သံလွင်မြို့နယ် ဗုံးကြဲခံရ၊ အရပ်သား ၃ ဦးသေဆုံးပြီး ၃ ဦးဒဏ်ရာရ
ရှမ်းမြောက်ဒေသ သိန္နီခရိုင် သံလွင်မြို့နယ် အီနိုင်းကျေးရွာကို ယနေ့ အောက်တိုဘာလ ၁၄ ရက် နံနက် ၁ နာရီခန့်အချိန်တွင် ပေါင်ချိန်များသော ဗုံး ၃ လုံးနှင့် ဗုံးအသေးစား ၄ လုံးဖြင့် အာဏာသိမ်း စစ်ကောင်စီက ဗုံးကြဲတိုက်ခိုက်ခဲ့ကြောင်း ကိုးကန့်သတင်းက ထုတ်ပြန်ထားသည်။ အဆိုပါ ဗုံးကြဲတိုက်ခိုက်ခံရမှုများကြောင့် အီနိုင်ကျေးရွာက အရပ်သား ၃ ဦး နေရာ၌ သေဆုံးသွားခဲ့ရပြီး ၃ ဦးမှာ ဒဏ်ရာပြင်းထန်စွာ ရရှိခဲ့ကြသည်။ ဆက်လက်ပြီး အီနိုင်းကျေးရွာက နေအိမ် ၂၀ ကျော်နှင့် ဆေးခန်း၊ ခရစ်ယာန်ဘုရားရှိခိုးကျောင်း၊ အခြား အများအပြည်သူဆိုင်ရာ အဆောက်အအုံများ အတိုင်းအတာတစ်ခုအထိ ထိခိုက်ပျက်စီးခဲ့ရသည်။ အောက်တိုဘာလ ၁၂ ရက်နေ့ကလည်း
မြန်မာပြည်တွင်းစစ် ချက်ချင်းရပ်တန့်ရန်နှင့် ငြိမ်းချမ်းရေးဆွေးနွေးကြရန် အာဆီယံတောင်းဆို
လက်ရှိဖြစ်ပွားနေသည့် မြန်မာနိုင်ငံအတွင်းက ပြည်တွင်းစစ်ကို ချက်ချင်းရပ်တန့်ကြရန်နှင့် အားလုံးပါဝင်သည့် ငြိမ်းချမ်းရေးဆွေးနွေးပွဲကို အမြန်ဆုံးပြုလုပ်ကြရန် အရှေ့တောင်အာရှ ခေါင်းဆောင်များက တောင်းဆိုလိုက်သည်။ မြန်မာ့ပြည်တွင်းစစ် အဆုံးသတ်ရေးအပါအဝင် တောင်တရုတ်ပင်လယ်အတွက် နိုင်ငံတကာဥပဒေအပေါ် အခြေခံသည့် ကျင့်ဝတ်ဆိုင်ရာ သဘောတူညီချက်ကို အမြန်လက်ခံရန်လည်း အာဆီယံခေါင်းဆောင်များက အောက်တိုဘာ ၁၃ ရက်က တောင်းဆိုခဲ့ကြသည်။ အမေရိကန်၊ ရုရှား၊ တရုတ်၊ ဂျပန်၊ အိန္ဒိယနှင့် တောင်ကိုရီးယားတို့မှ သံတမန်များ ပါဝင်သော လာအိုနိုင်ငံတွင် ကျင်းပသည့် အရှေ့တောင်အာရှနိုင်ငံများ၏ အစည်းအဝေးမှာ သောကြာနေ့တွင် ပြီးဆုံးသွားပြီဖြစ်ပြီး အစည်းအဝေး သဘောထားကို အာဆီယံ ဥက္ကဋ္ဌက ကြေညာချက် ထုတ်ပြန်ခဲ့ခြင်းဖြစ်သည်။ မြန်မာနိုင်ငံတွင် ဖြစ်ပွားနေသော စစ်ပွဲတွင် အကြမ်းဖက်မှုများကို ချက်ချင်းရပ်တန့်ရန်နှင့် လူသားချင်းစာနာထောက်ထားမှုဆိုင်ရာ အကူအညီများ
