက ဖြစ်သင့်တာထက် ၅၀ ရာခိုင်နှုန်းအောက်ကို ကျဆင်းသွားပြီးတော့ မြန်မာကျပ်ငွေတန်ဖိုးကတော့ ၈၀ ရာခိုင်နှုန်းအောက်ကို ရောက်ရှိကျဆင်းသွားပါတယ်။ စစ်ကောင်စီအနေနဲ့ မြန်မာ့စီးပွားရေးကို စစ်ပွဲ စီးပွားရေး အဖြစ် လျော့ကျစေခဲ့ပါတယ်”