ရခိုင်တိုက်ပွဲတွင် သေဆုံးခဲ့သော စစ်မှုထမ်း တပ်သားနှစ်ဦး မိသားစုကို စစ်တပ်က အကြောင်းမကြား
ရခိုင်တိုက်ပွဲတွင် သေဆုံးခဲ့သည့် စစ်မှုထမ်း တပ်သားနှစ်ဦးအား မိသားစုကို စစ်ကောင်စီတပ်ဖက်က တစ်စုံတစ်ရာ အကြောင်းကြားချင်း မရှိဘဲ ပျောက်ဆုံးစာရင်းသွင်းထားကြောင်း မိတ်ဆွေများထံမှ စုံစမ်းသိရသည်။ ဧရာ၀တီတိုင်း၊ ဟိုင်းကြီးကျွန်းမြို့၊ အမှတ် ၂ ရပ်ကွက်မှ စစ်မှုထမ်းတပ်သား အောင်နိုင်ထွန်းနှင့် သက်ပိုင်စိုးတို့ ၂ ဦးသည် ရခိုင်တိုက်ပွဲတွင် သေဆုံးခဲ့သော်လည်း မိသားစုကို စစ်တပ်က အကြောင်းမကြားခြင်းမရှိခဲ့ကြောင်း မိတ်ဆွေများမှ ပြောသည်။ မိသားစုဝင်တစ်ဦးက “စစ်မှုထမ်း အပတ်စဉ် ၃ သင်တန်းဆင်း ကိုအောင်နိုင်ထွန်းနဲ့ ကိုသက်ပိုင်စိုးက အတင်းအကျပ် စစ်တပ်ထဲ အသွင်းခံရသူတွေပါ။ အသက်တွေက ၂၀ ကျော်လေးတွေ။ သူတို့ ရခိုင်တိုက်ပွဲမှာ ကျဆုံးတာကို တပ်ထဲက မိတ်ဆွေတွေက မိသားစုဆီကို လှမ်းပြောကြတယ်”ဟုပြောသည်။ စစ်မှုထမ်း
ရမ်းဗြဲ ကျောက်နီမော်ကို စစ်ကောင်စီ ဗုံးကြဲ၊ အရပ်သား ၄၀ ကျော်သေဆုံးပြီး ၂၀ ကျော် ဒဏ်ရာရရှိ
အာဏာသိမ်း စစ်ကောင်စီက အရပ်သားများနေထိုင်ကြသော ရခိုင်ပြည် ကျောက်နီမော်ကျေးရွာကို လေကြောင်းက ယမန်နေ့ ဇန်နဝါရီလ ၈ ရက် နေ့လယ် ၁ နာရီကျော်အချိန်တွင် ဗုံးကြဲတိုက်ခိုက်ခဲ့သည်။ စစ်ကောင်စီ ဗုံးကြဲတိုက်ခိုက်မှုကြောင် အပြစ်မဲ့အရပ်သားပြည်သူ ၄၀ ကျော်သေဆုံးပြီး ၂၀ ဦးထက်မနည်း ဒဏ်ရာရရှိသွားကြောင်း ဒေသခံများထံမှ ကနဦး သိရသည်။ လူနေအိမ် ၅၀၀ ခန့်မှာလည်း မီးလောင်ပျက်စီးသွားပြီး ထိခိုက်သေဆုံးသူများထဲတွင် ကလေးငယ်များ၊ အမျိုးသမီးနှင့် သက်ကြီးပိုင်းများ ပါဝင်ကြောင်း သိရသည်။
ရခိုင်ရိုးပေါ်က တောင်ပုံကြီးစခန်းနှင့် ဗေဒါစစ်ဆေးရေးဂိတ်ကို AA သိမ်းပိုက်လိုက်ပြီဟုဆို
