PV ကိုင်ဆောင်ပြီး ပြည်ပထွက်ခွာမည့် သူများကို စစ်ကောင်စီ ထပ်မံတင်းကျပ်
အလည်နိုင်ငံကူးလက်မှတ် PV ပါ့စ်ပို့ကို ကိုင်ဆောင်ပြီး ပြည်ပသို့ထွက်ခွာ အလုပ်လုပ်ကြမည့်သူများကို အာဏာသိမ်း စစ်ကောင်စီက ရန်ကုန်လေဆိပ်တွင် တင်းတင်းကျပ်ကျပ် စစ်ဆေးဆောင်ရွက်နေကြောင်း သိရသည်။ ပြီးခဲ့သည့် ဩဂုတ်လက PV ကိုင်ဆောင်သူများကို ပိတ်ပင်ခဲ့ပြီးနောက် ယမန်နေ့ အောက်တိုဘာလ ၂ ရက်နေ့ကစ၍ ထပ်မံ ပိတ်ပင်ကာ ရန်ကုန်လေဆိပ်ကနေ ပြန်လည် လှည့်ပြန်ခိုင်းနေခြင်းဖြစ်သည်။ ယမန်နေ့က ထိုင်းနိုင်ငံသို့ ထွက်ခွာကြမည့် ရာနှင့်ချီသော PV ကိုင်ဆောင်သူများမှာ ၅၀ ဦးထက်မနည်း ပြန်လည် စေလွှတ်ခံရပြီး သတ်မှတ်ချက် စည်းကမ်းများနှင့် ကိုက်ညီမှုမရှိဟုဆိုကာ စစ်ကောင်စီ တားဆီးပိတ်ပင်ခဲ့သည်။ ” လေယာဉ်လက်မှတ် ကောင်တာကို ဖြတ်လို့ အပေါ်မှာ လဝက ကိုဖြတ်တဲ့အခါမှာ စစ်ဆေးမေးမြန်းတာ စတာပါပဲ။
ကရင်နီဒေသက ရှမ်းတော်လှန်ရေးတပ် SSLRU တိုက်ခိုက်ရေးသင်တန်း
ကရင်နီဒေသက ရှမ်းပြည် (တောင်ပိုင်း) ဒေသခံ တော်လှန်ရေးတပ်ပေါင်းစု SSLRU ၏ အပတ်စဉ် ၃ တိုက်ခိုက်ရေး တန်းမြှင့် စစ်သင်တန်းဆင်းပွဲ အခမ်းအနားကို အောက်တိုဘာ ၁ ရက်တွင် ပြုလုပ်ခဲ့ကြသည်။ SSLRU မှ တာဝန်ရှိ ပုဂ္ဂိုလ်များနှင့် မဟာမိတ်တပ်ဖွဲ့ အသီးသီးမှ တာဝန်ရှိသူများ တက်ရောက် စကားပြောခဲ့ကြသည်။ သင်တန်းသား ရဲဘော်များက သစ္စဓိဌာန် ရွက်ဆိုကြပြီး တာဝန်ရှိသူများက သင်တန်းသားများအပေါ် ဂုဏ်ပြုမှတ်တမ်းများကို ပေးအပ်ခဲ့ကြောင်း သိရသည်။
မြန်မာ့အရေးဆွေးနွေးရန် အမေရိန်ကန် တရားမျှတရေး သံအမတ် ထိုင်းနိုင်ငံ လာရောက်မည်
မြန်မာနိုင်ငံအတွင်း ကျူးလွန်ဖြစ်ပွားနေသော ရက်စက်ကြမ်းကြုတ်မှုများနှင့် တရားမျှတမှု၊ တာဝန်ခံမှုရှိရေးအတွက် အမေရိကန်၏ ကမ္ဘာလုံးဆိုင်ရာ တရားမျှတရေး သံအမတ် ဗန် ရှက်ခ် Van Schaack ထိုင်းနိုင်ငံ လာရောက်မည်ဟု သိရသည်။ အောက်တိုဘာလ ၄ ရက်နေ့တွင် ထိုင်းနိုင်ငံ ဘန်ကောက်မြို့သို့ ရောက်ရှိပြီး ထိုင်းအစိုးရအဖွဲ့မှ တာဝန်ရှိသူများဖြင့် တွေ့ဆုံကာ ၇ ရက်အနေ့အထိ နေမည်ဟု အမေရိကန်နိုင်ငံခြားရေးဌာနက ပြောဆိုထားသည်။ ထိုင်းအစိုးရအဖွဲ့အပြင် အရပ်ဘက်အဖွဲ့အစည်းများ၊ ကျွမ်းကျင်သူများနှင့် အခြားသော အဖွဲ့အစည်းများဖြင့် တွေ့ဆုံကာ မြန်မာပြည်က ရက်စက်ကြမ်းကြုတ်စွာ ကျူးလွန်ခံရသူများအတွက် တရားမျှတမှုရရှိရေးနှင့် တာဝန်ခံမှုရှိစေရေးအတွက် ဆွေးနွေးကြမည်ဖြစ်သည်။ အမေရိကန်နိုင်ငံသည် မြန်မာပြည်က ရက်စက်ကြမ်းကြုတ်မှုများ ခံစားရသူများအတွက် တရားမျှတမှု၊ တာဝန်ခံမှုရှိစေရေးကို ကြိုးစားဆောင်ရွက်နေကြောင်း ဗန်
တောင်ကုတ်၊ သံတွဲ ထပ်မံဗုံးကြဲခံရ တစ်ဦးသေ၊ နှစ်ဦး ဒဏ်ရာရ
ရခိုင်ပြည် တောင်ကုတ်နှင့် သံတွဲမြို့နယ်ကို စစ်ကောင်စီက ယမန်နေ့ အောက်တိုဘာလ ၁ ရက်၊ ၂ ရက် ရက်နေ့က ဗုံးကြဲတိုက်ခိုက်ခဲ့၍ အပြစ်မဲ့အရပ်သားပြည်သူ ၁ ဦးသေဆုံးပြီး ၂ ဦး ဒဏ်ရာပြင်းထန်စွာ ရရှိခဲ့သည်။ သံတွဲမြို့နယ် ညောင်ခြေထောက်ကျေးရွာကို အောက်တိုဘာလ ၁ ရက်နေ့က စစ်ကောင်စီ ဗုံးကြဲတိုက်ခိုက်ခဲ့သည်။ ဗုံးကြဲတိုက်ခိုက်မှုကြောင့် အပြစ်မဲ့အရပ်သားပြည်သူ ၁ ဦးသေဆုံးပြီး ၁ ဦးဒဏ်ရာရရှိခဲ့သည်။ သေဆုံးသူမှာ ဦးအောင်နိုင်သူနှင့် ဒဏ်ရာရရှိသူမှာ ကိုမိုးတီဖြစ်သည်။ ဒေသခံတစ်ဦးက ” ညနေ ၃ နာရီလောက်မှာ စစ်ကောင်စီက ဂျက်ဖိုက်တာတစ်စီးနဲ့ ညောင်ခြေထောက်ရွာကို ဗုံးကြဲတိုက်ခိုက်ခဲ့တာ။ ရွာက ဘုန်းတော်ကြီးအနီးက နေအိမ်တွေကို ထိမှန်ခဲ့တာပါ။ ”