ကိုးကန့်တပ် MNDAA ထံသို့ စစ်ကောင်စီတပ်သား ၇ ဦး လက်နက်ချ အလင်းဝင်လာပြီး MNDAA ကလည်း အဆိုပါ တပ်သားများကို ဆုကြေးငွေများ ချီးမြှင့်ပေးခဲ့ကြောင်း ထုတ်ပြန်ထားသည်။ စစ်ကောင်စီတပ်သားများမှာ ဩဂုတ်လ ၁၃ ရက်နေ့က မိမိဆန္ဒအလျှောက် ကိုးကန့်တပ်ထံ လက်နက်ချအလင်းဝင်ခဲ့ပြီး MNDAA က တစ်ဦးကို ငွေကျပ် ၁၀ သိန်းစီ ဆုချီးမြှင့်ပေးခဲ့သည်။ လက်နက်ချသော စစ်ကောင်စီတပ်သား ၇ ဦးမှာ လားရှိုးတိုက်ပွဲ အစောပိုင်းတွင် လက်နက်ချရန် ကြိုးစားခဲ့သော်လည်း တိုက်ပွဲများပြင်းထန်နေသောကြောင့် ယခုအချိန်မှ လက်နက်ချနိုင်ခဲ့သည်ဟု သိရသည်။ MNDAA က အဆိုပါ လက်နက်ချတပ်သားများကို ဆုကြေးငွေများ ပေးအပ်သည့်အပြင် ကိုးကန့်ဒေသအတွင်း နေထိုင်ခြင်းကိုလည်း ခွင့်ပြုပေးထားကြောင်း

ရခိုင်ပြည် စစ်တွေမြို့နယ် ဗျိုင်းဖြူရွာသားများကို တရားရုံးက စတင်စစ်ဆေးနေပြီး စွပ်စွဲခံရသူတစ်ဦးလျှင် ခံပြသက်သေ ၂ ဦး တင်ပြရမည်ဟု စစ်တွေမြို့နယ်တရားရုံးက တောင်းဆိုထားကြောင်း မိသားစုဝင်များထံမှ သိရသည်။ ဗျိုင်းဖြူကျေးရွာက အမျိုးသား၊ အမျိုးသမီးအပါအဝင် အရပ်သား ၂၀၀ ကျော်ကို AA နှင့်ဆက်သွယ်သည်ဟုဆိုကာ စစ်ကောင်စီက မတရားဖမ်းဆီးခဲ့ပြီး ယင်းအထဲက လူ ၁၀၀ ခန့်ကို စစ်ကောင်စီက အစုလိုက်အပြုံလိုက် သတ်ဖြတ်ခဲ့သည်။ ကျန် အရပ်သား ၁၀၀ ကျော်ထဲက ၆၀ ဦးနှင့်အထက်ကို စစ်ကောင်စီ တပ်ဖွဲ့ဝင်များက စစ်တွေမြို့နယ်တရားရုံးတွင် မတရားအသင်းဆက်သွယ်မှုပုဒ်မ ၁၇ (၁) တို့ဖြင့် ဇွန်လ ပထမအပတ်တွင် တရားစွဲဆိုခဲ့သည်။ ရုံးချိန်း ၄ ကြိမ်အထိ

တရုတ်နိုင်ငံခြားရေးဝန်ကြီး ဝမ်ရိ အာဏာသိမ်း စစ်ခေါင်းဆောင် မင်းအောင်လှိုင်နှင့် တွေ့ပြီးနောက် ဗိုလ်ချုပ်မှူးကြီး ဦးသန်းရွှေ (အငြိမ်းစား) အား သွားရောက်တွေ့ဆုံခဲ့ကြောင်း သိရသည်။ ဦးသန်းရွှေနှင့် ဝမ်ရိတို့ သြဂုတ် ၁၄ ရက်က နေပြည်တော်တွင် တွေ့ဆုံခဲ့ကြောင်း တရုတ်အစိုးရပိုင် Xinhua သတင်းဌာနက ဖော်ပြသည်။ တရုတ်နိုင်ငံအနေဖြင့် မြန်မာနိုင်ငံကို ပြည်ပဝင်ရောက်စွက်ဖက်ခြင်းမှ ကာကွယ်ရန်နှင့် ပြည်တွင်းတည်ငြိမ်ရေးကို ထိန်းသိမ်းကာကွယ်ရန်အတွက် တန်ဖိုးရှိသော အထောက်အပံ့များကို ဆက်လက်ပံ့ပိုးကူညီသွားမည်ဟု မျှော်လင့်ကြောင်း သန်းရွှေက ဝမ်ရိကို ပြောဆိုသည်။ တရုတ် ဝမ်ယိက မြန်မာနိုင်ငံတွင် နိုင်ငံရေးအရ ရင်ကြားစေ့ရေးကြိုးပမ်းမှု၊ တစ်ပြည်လုံးရွေးကောက်ပွဲ အဆင်ပြေချောမွေ့စွာ ကျင်းပရန်၊ ဒီမိုကရေစီအသွင်ကူး ပြောင်းရေး ပြန်လည်စတင်ရန် ထောက်ခံကြောင်း ဝမ်ရိက သန်းရွှေအား

