နေ့စဉ်တိုက်ပွဲပြင်းထန်နေသော ရခိုင်ပြည် အမ်းမြို့ထဲမှာ နောက်ဆုံးသတင်းအချက်အလက်အရ ပိတ်မိနေသော အရပ်သားပြည်သူ ၃,၀၀၀ ကျော်ရှိကြောင်း AA နှင့်နီးစပ်သည့် စစ်ရေးသတင်းရင်းမြစ်များက ပြောသည်။ ပြီးခဲ့သည့်လက စာအရင်းအရ အမ်းမြို့ထဲမှာ အရပ်သား ၁,၀၀၀ ကျော် ပိတ်မိနေကြောင်း ပြောဆိုခဲ့သော်လည်း ယမန်နေ့ နိုဝင်ဘာလ ၁၁ ရက် နောက်ဆုံးသတင်းအရ ပိတ်မိနေသူ ၃,၀၀၀ ကျော်ရှိကြောင်း အခိုင်အမာပြောဆိုကြသည်။ စစ်ရေးသတင်းရင်းမြစ်တစ်ဦးက “အမ်းမြို့ထဲမှာ ပိတ်နေတဲ့ အရပ်သား ၃၀၀၀ ကျော်ရှိမယ်ထင်ပါတယ်။ မြို့သစ်ရပ်ကွက်၊ မြို့ဟောင်း၊ လေယာဉ်ကွင်းမှာ ပိတ်မိနေတဲ့ပြည်သူတွေဟာ တိုက်ပွဲတွေကြောင့် ထွက်ပြေးလာကြပြီး ရပ်ကွက် ၁, ရပ်ကွက် ၂, ရပ်ကွက် ၃ နဲ့ အောက်ရွာဘက်တွေ မှာ

ရှမ်းမြောက်က နောင်ချိုမြို့နှင့် မန္တလေးတိုင်းဒေသက မိုးကုတ်မြို့ကို ယမန်နေ့ နိုဝင်ဘာလ ၁၁ ရက် ညပိုင်းတွင် စစ်ကောင်စီက ဗုံးကြဲတိုက်ခိုက်ခဲ့၍ အရပ်သား ၃ ဦးသေဆုံးပြီး လူနေအိမ် ၂၀ နီးပါး ပျက်စီးသွားသည်ဟု သိရသည်။ နောင်ချိုမြို့ထဲကို ညနေ ၆ နာရီဝန်းကျင်က ဂျက်ဖိုက်တာကနေ ပေါင် ၃၀၀ ဗုံးများဖြင့် ဗုံးကြဲခဲ့၍ ရဲစခန်း၊ ဈေးရပ်ကွက်နှင့် တောင်ရပ်ကွက်သို့ ကျရောက်ပေါက်ကွဲခဲ့ကြောင်း TNLA က သတင်းထုတ်ပြန်ထားသည်။ ရဲစခန်းနှင့် ဈေးရပ်ကွက်က နေအိမ် ၄ လုံး၊ တောင်ရပ်ကွက်က နေအိမ် ၃ လုံးတို့မှာ ဗုံးကျရောက်ပွဲမှုကြောင့် မီးလောင်ပျက်စီးသွားပြီး လူထိမှန်သေဆုံးမှု မရှိခဲ့ပေ။ ဆက်လက်ပြီး အာဏာသိမ်း