မြေပုံ ယောချောင်းတံတားနှင့် နေအိမ်အချို့ကို စစ်ကောင်စီက လေးကြိမ်တိုင်တိုင် လာရောက် ဗုံးကြဲ
ရခိုင်ပြည်၊ မြေပုံမြို့နယ် တောင်စိုင်ကမ်းတိုက်နယ် အတွင်းရှိ ယောချောင်းတံတားနှင့် အရပ်သားနေထိုင်သည့် နေအိမ်အချို့ကို စစ်ကောင်စီတပ်က လေကြောင်းက ၄ ကြိမ်တိုင်တိုင်လာရောက် ဗုံးကြဲမှုကြောင့် တံတားနှင့် နေအိမ်အချို့ ပျက်စီးသွားကြောင်း ဒေသခံများက ပြောသည်။ အောက်တိုဘာ ၁၂ ရက် ညနေ ၅ နာရီ ၄၅မိနစ်အချိန်ခန့်တွင် တစ်ကြိမ်၊ ၆ နာရီ ၄၀ မိနစ်တွင် တစ်ကြိမ်၊ ညဉ့် ၁၁ နာရီ ၁၀ မိနစ်တွင် တစ်ကြိမ်၊ ညဉ့် ၁၁ နာရီ ၄၀ တွင်တစ်ကြိမ် စုစုပေါင်း လေးကြိမ်တိုင်တိုင် ပေါင်း ၅၀၀ ဗုံးဖြင့် လာရောက် ပစ်ချခဲ့သည်။ အသက် ၂၉
လှိုင်သာယာမြို့နယ် စီမံအုပ်ချုပ်ရေးကောင်စီဝင်နှင့် ကိုယ်ရေးအရာရှိတို့ ပစ်ခတ်ခံရ
ရန်ကုန်တိုင်း၊ လှိုင်သာယာမြို့နယ်အနောက်ပိုင်း စီမံအုပ်ချုပ်ရေးကောင်စီဝင် ကျော်သူဝင်း(ခ) ရွှေမန်းနှင့် ကိုယ်ရေးအရာရှိတို့ကို တော်လှန်ရေးတပ်များက ဝင်ရောက်ပစ်ခတ်ရာ ဒဏ်ရာအပြင်းအထန်ရရှိသွားကြောင်း သိရသည်။ အောက်တိုဘာလ ၁၃ ရက်နေ့ နံနက် ၉ နာရီအချိန်ဝန်းကျင် လှိုင်သာယာမြို့နယ်၊ ၁၁ ရပ်ကွက်တွင် လှိုင်သာယာမြို့နယ်အနောက်ပိုင်း စီမံအုပ်ချုပ်ရေးကောင်စီဝင် အဖွဲ့ဝင် ၂ ကျော်သူဝင်းနှင့် ကိုယ်ရေးအရာရှိတို့ကို Golden Valley Warriors ရဲဘော်များက ပစ်ခတ်ရှင်းလင်းခဲ့ကြောင်း သတင်းထုတ်ပြန်သည်။ ကျော်သူဝင်းမှာ ရင်ဘတ်ဖောက်ဝင် ဒဏ်ရာ ၂ ချက်၊ ဝဲလက်ဖဝါးဖောက်ဒဏ်ရာ ၁ ချက်ကျည်ထိမှန်ဒဏ်ရာရရှိ ခဲ့ပြီး ကိုယ်ရေးအရာရှိမှာ ဦးခေါင်းဖောက်ဝင် ဒဏ်ရာ ၂ ချက် ရရှိခဲ့ကာ လူနာတင်ယာဉ် ၂ စီးဖြင့် ဆေးရုံသို့
စစ်ကောင်စီတပ်က ကလေးငယ် ၃ ဦး အပါအဝင် မိသားစုဝင် ၆ ဦးကို သတ်ဖြတ်