ရခိုင်ရိုးမတောင်တန်းပေါ်က တောင်ပုံကြီး စစ်စခန်းနှင့် ဗေဒါစစ်ဆေးရေးဂိတ်ကို အာရက္ခတပ်တော် AA က သိမ်းပိုက်လိုက်ပြီဟု စစ်ရေးသတင်းရင်းမြစ်များက ပြောဆိုကြသည်။ တောင်ပုံကြီးစစ်စခန်းသည် ရခိုင်ရိုးမ တောင်ကုတ်-ပန်းတောင်းပေါ်တွင်ရှိပြီး ဗေဒါစစ်ဆေးရေးဂိတ်သည် ဂွ-ငသိုင်းချောင်း ရိုးမပေါ်တွင်ရှိသော စစ်ကောင်စီ စစ်စခန်းများဖြစ်ကြသည်။ ရခိုင်ရိုးမတောင်တန်းပေါ်က စစ်ကောင်စီ စစ်စခန်းများကို အာရက္ခတပ်တော် AA က ထိုးစစ်ဆင် တိုက်ခိုက်နေသည်မှာ ကြာပြီဖြစ်ပြီး အမ်း၊ တောင်ကုတ်၊ ဂွမြို့တို့ကို သိမ်းပြီးနောက် ထိုးစစ်အရှိန်မြှင့်တင်ခဲ့ခြင်းဖြစ်သည်။ “တောင်ကုတ်ရိုးပေါ်က တောင်ပုံကြီးစခန်းနဲ့ ဂွရိုးပေါ်က ဗေဒါစစ်ဆေးရေးဂိတ်ကို AA က သိမ်းလိုက်ပါပြီ။ တောင်ပုံကြီးက ထွက်ပြေးသွားတဲ့ စစ်ကောင်စီတပ်ဖွဲ့ဝင်တွေဟာ မိုးထိကို ရောက်သွားတယ်။ မိုးထိက ပန်းတောင်းမြို့အပိုင်ဖြစ်ပါတယ်။ မိုးထိမှာ စစ်ကောင်စီ စခန်းရှိတယ်” ဟု
သိမ်းပိုက်ထားသည့် မြို့နယ်များတွင် ပြန်လည်တည်ဆောက်ရေးနှင့် မြို့သန့်ရှင်းရေးများ AA လုပ်ဆောင်နေ
အာရက္ခတပ်တော် AA က သိမ်းပိုက်ထားသည့်မြို့နယ်များတွင် ပြန်လည် တည်ဆောက်ရေး လုပ်ငန်းများနှင့် မြို့သန့်ရှင်းရေး လုပ်ငန်းများကို အားသွန်ခွန်စိုက် လုပ်ဆောင်လျက်ရှိနေကြောင်း ဒေသခံများ၏ ပြောဆိုချက်အရ သိရသည်။ ပြန်လည် တည်ဆောက်ရေး လုပ်ငန်းများတွင် မီးလောင်ပျက်စီးသွားခဲ့သော နေအိမ်များကို အာရက္ခပြည်သူ့အစိုးရအဖွဲ့က ပြန်လည်တည်ဆောက်ရေးလုပ်ငန်းများ လုပ်ဆောင်နေကြောင်း သိရသည်။ လေကြောင်း ပစ်ခတ်မှုကြောင့် ပျက်စီးသွားသော နေအိမ်များ စစ်ကောင်စီတပ်က မီးရှို့ ဖျက်ဆီးခဲ့သည့် နေအိမ်ကို အဓိက ပြန်လည် တည်ဆောင်နေခြင်း ဖြစ်ပြီး မီးလောင်သွားသည့် နေအိမ်အချို့အတွက် တိုင်များ အခမဲ့ ဖြန့်ဝေပေးခဲ့ကြောင်း သိရသည်။ ပလက်ဝဒေသ အပါအဝင် ပုဏ္ဏားကျွန်း၊ ကျောက်တော်၊ မြောက်ဦး၊ မင်းပြား၊ မြေပုံ၊ ပေါက်တော၊ ရမ်းဗြဲ၊
မြို့သိမ်းတိုက်ပွဲများ အောင်ပွဲအတွက် AA တပ်သားများကို ပရဟိတသမား ကိုဝေဟင်အောင်မှတစ်ဆင့် ငွေကျပ်သိန်း ၁၂၀၀ ကျော် ဂုဏ်ပြု
