စစ်ကောင်စီအတွက် လေယာဉ်ဆီကို ဗီယက်နမ်နိုင်ငံက အဓိက တင်ပို့ရောင်းချနေကြောင်း ကုလစုံစမ်းရေးမှူးပြော
မြန်မာနိုင်ငံအနှံ့ အရပ်သားများနှင့် တော်လှန်ရေးအဖွဲ့များအား နေ့စဉ် လေကြောင်းဗုံးကြဲတိုက်ခိုက်မှု ပြုလုပ်နေသော အာဏာသိမ်း စစ်ကောင်စီအတွက် လေယာဉ်ဆီကို ဗီယက်နမ်နိုင်ငံက အဓိက တင်ပို့ရောင်းချနေကြောင်း ကုလသမဂ္ဂအထူးစုံစမ်းရေးမှူး Mr. Tom Andrews က ပြောသည်။ ကုလသမဂ္ဂအထူးစုံစမ်းရေးမှူး Mr. Tom Andrews နှင့် အမျိုးသားညီညွတ်ရေးအစိုးရ ဒုတိယဝန်ကြီး ခွန်းဗဟန်းထန်၊ သြစတေးလျနိုင်ငံဆိုင်ရာ အမျိုးသားညီညွတ်ရေးအစိုးရ ကိုယ်စားလှယ် ဒေါက်တာထွန်းအောင်ရွှေ၊ CRPH /NUG Support Group Ausrialia National Team တို့နှင့် အောက်တိုဘာလ ၁၀ ရက်နေ့တွင် သြစတေးလျနိုင်ငံ ကင်ဘရာမြို့၌ တွေ့ဆုံခဲ့ကြသည်။ ထိုတွေ့ဆုံပွဲတွင် စစ်ကောင်စီအား ပိတ်ဆို့အရေးယူမှုနှင့် ပတ်သက်၍ ကုလသမဂ္ဂအထူးစုံစမ်းရေးမှူး Mr.
မြန်မာပြည် ကြီးမားသောအပြောင်းအလဲ ကြုံတွေ့နိုင်၍ တပ်နှင့်အုပ်ချုပ်ရေးကို MNDAA အမိန့်ထုတ်
မြန်မာပြည်ကို ပြည်ပနိုင်ငံများက ဝင်စွက်ဖက်မှုများကြောင့် မကြာမီကာလအတွင်း ကြီးမားသော ပြောင်းလဲမှုများကို ကြုံတွေ့ရနိုင်သဖြင့် MNDAA က ၎င်းအဖွဲ့အစည်းအတွင်း လိုက်နာရမည့် စည်းကမ်းချက်များကို ထုတ်ပြန်လာသည်။ ကြီးမားသော ပြောင်းလဲမှုများ၊ ရှုတ်ထွေးသော အခြေအနေများ ရှိလာနိုင်ပြီး MNDAA အနေဖြင့် အသုံးချခံမဖြစ်စေရန်နှင့် မလိုလားအပ်သော အငြင်းပွားမှုများ မဖြစ်ပွားစေရေးအတွက် MNDAA ထုတ်ပြန်ထားသည်။ ထုတ်ပြန်ချက်ထဲတွင် MNDAA ၏ ပါတီဝင်များ၊ တပ်ဖွဲ့ဝင်များနှင့် ဆက်နေသော ပုဂ္ဂိုလ်များအနေဖြင့် အာဆီယံနိုင်ငံများ၊ အမေရိကန်နှင့် အနောက်နိုင်ငံများသို့ ခွင့်ပြုချက်မရှိဘဲ ခရီးမသွားရဟု ဆိုသည်။ မြန်မာ့အရေးနှင့်ပတ်သက်သော နိုင်ငံတကာညီလာခံများတွင် မတက်ရောက်ရန်နှင့် ပြည်ပမီဒီယာများအပါအဝင် အမေရိကန်၊ အနောက်နိုင်ငံများမှ သတင်းထောက်များ၏ အင်တာဗျူးများကို လက်ခံဖြေခြင်းမပြုရဟု ထုတ်ပြန်ချက်တွင် ပါသည်။