စစ်ကိုင်းတိုင်း၊ ဘုတလင်မြို့ပေါ်တွင် အောက်တိုဘာလ ၁၁ ရက် ည ၁၁ နာရီအချိန်ခန့်စစ်ကောင်စီတပ်က ဝင်ရောက်လာပြီး က ကလေးငယ် ၃ ဦးအပါ အဝင် မိသားစုဝင် ၆ ဦးကို သတ်ဖြတ်ခဲ့ကြောင်း ဒေသ သတင်းရင်းမြစ်များက ပြောသည်။ ဘုတလင်မြို့၊ ဗန္ဓုလရပ်ကွက် သဖန်းလမ်းဆုံရှိ ဦးဖိုးကြာနှင့် ဒေါ်သင်းကုန်စုံဆိုင်ကို စစ်ကောင်စီတပ်သားအင်အား ၂၅ ဦးဝန်းကျင်က ကား ၁ စီးအပါအဝင် စစ်ကောင်စီတပ်သားများ အများအပြားဖြင့် တံခါးဖျက်ဝင်ရောက်ကာ ပစ်သတ်ခဲ့ခြင်း ဖြစ်ကြောင်း သိရသည်။ ယင်းမတိုင်မီ ဘုတလင်မြို့တစ်မြို့လုံးကို စစ်တပ်စစ်ကြောင်းက ဝင်ရောက်လှည့်လည်ရမ်းကားမှုများ လုပ် ဆောင်သဖြင့် ပြည်သူများအားလုံးထွက်ပြေးကြသော်လည်း အဆိုပါ မိသားစုများ ထွက်ပြေးဘဲ အိမ်တွင် ပုန်းအောင်းနေခဲ့ကြကြောင်း
မြန်မာကို တောင်ကိုရီးယားက အမေရိကန် ဒေါ်လာ ၂၃ သန်း ထောက်ပံ့မည်
မြန်မာပြည်သူများအတွက် လူသားချင်းစာနာထောက်ထားမှုဆိုင်ရာ အကူအညီ အမေရိကန်ဒေါ်လာ ၂၃ သန်းပေးမည်ဟု တောင်ကိုရီးယား သမ္မတ Yoon Suk Yeol က ထုတ်ဖော်ပြောကြားသည်။ လာအိုနိုင်ငံတွင် ကျင်းပသည့် အရှေ့အာရှထိပ်သီးဆွေးနွေးပွဲ တံခါးပိတ်အစည်းအဝေးတွင် တောင်ကိုရီးယားသမ္မတက ပြောကြားခဲ့ကြောင်း တောင်ကိုရီးယားသတင်းဌာန The Korea Herald က အောက်တိုဘာ ၁၁ ရက်တွင် ဖော်ပြခဲ့သည်။ မြန်မာနိုင်ငံအရေးသည် အင်ဒို-ပစိဖိတ်ဒေသတစ်ဝှမ်းရှိ အရှေ့အာရှထိပ်သီးအစည်းအဝေး အဖွဲ့ဝင်များအတွက် လက်တွေ့စမ်းသပ်မှုတစ်ခုဖြစ်နေသည်။ အဖွဲ့ဝင်နိုင်ငံများ၏ ပူးပေါင်းကြိုးပမ်းမှုများနှင့် တွေ့ဆုံဆွေးနွေးမှုများသည် လူသားချင်းစာနာထောက်ထားမှုဆိုင်ရာ အကျပ်အတည်းကို ကိုင်တွယ်ဖြေရှင်းရာတွင် အထောက်အကူဖြစ်စေနိုင်ကြောင်း တောင်ကိုရီးယားသမ္မတက ပြောကြားခဲ့သည်။ ဘက်စုံပူးပေါင်းဆောင်ရွက်မှုကို အသိအမှတ်ပြုသည့်အနေဖြင့် တောင်ကိုရီးယားသည် မြန်မာနိုင်ငံအတွက် လူသားချင်းစာနာထောက်ထားမှုဆိုင်ရာ အကူအညီများကို ယခင်နှစ်ထက် ၄
