အာဏာသိမ်း စစ်ကောင်စီ၏ ထိန်းချုပ်နယ်မြေဒေသများတွင် စစ်ဘေးဒုက္ခသည်များကို စာရင်းကောက်ယူပြီး ထောက်ပံ့ကြေးများ ပေးအပ်သွားမည်ဟု ဇန်နဝါရီလ ၂၀ ရက်က ထုတ်ပြန် ပြောဆိုထားသည်။ တိုင်းနှင့် ပြည်နယ်အလိုက် စာရင်းကောက်ယူပြီး အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲရေး ရန်ပုံငွေမှ စစ်ဘေးဒုက္ခသည်များအတွက် ထောက်ပံ့မှုများ ဆောင်ရွက်ပေးသွားမည်ဟု စစ်ကောင်စီက ဆိုသည်။ စစ်ကောင်စီ ကောက်ယူမည့် စစ်ဘေးရှောင်များ စာရင်းမှာ တိုက်ပွဲများကြောင့် သို့မဟုတ် တိုက်ပွဲဖြစ်ပွားစဉ်အတွင်း အိုးအိမ်စွန့်ခွာ ထွက်ပြေးလာကြရသည့် ဒေသခံပြည်သူများ ဖြစ်သည်ဟု သိရသည်။ ဘုန်းကြီးကျောင်းကဲ့သို့သော ယာယီခိုလှုံရာစခန်းများတွင် ရောက်ရှိခိုလှုံနေကြရသူများအပြင် ဆွေမျိုး သားချင်းများရှိရာ ရပ်ကွက်၊ ကျေးရွာများ၊ ဝန်ထမ်းအိမ်ရာများတွင်နေထိုင်ခြင်း၊ မိမိအစဉ်ဖြင့် နေအိမ်ခန်းများ ငှားရမ်းနေထိုင်ခြင်း၊ အခြားနည်းဖြင့် နေထိုင်သူများအားလုံး စာရင်းကောက်ယူရာတွင် အကျုံးဝင်ကြောင်း

စစ်ရေးအရှိန်လျော့နည်းနေသည့် မွန်ပြည်ဒေသအတွင်းမှာ စစ်ရေးအရှိန်မြှင့်တင်နိုင်ရန် မွန်တော်လှန်ရေးတပ် ၄ ခု စုပေါင်းပြီး “ရာမညပူးတွဲစစ်ကြောင်း” ကိုဖွဲ့စည်းကာ စစ်ကောင်စီကို အမြစ်ပြတ် တိုက်ခိုက်သွားမည်ဟု တာဝန်ရှိသူများက ပြောသည်။ (ရာမညပူးတွဲစစ်ကြောင်းကနေ စစ်တိုင်းဌာနချုပ်နှင့် မြို့သိမ်းတိုက်ပွဲများ ဖော်ဆောင်မည်) မွန်ပြည်တော်လှန်ရေးတပ် (MSRF)၊ မွန်ပြည်ကာကွယ်ရေးတပ် (MSDF)၊ မွန်ပြည်သစ်ပါတီ (MNLA-AD) နှင့် မွန်ပြည်လွတ်မြောက်ရေးတပ်မတော် (MLA) တို့မှ ထိပ်ပိုင်းခေါင်းဆောင်များ ဇန်နဝါရီလ ၁၇, ၁၈ ရက်တွင် အစည်းအဝေးလုပ်ကာ ရာမညပူးတွဲစစ်ကြောင်းကို ဖွဲ့စည်းခဲ့ကြခြင်းဖြစ်သည်။ “ကျနော်တို့ ပူးပေါင်းရခြင်းရဲ့ အဓိက ရည်မှန်းချက်တစ်ခုက ကျနော်တို့ မွန်ပြည်နယ်မှာ အခြား တိုင်းနဲ့ပြည်နယ်တွေလို စစ်ရေးအရှိန်တွေ မြှင့်နိုင်ဖို့ပါ။ အရင်တုန်းက ကျနော်တို့ မွန်ပြည်နယ်မှာ စစ်ရေးအရှိန်