ဂွမြို့မှာ စားကုန်နှင့် ဆေးဝါးပြတ်လပ်
တိုက်ပွဲပြင်းထန်နေသည့် ရခိုင်ပြည် ဂွမြို့နယ်တွင် စားသောက်ကုန်စည်နှင့် ဆေးဝါးများ ပြတ်လပ်လျှက်ရှိနေကြောင်း ဂွဒေသခံများက ပြောသည်။ ဂွမြို့ကို စစ်ကောင်စီက ပြီးခဲ့သည့် သြဂုတ်လပိုင်းလောက်စ၍ ကုန်စည်သယ်ယူခွင့်များကန့်သတ်ခဲ့ပြီးနောက် လက်ရှိတွင် စားကုန်နှင့် ဆေးဝါးများဝယ်ယူ၍မရတော့သည်အထိ ပြတ်လပ်နေပြီဟု အမည်မဖော်လိုသည့် အသက် ၃၀ ကျော်အရွယ် ဂွမြို့ခံတစ်ဦးက ပြောသည်။ “ပြတ်နေတာက လွန်ခဲ့တဲ့ ၂ လလောက် ကတည်းကပါ။ အခုကတော့ လုံးဝနီးနီးပြတ်သွားတာပေါ့။ ဘယ်လောက်စျေးရှိတယ်လို့တောင် မဟုတ်ဘူး။ တချို့ကုန်တွေက ဝယ်လို့ကို မရတော့တာပါ” ဟုပြောသည်။ ကုန်စည်ပြတ်လပ်မှုထဲတွင် အဓိကအနေဖြင့် ဆန်နှင့် ဆေးဝါးပြတ်လပ်ခြင်းဖြစ်ပြီး ဒေသခံများမှာ များစွာအခက်ကြုံလျှက်ရှိနေကြရကြောင်း ဂွဒေသခံများကဆိုသည်။ “ဆန်နဲ့ ဆေး က ဝယ်ဝယ်လို့ကို မရတော့တာ။ ဧရာဝတီဘက် အသွားအလာ
ဘူးသီးတောင်မှာ ပျောက်ဆုံးအရပ်သား ၂ ဦး အလောင်းကိုသာ ပြန်ရှာတွေ့
ရခိုင်ပြည် ဘူးသီးတောင်မြို့ အမှတ် (၂) ရပ်ကွက်က အရပ်သား အသက် ၆၇ နှစ်အရွယ် ဦးစံရွှေမောင်နှင့် အသက် ၆၅ နှစ်အရွယ် ဦးမောင်မြအောင်တို့နှစ်ဦးမှာ အောက်တိုဘာလ ၇ ရက်နေ့က ဝါးခုတ်သွားစဉ် ပျောက်ဆုံးသွားသည်။ နံနက် ၈ နာရီခန့်က ဝါးခုတ်ရန် နေအိမ်မှ ဂုံးနားကျေးရွာဘက်သို့ ထွက်သွားပြီးနောက် ပျောက်ဆုံးသွား၍ AA ၏ လုံခြုံရေးတပ်ဖွဲ့ဝင်များက လိုက်လံရှာဖွေခဲ့ကြသည်။ ၃ ရက်ကြာရှာဖွေပြီးနောက် အောက်တိုဘာလ ၁၀ ရက် နံနက်ပိုင်းတွင် ဘူးသီးတောင်မြို့နယ် ဂုံးနားကျေးရွာက နေအိမ်တစ်ခုအတွင်း ဦးခေါင်းဖြတ် မြေမြှုပ်ထားသည့် ရုပ်အလောင်းနှစ်လောင်းအား တွေ့ရှိခဲ့ကြောင်း AA ဆိုသည်။ အဆိုပါ ရုပ်အလောင်းနှစ်လောင်းမှာ ပျောက်ဆုံးသွားသော ဘူးသီးတောင်