ဧရာဝတီ ဒေးဒရဲမှာ အရပ်သား ၆ ဦးကို စစ်တပ်က ဖမ်းဆီးပြီးနောက် ၁ ဦးသေဆုံးကာ ၅ ဦးထောင်ချခံရ
ဧရာဝတီတိုင်းဒေသ ဒေးဒရဲမြို့နယ် တိုးကျေးရွာက အရပ်သားပြည်သူ ၆ ဦးမှာ ကျေးရွာအုပ်ချုပ်မှူး လှထွဋ်၏ လိမ်လည်တိုင်တန်းမှုကြောင်း စစ်ကောင်စီတပ်ထံ ဖမ်းဆီးခံရကြောင်း သိရသည်။ ၎င်းတို့ကို တော်လှန်ရေးတပ်ဖွဲ့များနှင့် ဆက်နွယ်သည်ဟုဆိုကာ တိုးကျေးရွာအုပ်ချုပ်ရေးမှူး လှထွဋ်က လိမ်လည် တိုင်တန်းခဲ့ခြင်းဖြစ်သည်။ စစ်ကြောရေးရောက်ရှိသွားသော တိုးကျေးရွာသား ၆ ဦးမှာ စစ်ကောင်စီတပ်ဖွဲ့ဝင်များ ညှဉ်းပန်းနှိပ်စက် ရိုက်နှက်မှုများကြောင့် ၁ ဦးသေဆုံးသွားပြီး ကျန် ၅ ဦးမှာ နှစ်ရှည်ထောင်ဒဏ်များ ချမှတ်ခံရသည်။ မြို့ခံတစ်ဦးက “လှထွဋ်က အရင်က ဒုတ်ထိုးရောင်းစားတဲ့သူ၊ အခုက စစ်တပ်နဲ့ပေါင်းပြီး ရွာသူရွာသားတွေထံကနေ ပိုက်ဆံကောက် စစ်တပ်ကိုထောက်ပံ့ပြီး ကြီးပွားနေတာ၊ အခုဆို ၂ ထပ်တိုက်အိမ်၊ ငါးဖမ်းလှေ ၄ စီး ပိုင်နေပြီ။
ပဲခူးတိုင်းမှာ မြို့သိမ်းတိုက်ပွဲ ဖြစ်လာနိုင်ကြောင်း သာယာဝတီခရိုင် PDF ပြော
ပဲခူးရိုးမဒေသမှာ အာဏာသိမ်း စစ်ကောင်စီက စစ်ကြောင်းထိုးလာနေ၍ သာယာဝတီခရိုင် PDF အနေဖြင့် ပဲခူးတိုင်းဒေသမှာ မြို့သိမ်းတိုက်ပွဲများ ဖြစ်ပွားလာနိုင်ကြောင်း တာဝန်ရှိသူတစ်ဦးက ပြောသည်။ သာယာဝတီခရိုင်အတွင်းရှိ သာယာဝတီမြို့နယ်၊ လက်ပံတန်းမြို့နယ်၊ မင်းလှမြို့နယ်၊ မိုးညိုမြို့၊ အုတ်ဖိုမြို့နယ်၊ ကြို့ပင်ကောက်မြို့နယ်၊ ဇီးကုန်းမြို့နယ်၊ နတ်တလင်းမြို့နယ်တို့နှင့် ထိစပ်နေသော ပဲခူးရိုးမအတွင်း စစ်ကောင်စီ စစ်တပ်က အင်အားအလုံးအရင်းဖြင့် စစ်ကြောင်းထိုးရန် ပြင်ဆင်နေကြောင်း သိရသည်။ စစ်ကောင်စီက စစ်ကြောင်းထိုးလျှင် တိုက်ပွဲများ ပြင်းထန်လာနိုင်ပြီး မြို့သိမ်းတိုက်ပွဲများပါ ဖြစ်ပွားလာနိုင်၍ ပြည်သူများ ကြိုတင်ပြင်ဆင်ထားရန် လိုအပ်ကြောင်း သာယာဝတီခရိုင် PDF က အသိပေးထားသည်။ “ပြည်သူတွေအနေနဲ့ ရိုးမ မှာရော မြို့ပေါ်မှာပါ အချိန်မရွေး တိုက်ပွဲဖြစ်လာနိုင်လို့ ကြိုတင်ပြင်ဆင်ထားကြပါ။ မြို့သိမ်းဆိုတာမျိုးအထိ
