ရခိုင်ပြည်မှာ ပြည်သူများအပေါ် ကြမ်းချင်တိုင်းကြမ်းနေခဲ့သော အာဏာသိမ်း စစ်ကောင်စီ၏ ဗိုလ်မှူးချုပ်များကို အာရက္ခတပ်တော် AA က အရှင်ဖမ်းဆီးထားကြောင်း သိရသည်။ အမ်းမြို့နှင့် အနောက်ပိုင်းတိုင်းစစ်ဌာနချုပ် (နပခ) သိမ်းတိုက်ပွဲက ဗိုလ်မှူးချုပ် သောင်းထွန်းနှင့် ဗိုလ်မှူးချုပ် ကျော်ကျော်သန်းတို့ကို ဖမ်းဆီးထားသလို မောင်တော နခခ ၅ စခန်းသိမ်းတိုက်ပွဲက ဗိုလ်မှူးချုပ် သူရိန်ထွန်းကို အရှင်လက်ရ ဖမ်းဆီးထားခြင်းဖြစ်သည်။ ဗိုလ်မှူးချုပ် သောင်းထွန်းသည် အနောက်ပိုင်းတိုင်းစစ်ဌာနချုပ် (နပခ)၏ ဒုတိယ တိုင်းမှူးဖြစ်သည်။ ဗိုလ်မှူးချုပ် ကျော်ကျော်သန်းသည် နပခ တိုင်းဦးစီးချုပ်ဖြစ်ပြီး ဗိုလ်မှူးချုပ် သူရိန်ထွန်းသည် ဘူးသီးတောင်အခြေစိုက် အမှတ် ၁၅ စစ်ဆင်ရေးကွက်ကဲမှုဌာနချုပ် စကခမှူး ဖြစ်သည်။ နပခ ဒုတိုင်းမှူး ဗိုလ်မှူးချုပ် သောင်းထွန်းနှင့်

ရခိုင်ပြည် အမ်းမြို့ရှိ အနောက်ပိုင်းတိုင်းစစ်ဌာနချုပ် (နပခ) မှ အလင်းဝင်ရောက်လာသူများကို အာရက္ခတပ်တော် AA က ကယ်ထုတ်နေစဉ် စစ်ကောင်စီက လေကြောင်းတိုက်ခိုက်မှုများ ဆက်တိုက် ပြုလုပ်ခဲ့သည်ကို ရုပ်သံဖိုင်အရ တွေ့ရသည်။ တိုင်းစစ်ရုံးထဲက စစ်ဆေးမှူးအပါအဝင် စစ်ကောင်စီတပ်သား ရာနှင့်ချီ အာရက္ခတပ်တော် AA ထံ ထပ်မံ၍ လက်နက်ချ အလင်းဝင်ကြကြောင်း ဒီဇင်ဘာ ၁၉ ရက်တွင် ရုပ်သံနှင့်တကွ AA က ထုတ်ပြန်ထားသည်ကို တွေ့ရသည်။ အဆိုပါ ရုပ်သံတွင် စစ်ကောင်စီတပ်သားတစ်ဦးက “ကျနော်တို့ စစ်တပ်ကို မကြိုက်လို့ အလင်းဝင်တာ ” ဟု ပြေးလွှားနေရင်းကနေ ပြောဆိုသည်။ ယင်းကဲ့သို့ ထွက်ပြေးအလင်းဝင်ရောက်လာသည့်သူများထဲတွင် သက်ကြီးပိုင်းများလည်း ပါဝင်ပြီး အမျိုးသမီးများနှင့်

(ဒုတိုင်းမှူး ဗိုလ်မှူးချုပ်သောင်းထွန်းနှင့် ဗိုလ်မှူးချုပ်ကျော်ကျော်သန်းတို့ကို အရှင် ဖမ်းဆီးရမိ) အာရက္ခတပ်တော် AA က ရခိုင်ပြည် အမ်းမြို့မှာရှိသော စစ်ကောင်စီ၏ အနောက်ပိုင်းတိုင်းစစ်ဌာနချုပ် (နပခ) ကို အပြီးသတ်သိမ်းပိုက်လိုက်ပြီဟု ULA/AA ပြောခွင့်ရ ဦးခိုင်သုခက ယနေ့ ဒီဇင်ဘာလ ၂၀ ရက်တွင် အတည်ပြု ပြောကြားထားသည်။ နပခ တစ်ခုလုံးအား သိမ်းပိုက်ရရှိသည့်အပြင် ဒုတိုင်းမှူး ဗိုလ်မှူးချုပ်သောင်းထွန်းနှင့် ဗိုလ်မှူးချုပ်ကျော်ကျော်သန်းတို့ကို ဖမ်းဆီးရရှိဟု AA က တရားဝင်အတည်ပြုထားသည်။ “ဒီဇင်ဘာလ ၂၀ ရက်နေ့ နေ့လယ် ၁၂ နာရီလောက်မှာ အနောက်ပိုင်းတိုင်းစစ်ဌာနချုပ် တစ်ခုလုံးကို သိမ်းပိုက်ထိန်းချုပ်ထားနိုင်ပြီဖြစ်ပါတယ်။ နပခရဲ့ ဒုတိုင်းမှူး ဗိုလ်မှူးချုပ် သောင်းထွန်း၊ တိုင်းဦးစီးချုပ် ဗိုလ်မှူးချုပ် ကျော်ကျော်သန်းတို့ကိုလည်း