ရေခဲနှင်းဖုံးသည့် ပန်ဝါမြို့ကို KIA သိမ်းပိုက်ထိန်းချုပ်
ကချင်ပြည်နယ် အထူးဒေသ (၁) ရှိ ပန်ဝါမြို့ကို ကချင်လွတ်မြောက်ရေးတပ်မတော် KIA နှင့် ပြည်သူ့ကာကွယ်ရေးတပ်ဖွဲ့ PDF က ယမန်နေ့ အောက်တိုဘာလ ၁၈ ရက် ည ၉ နာရီက အပြီးသတ် သိမ်းပိုက်ထိန်းချုပ်လိုက်ပြီဟု သိရသည်။ ပန်ဝါမြို့ထဲက စစ်ကောင်စီ တပ်ရင်းတပ်ဖွဲ့ တပ်စခန်းများအားလုံးကို တိုက်ခိုက်ရှင်းလင်းကာ ညနေ ၅ နာရီက KIA ပူးပေါင်းတပ်ဖွဲ့က မြို့ထဲသို့ ဝင်ရောက်နိုင်ခဲ့ကြောင်း သတင်းရင်းမြစ်များက အတည်ပြုထားကြသည်။ ပန်ဝါမြို့ခံတစ်ဦးက “မနေ့ ညနေ ၅ နာရီမှာ တိုက်ပွဲ အပြင်းအထန်ဖြစ်ပါတယ်။ ပြည်သူ့စစ်တွေလည်း အဝတ်အစားတွေလဲပြီး ထွက်ပြေးကြတယ်။ ည ၉ နာရီမှာ ပန်ဝါမြို့ ပတ်ပတ်လည်မှာ
စစ်ကောင်စီ လက်နက်ကြီးကြောင့် ဂွနှင့် မောင်တောမှာ အရပ်သား ၃ ဦးသေဆုံး၊ ၁၀ ဦးဒဏ်ရာရ
တိုက်ပွဲပြင်းထန်နေသော ဂွမြို့နယ်နှင့် မောင်တောမြို့နယ်တွင် စစ်ကောင်စီက အရပ်သားပြည်သူများအား ဦးတည်ပစ်မှတ်ထား တိုက်ခိုက်နေ၍ ယခုရက်အတွင်း ၃ ဦးသေဆုံးပြီး ၁၀ ဦးဒဏ်ရာရကြောင်း သိရသည်။ ဂွမြို့နယ် ကုလားပြင်အနီးက ဒယ်ဘုတ်ကျေးရွာကို အောက်တိုဘာလ ၁၅ ရက် နေ့လယ် ၃ နာရီခန့်က စစ်ကောင်စီ လေကြောင်းတိုက်ခိုက်မှုကြောင့် အပြစ်မဲ့ အရပ်သား ၃ ဦးသေဆုံးပြီး ၅ ဦး ဒဏ်ရာ ရရှိသွားသည်။ သေဆုံးသူများမှာ အသက် ၄၂ နှစ်အရွယ် ဦးမောင်တင်ရွှေ၊ အသက် ၄၇ နှစ်အရွယ် ဒေါ်ခင်မျိုးမြင့်နှင့် အသက် ၅၀ အရွယ် ဦးတင်ရွှေတို့ဖြစ်သည်။ ဒဏ်ရာရရှိသူများမှာ အသက် ၁၂ နှစ်အရွယ် မေနှင်းသူ၊
နောင်ချိုမြို့ကို စစ်ကောင်စီ ဗုံးဆက်တိုက်ကြဲ၊ နှစ်ရက်အတွင်း ၃ ဦးသေဆုံးပြီး ၇ ဦးဒဏ်ရာရ
တအောင်းတပ် TNLA ထိန်းချုပ်ထားသော ရှမ်းမြောက် နောင်ချိုမြို့ကို ယခုရက်ပိုင်းအတွင်း အာဏာသိမ်း စစ်ကောင်စီက လေကြောင်းတိုက်ခိုက်မှု ဆက်တိုက်ပြုလုပ်နေ၍ ကလေးငယ်များအပါအဝင် ၃ ဦးသေဆုံးပြီး ၇ ဦးဒဏ်ရာပြင်းထန်စွာ ရရှိကြောင်း သိရသည်။ ယနေ့ အောက်တိုဘာလ ၁၉ ရက် နံနက် ၅ နာရီကျော်အချိန်တွင် နောင်ချိုမြို့ကို စစ်ကောင်စီက ဂျက်လေယာဉ်ဖြင့် ဗုံးကြဲတိုက်ခိုက်ခဲ့ပြီး တောင်ရပ် ရပ်ကွက်အတွင်း ကျရောက်ပေါက်ကွဲခဲ့သည်။ တောင်ရပ် ရပ်ကွက်နေ ဦးကျော်၏ နေအိမ်ပေါ်သို့ ကျရောက်ပေါက်ကွဲမှုကြောင့် ဦးကျော်အပါအဝင် သမီးငယ်နှစ်ဦးနှင့်အတူ ၃ ဦးစလုံး သေဆုံးသွားခဲ့ရသည်။ ဆက်လက်ပြီး နံနက် ၅ နာရီခွဲအချိန်ခန့်တွင် ထပ်မံ ဗုံးကြဲတိုက်ခိုက်ခံရ၍ ဦးပြားနေအိမ်ပေါ်သို့ ကျရောက်ပေါက်ကွဲခဲ့ပြီး ဦးပြားနှင့်