မွန် လွတ်မြောက်ရေးတပ် MLA မှာ အခြေခံစစ်ပညာသင်တန်းဆင်းပွဲ ပြုလုပ်
မွန်ပြည်လွတ်မြောက်ရေးတပ်တော် MLA မှာ အပတ်စဉ် ၆ အခြေခံစစ်ပညာသင်တန်းဆင်းပွဲကို ဒီဇင်ဘာလ ၂၅ ရက်နေ့က လွတ်မြောက်တစ်နေရာမှာ ကျင်းပပြုလုပ်ခဲ့ကြကြောင်း သိရသည်။ MLA စစ်ဦးစီးရုံးချုပ် GSO ဗညားမင်းကန်စီ က မွန်လူမျိုးတို့သည် ဧကရာဇ်မျိုးဖြစ်ပြီး ယာဉ်ကျေးမှု၊ အုပ်ချုပ်မှုဆိုင်ရာတို့ကို ခေတ်အဆက်ဆက်တွင် အာဏာ ပြည့်ပြည့်စုံစုံဖြင့် ဦးစွာရပ်တည်လာခဲ့ကြသည်ဟု အခမ်းအနားတွင် ပြောဆိုခဲ့သည်။ “အိုမွန်အမျိုးတို့ … အိုမွန်စစ်သည်တို့ .. ဒီနေ့သည် ငါတို့နိုင်ငံ မရှိတော့ပါ။ သူများလက်အောက်မှာ ရောက်သွားပြီး ကျွန်အမျိုး ဖြစ်သွားပါပြီ” ဟု ပြောသည်။ ထို့ကြောင့် ကျွန်ဘဝမှ လွတ်မြောက်အောင် မွန်ရဟန်းတော်လည်းကောင်း၊ မွန်တိုင်းသူပြည်သားလည်းကောင်း၊ မွန်စစ်သည် တော်တွေ လည်းကောင်း အားလုံးမှာ တာဝန်ရှိသည်ဟု
နပခ သိမ်းတိုက်ပွဲက ဖမ်းဆီးရမိသော စစ်သုံ့ပန်းများ
ရခိုင်ပြည် အမ်းမြို့တွင်ရှိသော အာဏာသိမ်း စစ်ကောင်စီ၏ အနောက်ပိုင်းတိုင်းစစ်ဌာနချုပ် (နပခ) ကို ၂၀၂၄ ဒီဇင်ဘာလ ၂၀ ရက်နေ့တွင် အာရက္ခတပ်တော် AA က သိမ်းပိုက်ခဲ့သည်။ အဆိုပါ စခန်းသိမ်းတိုက်ပွဲက စစ်သုံ့ပန်းများအား အာရက္ခတပ်တော် AA မှ ထုတ်ပြန်လာခြင်းဖြစ်သည်။
ရခိုင်ရိုးမမှာ စစ်ကောင်စီနှင့် AA တိုက်ပွဲပြင်းထန်နေ
ရခိုင်ရိုးမတောင်တန်းတွင် ကျန်ရှိနေသေးသည့် အာဏာသိမ်း စစ်ကောင်စီ တပ်စခန်းများကို အာရက္ခတပ်တော် AA က ထိုးစစ်ဆင်တိုက်ခိုက်နေခြင်းကြောင့် တိုက်ပွဲပြင်းထန်နေသည်ဟု သိရသည်။ အာရက္ခတပ်တော် AA က အမ်းမြို့နှင့် အနောက်ပိုင်းတိုင်းစစ်ဌာနချုပ် ကို ဒီဇင်ဘာလ ၂၀ ရက်နေ့တွင် အပြီးသတ်သိမ်းပြီးနောက်ပိုင်း ရိုးတောင်ထက်ကနေ ပြန်လည်ထိုးစစ်ဆင်ပြင်လာသည့် စစ်ကောင်စီတပ်စခန်းများကို တိုက်ခိုက်နေခြင်းဖြစ်သည်။ “ရိုးဘက်က စစ်ကောင်စီတပ်တွေကို တိုက်နေတယ်။ အခုရိုးအတက်ဘက်ကို အရင်ရှင်းနေတယ်ပေါ့နော်။ သူတို့ဖက်တပ်ကူတွေကလည်း တော်တော်ပို့ကြတယ်။ အခု ဆင်ခုံတိုင်ရွာဖက်အထိ သိမ်းထားပြီးပြီ။ ရိုးပေါ်မှာ စခန်းတွေကတော့ အများကြီးကျန်နေပါသေးတယ်” ဟု ပြောသည်။ AA မှ သိမ်းပိုက်ထားပြီးဖြစ်သည့် ဆင်ခုံတိုင်ကျေးရွာမှာ အမ်းရိုးတောင်တွင်တည်ရှိသည့် ရွာတစ်ရွာဖြစ်ပြီး အမ်းမြို့နှင့် ၁၆ မိုင်ခန့်အကွာတွင်ရှိကာ ချင်းလူမျိုးများ
ချင်းပြည် မင်းတပ်မြို့က အပျက်အစီးများ
အာဏာသိမ်း စစ်ကောင်စီ၏ လေကြောင်းတိုက်ခိုက်မှုများ၊ လက်နက်ကြီးပစ်ခတ်မှုများနှင့် ဝင်ရောက်မီးရှို့ဖျက်ဆီးမှုများကြောင့် ချင်းပြည်နယ် မင်းတပ်မြို့ထဲက အရပ်သားနေအိမ် ၂၀၀ ကျော်မှာ မီးလောင်ပျက်စီး ပြာကျသွားခဲ့ပြီး အချို့သော မိသားစုဝင်များမှာ ပြန်စရာအိမ်မရှိဖြစ်နေကြသည်။ မင်းတပ်မြို့ကို ချင်းညီနောင်တပ်ဖွဲ့က ဒီဇင်ဘာလ ၂၁ ရက်နေ့တွင် စစ်ကောင်စီထံမှ အပြီးသတ်သိမ်းပိုက်နိုင်ခဲ့သော်လည်း စစ်ကောင်စီ၏ လေကြောင်းအန္တရာယ်ရှိနေသေး၍ ပြည်သူများမှာ လတ်တလောတွင် နေအိမ်ပြန်၍ မရရှိသေးကြောင်း တော်လှန်ရေးအဖွဲ့များက မေတ္တာရပ်ခံထားကြသည်။ ၄ နှစ်နီးပါး နေရပ်စွန့်ခွာ စစ်ဘေးရှောင်ခဲ့ကြရသည့် မင်းတပ်မြို့က ဒေသခံပြည်သူများမှာ နေအိမ်ပြန်ရန် အခွင့်အရေးရှိလာခဲ့ပြီဖြစ်သော်လည်း စစ်ကောင်စီ၏ လေကြောင်းတိုက်ခိုက်မှုများကြောင့် နေအိမ်ပြန်ခွင့် မရရှိကြသေးပေ။ စစ်ကောင်စီ၏ မီးရှို့ဖျက်ဆီးမှုများကြောင့် နေရပ်ပြန်ခွင့် ရပြီဟု သက်ဆိုင်ရာအဖွဲ့အစည်းများက ပြောလာသော်လည်း အချို့သော မိသားစုဝင်များမှာ
စစ်ကောင်စီမှာ ရွေးကောက်ပွဲကျင်းပပိုင်ခွင့် မရှိကြောင်း NUG နှင့် NUCC တို့ကြေညာ
ဒီမိုကရေစီအစိုးရဖြုတ်ချပြီး မတရားအာဏာသိမ်းယူထားသည့် မြန်မာစစ်တပ် (စစ်ကောင်စီ) စစ်အုပ်စုအနေဖြင့် ပြည်လုံးကျွတ်ရွေးကောက်ပွဲအား ကျင်းပပိုင်ခွင့်မရှိကြောင်း အမျိုးသားညီညွတ်ရေးအစိုးရ NUG နှင့် အမျိုးသားညီညွတ်ရေးအတိုင်ပင်ခံကောင်စီ NUCC တို့က ပူးတွဲကြေညာချက်ထုတ်ပြန်ကြသည်။ စစ်ကောင်စီ စစ်အုပ်စုသည် ၂၀၂၀ အထွေထွေ ရွေးကောက်ပွဲရလဒ်ကို ဥပဒေမဲ့အဓမ္မဖျက်သိမ်းပြီး နိုင်ငံတော်အာဏာကို