ပလက်ဝက ၃ လောင်းပြိုင်လူသတ်မှု အမှုမှန်မပေါ်ပေါက်သေး
(ကုန်သည်မိသားစုဝင် ၃ ဦးမှာ ကုန်ပစ္စည်းပို့ရင်း ဓါးမြတိုက် ခန္ဓာကိုယ် ပိုင်းဖြတ်သတ်ဖြတ်ခံရ) ပလက်ဝမြို့နယ် မောင်နှမကျေးရွာက ကုန်သည်မိသားစုဝင် ၃ ဦး သတ်ဖြတ်ခံရမှု ယနေ့အချိန်အထိ အမှုမှန် တစ်စုံတစ်ရာ မပေါ်ပေါက်သေးကြောင်း မိသားစုဝင်များက ပြောသည်။ သတ်ဖြတ်ခံရသူများမှာ အသက် (၆၁) နှစ်အရွယ် ဦးဆန်းအောင်၊ သားဖြစ်သူ အသက် (၂၆) နှစ်အရွယ် ဦးအိုက်မြင့်နှင့် အသက် (၁၃) နှစ်အရွယ် မောင်ပီစီထွန်းတို့ဖြစ်ပြီး ခူမီးလူမျိုးများဖြစ်ကြသည်။ မိသားစုဝင်တစ်ဦးက ” အမှုဖြစ်စဉ်နဲ့ ပတ်သက်ပြီး ULA/AA နှမဒါ အုပ်ချုပ်ရေးမှူးဆီမှာရော၊ ကျေးရွာမှာရှိတဲ့ ULA/AA အုပ်ချုပ်ရေးအဖွဲ့ရော တိုင်ကြားထားပါတယ်။ Data အချက်အလက်တွေ အကုန်လုံး ပို့ထားပါတယ်။ အမှုမှန်ပေါ်ပေါက်အောင်
ပင်လည်ဘူးမြို့ကို NUG သိမ်းပိုက်
(လက်နက်စုံ ၄၀၀ ကျော်နှင့် စစ်သုံ့ပန်း ၁၀၂ ဦးကို ဖမ်းဆီးရမိခဲ့) စစ်ကိုင်းတိုင်း ကောလင်းခရိုင် ပင်လည်ဘူးမြို့ကို အောက်တိုဘာ ၈ ရက်တွင် အမျိုးသားညီညွတ်ရေးအစိုးရ NUG ၏ ပြည်သူ့ကာကွယ်ရေးတပ် PDF များက သိမ်းပိုက်နိုင်ခဲ့ကြောင်း ထုတ်ပြန်ထားသည်။ ပင်လည်ဘူးမြို့သိမ်းတိုက်ပွဲကို ဩဂုတ်လ ၁၅ ရက်နေ့တွင် စတင်ခဲ့ပြီး အောက်တိုဘာ ၈ ရက်တွင် သိမ်းပိုက်ကာ တိုက်ပွဲမှာ ၅၄ ရက်ကြာမြင့်ခဲ့သည်။ ပင်လည်ဘူးမြို့တွင် စစ်ကောင်စီ၏ ယခင် အခြေချနေသော အင်အားအပြင် Mi-17 ဖြင့် (၂၁) ကြိမ် တပ်ကူပို့ဆောင်ခဲ့ရာ ခလရ (၅၀၊ ၈၇၊ ၃၀၁၊ ၃၀၅)၊ ခမရ (၁၆၊
လေကြောင်းတိုက်ခိုက်ခံရ၍ မတ္တရာမြို့နယ်မှာ စစ်ရှောင် ၁၂ ဦးသေဆုံး