တိုက်ပွဲပြင်းထန်နေသော ရခိုင်ပြည် တောင်ပိုင်းဒေသတွင် ဂွမြို့နှင့် ကျိန္တလီမြို့ကြားတွင်ရှိသော ကုလားပြင် (ရတနာမြိုင်) တံတားနှင့် ဆပ်သွားချောင်းတံတားတို့ကို စစ်ကောင်စီတပ်ဖွဲ့ဝင်များက မိုင်းခွဲဖျက်ဆီးရန် ပြင်ဆင်နေကြောင်း စုံစမ်းသိရသည်။ ဩဂုတ်လ ၁၂ ရက်နေ့က ကျိန္တလီမြို့အတွင်း ပိတ်မိနေသော မိသားစုဝင်တစ်အား သွားရောက်ကယ်ထုတ်သူ ဂွမြို့ခံလူငယ်တစ်ဦးက မျက်မြင်တွေ့ခဲ့ရသည်ကို Western News အား ပြောပြသည်။ ” ဟိုတနေ့က ဩဂုတ်လ ၁၂ ရက်ပေါ့။ ကျိန္တလီမြို့ထဲ မိသားစုဝင်တစ်ဦးခေါ်ဖို့ သွားခဲ့တယ်။ အပြန် ညနေပိုင်းမှာ ကုလားပြင်တံတားနဲ့ ဆပ်သွားတံတားမှာ မိုင်းထောင်နေတာ တွေ့ခဲ့ရတယ်။ တံတား အစ၊ အလယ်၊ အဆုံး ထိပ်တွေမှာ ကားတာယာတွေနဲ့ မိုင်ခွဲဖျက်ဆီးဖို့ ပြင်ဆင်နေတာ တွေ့ခဲ့ရတယ်။ တံတားတွေမှာလည်း

သီပေါမြို့နယ်တွင် စစ်ကောင်စီမှ လေကြောင်းနှင့် လက်နက်ကြီးများ နေ့စဥ်ပစ်ခတ်မှုကြောင့် ၅ ရက်အတွင်း အရပ်သား ၁၁ ဦးသေဆုံးခဲ့ပြီး ၁၂ ဦး ထိခိုက်ဒဏ်ရာရရှိခဲ့ကြောင်း တအောင်းတပ် TNLA က ယနေ့ ထုတ်ပြန်သည်။ သြဂုတ်လ ၉ ရက်မှ ၁၃ ရက်နေ့အတွင်း သီပေါမြို့နယ်ရှိ ကျောင်းစု၊ အုတ်ကျင်း၊ တာပုတ်၊ ထုံစင့်ရပ်၊ မြို့လယ်ရပ်၊ နားလွယ်၊ မြို့ဟောင်း၊ ကုန်းဆုံကျေးရွာနှင့် နမ့်ပေါ့ချောင်းသို့ စစ်ကောင်စီမှ လေကြောင်းနှင့် လက်နက်ကြီး ပစ်ခတ်ခဲ့၍ အမျိုးသား ၇ ဦးနှင့် အမျိုးသမီး ၄ ဦး သေဆုံးသွားခဲ့ရသည်။ ထိုလေကြောင်းတိုက်ခိုက်မှုနှင့် လက်နက်ကြီးကျရောက်ပေါက်ကွဲမှုကြောင့် သီလရှင် ၁ ပါးနှင့် ကလေးငယ်

မကွေးတိုင်း၊ ဂန့်ဂေါမြို့ လုံခြုံရေးတာဝန်ခံ ဗိုလ်ကြီးမျိုးဝင်းသူကို PDF များထံသို့ ကျည်ဆန်ရောင်းစားမှု အပါအဝင် ပြစ်မှုများစွာဖြင့် စစ်ကောင်စီတပ်က ဖမ်းဆီးခေါ်ဆောင်သွားကြောင်း ဒေသခံ သတင်းရင်းမြစ်များက ပြောသည်။ ဩဂုတ်လ ၁၀ ရက်‌နေ့ နံနက် ၁၁ နာရီခန့်အချိန် ဂန့်ဂေါမြို့ အမြောက်တပ်အတွင်းသို့ ရိက္ခာ၊ လက်နက်ခဲယမ်းဖြည့်တင်းရန် ရောက်ရှိလာသည့် ရဟတ်ယာဉ်ဖြင့် ဂန့်ဂေါမြို့လုံခြုံရေးတာဝန်ခံဗိုလ်ကြီး မျိုးဝင်းသူကို စစ်ကောင်စီတပ်ဖွဲ့ဝင်များက ပြန်လည် ဖမ်းဆီးခေါ်ဆောင်သွားခြင်းဖြစ်သည်။ သတင်းရင်းမြစ် ယောအလင်းတန်းမှ ကိုဘကောင်း က “ ဒီလ ၁၀ ရက်နေ့ မနက် ၁၁ နာရီလောက်မှာ ဆင်းတဲ့ ပဇိုင်းနဲ့ ပါသွားပြီ။ သူ့ကို လက်နောက်ပြန် လက်ထိပ်ခတ်ထားတယ်။ ပြီးတော့ ခန္ဓာကိုယ်တခုလုံးကိုလည်း