တရားမဝင်ရယူရန် ကြိုးစားနေသည့် အဖွဲ့အစည်းတစ်ခုဖြစ်ခြင်းကြောင့် ရွေးကောက်ပွဲတရပ်ကို ဦးစီးကျင်းပပိုင်ခွင့် မရှိကြောင်း ထုတ်ပြန်ချက်တွင် ထည့်သွင်းရေးသားထားသည်။ NUG နှင့် NUCC တို့ ပူးပေါင်းအဖွဲ့စည်းထားသည့် တရားမဝင်အတုအယောင်ရွေးကောက်ပွဲ ဆန့်ကျင်ရေးပူးပေါင်းလုပ်ငန်းကော်မတီ က ဒီဇင်ဘာလ၂၄ ရက် ညမှာ ထုတ်ပြန်ခဲ့ခြင်းဖြစ်သည်။ စစ်ကောင်စီအပြင် ပြင်ပအင်အားစုတခုခုက မြန်မာ့ကံကြမ္မာကို ဝင်ရောက်ခြယ်လှယ်အဆုံးအဖြတ်ပေးခြင်းကို လက်ခံမှာ မဟုတ်ကြောင်းကိုလည်း ထုတ်ပြန်ချက်မှာရေးသားထားသည်။ ပြည်သူလူထုကို လက်နက်ဖြင့်
ဧရာဝတီရောက် ရခိုင်စစ်ရှောင်များကို အတင်းဖိအားပေး ရွှေ့ပြောင်းမှု မလုပ်ကြရန် ဂွမြို့နယ်စစ်ရှောင်ကူညီရေးပူးပေါင်းအဖွဲ့ တောင်းဆို
ဧရာဝတီဒေသ ရေကြည်မြို့နယ်အပါအဝင် ပုသိမ်ခရိုင်အတွင်း ခိုလှုံရောက်ရှိနေကြသည့် ရခိုင်တိုင်းရင်းသား စစ်ဘေးဒုက္ခသည်များကို အတင်းအဓမ္မ ဖိအားပေး ရွှေ့ပြောင်းမှုများ မလုပ်ကြရန် ဂွမြို့နယ်စစ်ဘေးရှောင်ကူညီရေးပူးပေါင်းအဖွဲ့က မေတ္တာရပ်ခံ တောင်းဆိုကြောင်း သိရသည်။ ဧရာဝတီတိုင်းက သက်ဆိုင်ရာတာဝန်ရှိသူများအနေဖြင့် ရခိုင်စစ်ဘေးရှောင်ပြည်သူများအား လူသားတစ်ယောက်၏ လွတ်လပ်စွာရွှေ့ပြောင်းနေထိုင်ခွင့်အား လေးစားလိုက်နာ၍ စစ်ဘေးရှောင်ပြည်သူများအပေါ် လူသားချင်းစာနာထောက်ထားစွာဖြင့် အတင်းဖိအားပေးရွှေ့ပြောင်းခိုင်းမှု့များမလုပ်ကြရန် မေတ္တာရပ်ခံတိုက်တွန်းထားသည်။ ရေကြည်မြို့နယ်၊ ခွေးတောက်ကွက်သစ်အုပ်စု၊ ကုန်းပြင်အနီးဝန်းကျင်နှင့် တစ်ခြားဧရာဝတီတိုင်းမြို့နယ်အတွင်းရှိ ကျေးရွာများတွင် နေထိုင်ကြသော ရခိုင်စစ်ဘေးရှောင်ပြည်သူများအား အတင်းရွှေ့ပြောင်းကြရန် သက်ဆိုင်ရာတာဝန်ရှိသူများမှဖိအားပေး ဆောင်ရွက်နေသည်ဟု ပြန်ကြားရေးတာဝန်ခံ ကိုနိုင်အောင်လင်းက ပြောသည်။ “ဧရာဝတီတိုင်းရောက်နေတဲ့ ရခိုင်စစ်ဘေးရှောင်ပြည်သူတွေကို ၂၃ ရက် ၁၂ လပိုင်း ၂၀၂၄ ရက်နေ့က စစ်ကောင်စီ အုပ်ချုပ်ရေးမှူးတွေနဲ့ ရဲတွေပေါ့လေ၊ စကစ တပ်သားတွေနဲ့
ရခိုင်က မွတ်ဆလင်စာသင်ကျောင်းများတွင် အာရက္ခနိုင်ငံတော်သီချင်းကိုဆို