မန္တလေးတိုင်း မတ္တရာမြို့နယ် ဝေါစုကျေးရွာက စစ်ရှောင်စခန်း လေကြောင်းဗုံးကြဲတိုက်ခိုက်ခံရ၍ စစ်ရှောင် ၁၂ ဦးသေဆုံးခဲ့ရကြောင်း အောက်တိုဘာ ၁၁ ရက်တွင် ပြည်သူ့ကာကွယ်ရေးတပ်မတော် (မန္တလေး) က ထုတ်ပြန်သည်။ အောက်တိုဘာ ၁၁ ရက် နေ့လယ် ၁ နာရီခွဲအချိန်တွင် ဝေါစုကျေးရွာရှိ စစ်ရှောင်စခန်းကို စစ်ကောင်စီက လေကြောင်းဗုံးကြဲတိုက်ခိုက်ခဲ့ခြင်းဖြစ်သည်။ သေဆုံးသူများထဲတွင် ကလေးငယ်များ၊ အမျိုးသမီးများနှင့် သံဃာတော်များ ပါဝင်ပြီး စစ်ကောင်စီ၏ ပြည်သူအပေါ် ရက်စက်ကြမ်းကြုတ်မှုများအား နိုင်ငံတကာက အရေးယူသင့်ပြီဟု မန္တလေးပြည်သူတစ်ဦးက တောင်းဆိုသည်။ ဝေါစုစစ်ရှောင်စခန်းသည် စစ်ရေးမသက်ဆိုင်သော နေရာဖြစ်သည့်အပြင် တိုက်ပွဲလည်းမရှိကြောင်းနှင့် စစ်ရေးနှင့်မသက်ဆိုင်သော နေရာကို စစ်ကောင်စီက လေကြောင်း ဗုံးကြဲတိုက်ခိုက်ခြင်းသည် ဂုဏ်သိက္ခာအကင်းမဲ့ဆုံး စစ်ရာဇဝတ်မှုကို ပြောင်ပြောင်တင်းတင်း ကျူးလွန်ခြင်းဖြစ်ကြောင်း
အစ္စရေးကို ပစ်လွှတ်ခဲ့သည့် အီရန်ဒုံးကျည် ၃၇ ပေရှည်လျား
အောက်တိုဘာလ ၁ ရက်နေ့က အီရန်နိုင်ငံမှ အစ္စရေးနိုင်ငံကို ၁၉ တန်ခန့်လေးပြီး ၃၇ ပေရှည်လျားသော ဒုံးကျည်များဖြင့် ပစ်ခတ်တိုက်ခိုက်ခဲ့သည်။ အီရန်နိုင်ငံက အစ္စရေးကို ဒုံးကျည် ၁၈၁ လုံးပစ်လွှတ်ခဲ့ပြီး အစ္စရေးဘက်က ကြားဖြတ်တိုက်ခိုက်ခဲ့ကာ အသေအပျောက်အများဆုံးဖြစ်ရပ်ကို ရပ်တန့်နိုင်ခဲ့ကြောင်း အစ္စရေးတပ်ဗိုလ်မှူး G ဆိုသူက ပြောသည်။ “ကျွန်တော်တို့ရဲ့ ကာကွယ်ရေးတွေက သူတို့ထဲက အများစုကို ရပ်တန့်နိုင်ခဲ့ပြီး အစုလိုက်အပြုံလိုက် အသေအပျောက်အများဆုံးဖြစ်ရပ်ကို ရပ်တန့်နိုင်ခဲ့ပါတယ်” ဟု ဆိုသည်။ ပဲ့ထိန်းဒုံးကျည် ၁၈၁ လုံးထဲက ကြားဖြတ်တိုက်ခိုက်၍ ပျက်စီးသွားသော အီရန်ပဲ့ထိန်းဒုံးကျည်တစ်လုံး၏ အခွံကို အစ္စရေးစစ်တပ်က အောက်တိုဘာလ ၉ ရက်တွင် ကမ္ဘာကို ပြသခဲ့သည်။ အဆိုပါ အီရန်ပဲ့ထိန်းဒုံးကျည်မှာ ထိပ်ဖူး