ရခိုင်ပြည်အတွင်း မြို့များကို ဆက်တိုက်သိမ်းပိုက်ခဲ့သော အာရက္ခတပ်တော် AA တပ်ဖွဲ့ဝင်များအား ပြည်တွင်းပြည်ပ အဖွဲ့အစည်းများနှင့် တစ်သီးပုဂ္ဂလများက ပရဟိတသမား ဝေဟင်အောင်မှတစ်ဆင့် ငွေသား ဂုဏ်ပြုထားသည်မှာ ကျပ်သိန်း ၁၂၀၀ ကျော် ရရှိထားကြောင်း သိရသည်။ အာရက္ခတပ်တော် AA တပ်ဖွဲ့ဝင်များအနေဖြင့် စိတ်ခွန်အား ပိုမိုတက်စေရန်နှင့် ပင်ပန်းနွမ်းနေမှုများ ပြေပျောက်စေရန် ပျော်ပွဲရွှင်ပွဲများအတွက် အလှူရှင်များက ဂုဏ်ပြုကြခြင်းဖြစ်ကြောင်း ပရဟိတသမား ကိုဝေဟင်အောင်က ပြောသည်။ “နခခ ၅ အောင်ပွဲတုန်းက ကျပ်သိန်း ၃၀၀ ဂုဏ်ပြုဖူးတယ်။ တောင်ကုတ်တုန်းက ကျပ်သိန်း ၂၀၀ ဂုဏ်ပြုဖူးတယ်။ အမ်း တုန်းကလည်း ကျပ်သိန်း ၅၀၀ ဂုဏ်ပြုဖူးတယ်။ စုစုပေါင်း ကျပ်သိန်း တစ်ထောင်ပေါ့။ အခုတစ်ကြိမ်ဆို
AA ဝင်တိုက်တော့မည်ဟု သတင်းကြောင့် ကျောက်ဖြူမြို့တွင် စစ်ကောင်စီ စစ်ဆေးရေးကြမ်းနေ
အမ်း အနောက်ပိုင်းတိုင်းစစ်ဌာနချုပ် (နပခ) သိမ်းပြီးနောက် ကျောက်ဖြူမြို့ကို ဇန်နဝါရီလအတွင်း အာရက္ခတပ်တော် AA က ဝင်တိုက်တော့မည်ဟု ကောလာဟလ သတင်းကြောင့် ကျောက်ဖြူမြို့အတွင်း စစ်ကောင်စီက ယခင်ထက် ပိုတင်းကျပ်စွာ စစ်ဆေးမှု ပြုလုပ်နေကြောင်း သိရသည်။ လေဆိပ်၊ မြို့အဝင် ကျောက်တစ်လုံးဂိတ်နှင့် ဂျပန်မဆိပ်ကမ်းတို့တွင် စစ်ကောင်စီတပ်ဖွဲ့ဝင်များက ယခင်ထက် စစ်ဆေးရေးတင်ကြပ်ပြီး ငွေတောင်းယူခြင်းများလည်းရှိကြောင်း ဒေသခံများထံမှ သိရသည်။ ကျောက်ဖြူမြို့ကတစ်ဆင့် ရခိုင်မြောက်ပိုင်းဘက်သို့ သွားရောက်ရန် ထိုင်းနှင့် မလေးရှားပြန် လူကြီးလူငယ်အများအပြား ရန်ကုန်မြို့တွင် စောင့်ဆိုင်းနေကြသည်။ “အခု ရက်ပိုင်း ကျောက်ဖြူမြို့က အစစ်အဆေး ကြမ်းနေတော့ ခဏဆိုင်းထားပါတယ်။ နည်းနည်းငြိမ်မှ သွားမလို့ပါ။ စောင့်နေတာတော့ လဝက်လောက်တော့ ရှိပြီ။ မြို့တွင်းတိုက်ပွဲတွေ ဖြစ်လာနိုင်လို့ဆိုပြီး
အမျိုးသားညီညွတ်ရေးအစိုးရ NUG က ရခိုင်စစ်ရှောင်ပြည်သူများကို ငွေကျပ် ၁၂၄ သန်းကျော် ထောက်ပံ့ပေး
