ဧရာဝတီ ငါးသိုင်းချောင်းက အမြောက်တပ် ၃၄၄ ကို AA တိုက်ခိုက်နေ
အာရက္ခတပ်တော် AA နှင့် ဒေသခံပြည်သူ့ကာကွယ်ရေးတပ်ဖွဲ့ ပူးပေါင်းတပ်ဖွဲ့တို့သည် ဧရာဝတီတိုင်းထဲက ငါးသိုင်းချောင်းမြို့နယ်ရှိ စစ်ကောင်စီ၏ အမြောက်တပ် ၃၄၄ တပ်ရင်းကို ထိုးစစ်ဆင်တိုက်ခိုက်နေကြောင်း သိရသည်။ အမြောက်တပ် ၃၄၄ နှင့် ငါးသိုင်းချောင်းမြို့တို့သည် ၄ မိုင်ကျော်မှာရှိပြီး မြောက်စမ်းရွာမှာရှိကြောင်းနှင့် တိုက်ပွဲမှာ ယနေ့ ဖေဖော်ဝါရီလ ၁၄ ရက်တွင် ပြင်းထန်နေကြကြောင်း သတင်းရင်းမြစ်များက ပြောသည်။ “ဟုတ်တယ်ဗျ။ ငါးသိုင်းချောင်းက အမြောက်တပ် ၃၄၄ ကို AA ရဲ့ ပူးပေါင်းတပ်ဖွဲ့က ထိုးစစ်ဆင် တိုက်ခိုက်နေပါတယ်။ စစ်ကောင်စီကလည်း ပြန်ခုခံနေပါတယ်။ တိုက်ပွဲကတော့ ပြင်းထန်နေကြပါတယ်။ လက်နက်ကြီး ပစ်ခတ်မှုတွေလည်း ပါတယ်လို့ သိရပါတယ်” ဟု ဧရာဝတီသတင်းရင်းမြစ်တစ်ဦးက ပြောသည်။ အာရက္ခတပ်တော်
ရွှေကုက္ကိုလ်နှင့် ကျားဖြန့်လုပ်ငန်းပိုင်ရှင် တရုတ်များကို BGF နှင့် DKBA က လုံခြုံရေးအပြည့်ဖြင့် စောင့်ရှောက်ထား
ကရင်ပြည်နယ် မြဝတီမြို့နယ် ရွှေကုက္ကိုလ်ဒေသနှင့် ကျောက်ခတ်ဒေသက ကျားဖြန့်လုပ်ငန်းပိုင်ရှင် တရုတ်နိုင်ငံသားများကို မြန်မာနယ်ခြားစောင့်တပ် BGF နှင့် ကရင်အကျိုးပြုတပ်မတော် DKBA တို့က လုံခြုံရေးအပြည့်ဖြင့် လိုက်လံစောင့်ရှောက်ပေးထားကြောင်း သိရသည်။ မြဝတီဒေသတွင်းရှိသည့် ကျားဖြန့်လုပ်ငန်းများကို လိုက်လံရှင်းလင်းနေသော BGF နှင့် DKBA တို့က ကျားဖြန့်လုပ်ငန်းပိုင်ရှင်များ အပြင်ထွက် အသွားအလာကို လုံခြုံရေးယူကာ စောင့်ရှောက်ပေးနေခြင်းဖြစ်သည်။ “ကျားဖြန့်လုပ်ငန်းလုပ်တဲ့ တရုတ်တွေကတော့ မြ၀တီထဲမှာ လုံခြုံရေးအခြံအရံ အပြည့်နဲ့သွားလာနေကြတုန်းပဲ။ ကျောက်ခက် မှာလည်း အတူတူပါပဲ။ နည်းနည်းအကောင်ကြီးရင် ရှေ့ရော နောက်ရော တပ်ဖွဲ့ဝင်တွေပါတယ်။ ပုံမှန်ဆိုရင်တော့ ရှေ့ကနေ လက်ကိုင်တပ်ဖွဲ့ဝင်တွေပါတဲ့ ပွိုင့်ကားက ရှေ့ကသွားတယ်။ တရုတ်တွေကတော့ ကားအကောင်းစားတွေနဲ့ မြ၀တီထဲမှာ အသွားအလာမပြတ်ဘူး” ဟု ဖေဖော်ဝါရီလ
မင်းပြားက မွတ်ဆလင်ရွာ လက်မမှာ မီးလောင်မှုဖြစ်ပွား