ရခိုင်ပြည်အတွင်း မွတ်ဆလင်ပြည်သူများက အာရက္ခနိုင်ငံတော် တေးသီချင်းကို စာသင်ကျောင်းများတွင် သီဆိုနေကြသည့် ရုပ်သံဖိုင်တစ်ခု လူမှုကွန်ရက်စာမျက်နှာတွင် ဒီဇင်ဘာလ ၂၄ ရက်နေ့ကစ၍ ပျံ့နှံ့လာသည်။ စုံစမ်းချက်အရ ဘူးသီးတောင်၊ မောင်တောဒေသက မွတ်ဆလင်စာသင်ကျောင်းများတွင် အာရက္ခနိုင်ငံတော် သီချင်းကို ဆိုနေကြခြင်းဖြစ်သည်ဟု ရုပ်သံဖိုင်ကိုကြည့်ရှုထားသူတစ်ဦးက ခန့်မှန်းပြောသည်။ အာရက္ခတပ်တော် AA က ထိန်းချုပ်သိမ်းပိုက်ထားသော မြို့နယ်များတွင် အာရက္ခပညာရေးစနစ်ကို အကောင်အထည်နေပြီဖြစ်ကြောင်း ပြီးခဲ့သည့် လကတည်းက Western News သတင်းဌာနအား ရခိုင့်ပညာရေးအသိုင်းအဝိုင်းက ပြောဆိုထားသည်။ ရုပ်သံဖိုင်ကြည့်ရှုထားသူ ရခိုင်ဒေသတစ်ဦးက “မွတ်ဆလင်တွေ အာရက္ခနိုင်ငံတော် သီချင်းကို ဆိုနေတဲ့ မြင်ကွင်းက တော်တော်လေးကို ကြည်နူးစရာကောင်းပါတယ်။ ဒီလို အေးအေး ချမ်းချမ်းနဲ့ ငြိမ်းငြိမ်းချမ်းချမ်းနဲ့ စည်းစည်းလုံးလုံး မြင်ရတော့
AA ၏ နိုင်ငံရေးအမြင်ကို ပအိုဝ်းနှင့် မွန်အဖွဲ့များ ဂုဏ်ယူကြောင်းပြော
ဗမာအပါအဝင် ဘဝတူ အဖိနှိပ်ခံ တိုင်းရင်းသားလူမျိုးများအားလုံးကို လွတ်မြောက်ရေအတွက် တိုက်ပွဲဝင်နေသော အာရက္ခတပ်တော် AA ၏ နိုင်ငံရေးအမြင်ကို ပအိုဝ်းနှင့် မွန်အဖွဲ့အစည်း ၄ ခုက ချီးမွမ်းဂုဏ်ပြုကြောင်း ပြောဆိုကြသည်။ ပအိုဝ်းနှင့် မွန်လူမျိုးတို့၏ လက်နက်ကိုင်အဖွဲ့များဖြစ်သော ပအိုဝ်းအမျိုးသားလွတ်မြောက်ရေးအဖွဲ့ချုပ် (PNLO)၊ ပအိုဝ်းအမျိုးသားဖက်ရယ်ကောင်စီ (PNFC) ၊ မွန်ပြည်သစ်ပါတီ-စစ်အာအာရှင်ဆန့်ကျင်ရေး (NMSP-AD)နှင့် မွန်ပြည်ဖက်ဒရယ်ကောင်စီ (MSFC) တို့က ယနေ့ ဒီဇင်ဘာလ ၂၅ ရက်တွင် သဝဏ်လွှာပေးပို့ ဂုဏ်ပြုခဲ့ခြင်းဖြစ်သည်။ အနောက်ပိုင်းတိုင်းစစ်ဌာနချုပ် (နပခ) အား သိမ်းပိုက်နိုင်ခြင်းနှင့်အတူ မကြာမီကာလတွင် ရက္ခိုင်တစ်ပြည်လုံးရှိ စစ်ကောင်စီတပ်များ ကင်းစင်ပပျောက်သွားအောင် အာရက္ခတပ်တော် (AA) ၏ ဆက်လက်တိုက်ပွဲဝင်မှုနှင့် ရဲစွမ်းသတ္တိကို ဂုဏ်ပြုပါကြောင်း သဝဏ်လွှာတွင်