ရခိုင်ပြည်အတွင်းက စစ်ရှောင်ပြည်သူများကို အမျိုးသားညီညွတ်ရေးအစိုးရ NUG က ငွေကျပ် ၁၂၄.၃ သန်း ထောက်ပံ့ပေးအပ်ခဲ့ကြောင်း NUG က ဇန်နဝါရီလ ၆ ရက်တွင် ထုတ်ပြန်ထားသည်။ တစ်နိုင်ငံလုံးအတိုင်းတာဖြင့် အမှန်တကယ်လိုအပ်နေသော ပြည်သူများအား NUG က ငွေကျပ်ပေါင်း ၇.၇ ဘီလီယံကို ထောက်ပံ့ပေးအပ်ရာတွင် ရခိုင်စစ်ရှောင်ပြည်သူအတွက် ၁၂၄ သန်းကျော် ထောက်ပံ့ပေးအပ်ခဲ့ခြင်းဖြစ်သည်။ အမျိုးသားညီညွတ်ရေးအစိုးရ လူသားချင်းစာနာ ထောက်ထားရေးနှင့် ဘေးအန္တရာယ်ဆိုင်ရာ စီမံခန့်ခွဲရေး ဝန်ကြီးဌာနအနေဖြင့် ၂၀၂၄ ခုနှစ်၊ ဇန်နဝါရီလ ၁ မှ ဒီဇင်ဘာလ ၃၁ အထိ (တစ်နှစ်တာအတွင်း) တော်လှန်ပြည်သူများ၏ ပြည်သူမှပြည်သူသို့ ထောက်ပံ့လှူဒါန်းထားခြင်းဖြစ်ကြောင်း သိရသည်။ NUG သည် ရခိုင်
ဂွနှင့် မကျီးဇင်ကို စစ်ကူပို့ရန် ပုသိမ်-ရန်ကုန် ပြေးဆွဲနေသည့် ကုန်ကားကြီးများကို စစ်ကောင်စီ ပေါ်တာဆွဲနေ
ရခိုင်ပြည် ဂွမြို့နှင့် ဧရာဝတီ မကျီးဇင်ဒေသဘက်ကို လက်နက်များနှင့် စစ်ကူအင်အားများ ပေးပို့ရန် အာဏာသိမ်း စစ်ကောင်စီသည် ပုသိမ်-ရန်ကုန် ပြေးဆွဲနေသည့် ကုန်ကားကြီးများကို တစ်ရက်မှာ အနည်းဆုံး ၄ စီးဖြင့် ပေါ်တာဆွဲနေကြောင်း သတင်းရင်းမြစ်များထံမှ သိရသည်။ ကုန်ကားလုပ်ငန်းရှင်များက စစ်ကောင်စီ တောင်းယူသည့် ကားများကို ထုတ်မပေး၍ ပြီးခဲ့သည့် ရက်ပိုင်းအတွင်းက ရန်ကုန်သို့သွားရောက်မည့် ပုသိမ်က ကုန်ကားကြီးများကို စစ်ကောင်စီသည် ထွက်ခွင့်ပိတ်ပင်ထားခဲ့သည်။ ပုသိမ်ဒေသခံ သတင်းရင်းမြစ်တစ်ဦးက “ပြီးခဲ့တဲ့ ၃ ရက်လောက်က စစ်ကောင်စီ အုပ်ချုပ်ရေးအဖွဲ့ဟာ ကုန်ကားသမားတွေ အားလုံးကို ခေါ်ယူသတိပေးပါတယ်။ တစ်ရက်မှာ ကုန်ကားအနည်းဆုံး ၄ စီးပေးရမယ်။ ဂွနဲ့ မကျီးဇင်ဘက်ကို စစ်သားတွေ တင်ပြီး ပို့ပေးရမယ်။
ရခိုင်မှာ အရေပြားရောဂါဖြစ်ပွားမှု နယ်မြေကျယ်ပြန့်လာ