ရခိုင်ပြည် မင်းပြားမြို့နယ် မွတ်ဆလင်ကျေးရွာဖြစ်သည့် လက်မကျေးရွာမှာ ပေါ့ဆမီး မီးလောင်မှုဖြစ်ပွား၍ နေအိမ် ၄ ဆောင် ပြာကျသွားကြောင်း သိရသည်။ ဖေဖော်ဝါရီလ ၁၃ ရက်နေ့ ညနေ ၅ နာရီခန့်အချိန်က မီးလောင်မှုဖြစ်ပွားခဲ့ခြင်းဖြစ်ပြီး နေအိမ်များအပြင် စပါးကျီတစ်လုံးလည်း မီးလောင်သွားသည်။ အာရက္ခတပ်တော် AA ၏ မီးသတ်အဖွဲ့က ရွာသားများနှင့်ပူးပေါင်းကာ မီးငြိမ်းခဲ့၍ ညနေ ၆ နာရီခန့်တွင် နေအိမ်အများအပြားသို့ မီးမကူးစက်မီ မီးငြိမ်းသွားကြောင်း သိရသည်။ ဖေဖော်ဝါရီလ ၈ ရက်နေ့ကလည်း မောင်တောမြို့ ၃ မိုင်ရပ်ကွက်တွင် တောများကို မီးရှိုခဲ့ရာမှ မီးလောင်မှုဖြစ်ပွားခဲ့ပြီး ဘတ်ဟိုးနှစ်စီး မီးလောင်ပျက်စီးသွားသည်။ ဇန်နဝါရီလ ၂၉ ရက်နေ့ကလည်း မြောက်ဦးမြို့နယ် မွတ်ဆလင်ရွာ
စစ်တွေမြို့က စစ်ဘေးရှောင် တစ်သောင်းခန့် စားနပ်ရိက္ခာ အကူအညီလိုအပ်နေ
ရခိုင်ပြည် စစ်တွေမြို့အတွင်း ဘုန်းတော်ကြီးကျောင်းများတွင် ခိုလှုံနေကြသော စစ်ဘေးရှောင် တစ်သောင်းခန့်မှာ စားနပ်ရိက္ခာထောက်ပံ့မှု အရေးတကြီးလိုအပ်နေကြောင်း စစ်ရှောင်များအား လက်ခံကျွေးမွေးထားကြသည့် ဘုန်းတော်ကြီးများက ပြောဆိုကြသည်။ စစ်ကောင်စီ၏ နှင်ထုတ်မှုကြောင့် စစ်တွေမြို့အနီးက ဗျိုင်းဖြူကျေးရွာအပါအဝင် ကျေးရွာပေါင်း ၂၀ ကျော်က ဒေသခံပြည်သူ တစ်သောင်းခန့်မှာ စစ်တွေမြို့အတွင်း ဘုန်းတော်ကြီးကျောင်း ၅၃ ခုတွင် ခိုလှုံနေထိုင်နေကြရသည်။ ၂၀၂၄ ခုနှစ် မတ်လကတည်းကစ၍ နေထိုင်ကြခြင်းဖြစ်ပြီး ကမ္ဘာ့စားနပ်ရိက္ခာအဖွဲ့ WFP က ထောက်ပံ့မှု မရသည်မှာ နှစ်လခန့် ကြာမြင့်လာပြီဟု စစ်ဘေးရှောင် ၁၂၀ ကျော်ရှိသော ဘုန်းတော်ကြီးကျောင်းမှာ ကျောင်းထိုင်ဆရာတစ်ပါးက ပြောသည်။ “ဦးဇင်းတို့ကျောင်းမှာ စစ်ရှောင် ၁၂၀ ကျော်ရှိပါတယ်။ စစ်တွေမြို့ အနယ်နယ်အရပ်ရပ်ကပေါ့။ ဗျိုင်းဖြူရွာသားတွေလည်း
ဘင်္ဂလားဒေ့ရှ်က ၈ နှစ်ကြာပိတ်ပင်ခဲ့သည့် နတ်မြစ်အတွင်း ငါးဖမ်းခွင့်ကို ပြန်လည်ခွင့်ပြုပေး
ရခိုင်ရေပြင်နှင့် ထိစပ်နေသည့် နတ်မြစ်အတွင်းမှာ ၈ နှစ်ကြာ ပိတ်ပင်ခဲ့သော ငါးဖမ်းခွင့်ကို ဘင်္ဂလားဒေ့ရှ်နိုင်ငံက သူ့နိုင်ငံသားများအား ဖေဖော်ဝါရီလ ၁၃ ရက်နေ့က ပြန်လည်ခွင့်ပြုပေးလိုက်ပြီဟု သိရသည်။ မူးယစ်ဆေးဝါး ရောင်းဝယ်ဖောက်ကားမှုနှင့် ခိုးဝင်သူများ စိမ့်ဝင်မှုကြောင့် နတ်မြစ်အတွင်း ငါးဖမ်းခွင့်ကို ၈ နှစ်ကြာ ပိတ်ပင်ပြီးနောက် ဘင်္ဂလားဒေ့ရှ်အစိုးရက ပြန်လည်ရုပ်သိမ်းလိုက်ပြီဖြစ်ကြောင်း Dhaka Tribune က ဖော်ပြသည်။ ဘင်္ဂလားဒေ့ရှ် ကော့ဘဇားခရိုင်အုပ်ချုပ်ရေးမှူးက နတ်မြစ်အတွင်း ငါးဖမ်းခွင့် ပြန်လည်ခွင့်ပြုကြောင်း စာတစ်စောင်ကို တက္ကနပ်ဆိပ်ကမ်း တာဝန်ရှိသူများထံ ပေးပို့ခဲ့ကြောင်း သိရသည်။ နတ်မြစ်ထဲမှာ ငါးဖမ်းခွင့်ကို နံနက် ၈ နာရီမှာ ညနေ ၄ နာရီအထိ ခွင့်ပြုပေးခြင်းဖြစ်ပြီး စောင့်ကြည့်ကာလအနေဖြင့် ၃