ရခိုင်ပြည်အတွင်း အရေပြားရောဂါဖြစ်ပွားမှု ပုဏ္ဏားကျွန်း၊ မင်းပြားမြို့များအပြင် သံတွဲ၊ ငပလီ၊ ဂွ၊ ရမ်းဗြဲနှင့် ကျောက်တော် စသည့် ဒေသများတွင် စစ်ရှောင်ပြည်သူများမှာ အရေပြားရောဂါဝေဒနာများ ခံစားနေရကြောင်း သိရသည်။ ပြီးခဲ့သည့် မိုးရာသီကတည်းက ပုဏ္ဏားကျွန်းဒေသနှင့် မင်းပြားဒေသများတွင် အရေပြားရောဂါ လက္ခဏာများဖြစ်သည့် ခန္ဓာကိုယ်ယားယံခြင်း၊ ခူ၊ ဝဲ၊ ပွေး ကဲ့သို့ အနာများဖြစ်ပေါ်ခံစားနေရသည်မှာ ယခုအချိန်အထိ ဖြစ်ပွားနေဆဲဖြစ်သည်။ လက်ရှိတွင် အရေပြားရောဂါဖြစ်ပွားမှုမှာ သံတွဲ၊ ငပလီ၊ ဂွ၊ ရမ်းဗြဲနှင့် ကျောက်တော်ဒေသများတွင် ဖြစ်ပွားနေပြီး အများစုက စစ်ရှောင်ပြည်သူများ အဖြစ်များနေကြောင်း စုံစမ်းသိရသည်။ ပတ်ဝန်းကျင်မသန့်ရှင်းမှုနှင့် သောက်သုံးရေ မသန့်ရှင်းမှုများကြောင့် ခန္ဓာကိုယ်ယားယံခြင်းကို ဦးစွာခံစားရပြီးနောက် ကုတ်ခြစ်ခြင်းမှတစ်ဆင့် အနာများဖြစ်ပေါ်ကာ ခန္ဓာကိုယ်တစ်ခုလုံး ပျံ့နှံ့သွားသည်ဟု
KTV ဖွင့်လှစ်ရန်ကြိုးပမ်းသော ဗကသများအဖွဲ့ချုပ် ဥက္ကဌနှင့် ဘဏ္ဍာရေးတာဝန်ခံကို ရာထူးမှ ဖယ်ရှား
ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် ဥက္ကဌ ကိုအောင်ပြည့်စုံဖြိုးနှင့် ဘဏ္ဍာရေးတာဝန်ခံ ကိုရှိုင်းဝဏ္ဏအောင်ကို ဗကသများအဖွဲ့ချုပ်ဘဏ္ဍာငွေအတွက် KTV ဖွင့်လှစ်ရှာဖွေ၍ ရာထူးမှ ထုတ်ပယ်ရေးယူလိုက်ကြောင်း ယနေ့ ထုတ်ပြန်ထားသည်။ ဗကသများအဖွဲ့ချုပ်ဥက္ကဌအဖြစ် တာဝန်ယူထားသော ကိုအောင်ပြည့်စုံဖြိုးသည် ဗကသများအဖွဲ့ချုပ် ဘဏ္ဍာငွေ ရှာဖွေရန်ရည်ရွယ်ချက်ဖြင့် KTV လုပ်ငန်းဖွင့်လှစ်နိုင်ရန် ကြိုးပမ်းမှုတွင် ပါဝင်ခဲ့ကြောင်း စစ်ဆေးသိရှိရကြောင်း ဖော်ပြထားသည်။ အဆိုပါလုပ်ရပ်သည် ဗကသများ အဖွဲ့ချုပ်၏ စည်းမျဉ်းဥပဒေ၊ မူဝါဒစံနှုန်း၊ ဂုဏ်သိက္ခာကို ချိုးဖောက်ညှိုးနွမ်းစေ သည့်အတွက် ကိုအောင်ပြည့်စုံဖြိုးကို ဗကသများအဖွဲ့ချုပ် ဥက္ကဌ တာဝန်မှ ထုတ်ပယ်အရေးယူလိုက်ကြောင်း ဗကသများအဖွဲ့ချုပ် ဗဟိုအမှုဆောင်အဖွဲ့က ဆိုသည်။ ကိုအောင်ပြည့်စုံဖြိုးအနေဖြင့် ဆက်စပ်ပတ်သတ်ခဲ့သည့် KTV လုပ်ငန်းပတ်သတ်မှုကိုလည်း တစ်ပါတည်း စွန့်ပယ်ရန် ဗကသများအဖွဲ့ချုပ်က ပြောဆိုထားသည်။ အဆိုပါလုပ်ငန်းမှ