ငလျင်ဒဏ်ကြောင့် နေပြည်တော် ပျဉ်းမနားနှင့် ရှမ်းပြည်နယ် တောင်ပိုင်း၊ ညောင်ရွှေမြို့နယ် အင်းလေးဒေသတို့ သေဆုံးသူ ၇၀ ကျော် ရှိနေပြီး ဒဏ်ရာ ရရှိသူ ရာနှင့်ချီ ရှိကြောင်း ကူညီကယ်ဆယ်ရေး လုပ်ဆောင်သူများက ပြောသည်။ နေပြည်တော် ပျဉ်းမနားတွင် မြေငလျင်ဒဏ်ကြောင့် သေဆုံးသူ ၄၀ ကျော်၏ အလောင်းများကို ရရှိထားပြီး လူနာ ၁၃၀ ကျော်ရှိကာ အများအပြား ပိတ်မိနေကြောင်း မိုးစေတနာပရဟိတအသင်း က ပြောသည်။ လက်ရှိတွင် လှုပ်ခတ်ခဲ့သော ငလျင်ကြောင့် လက်ရှိအခြေအနေထိ အလောင်း ၄၀ ကျော် ရရှိထားပြီး လူနာ ၁၃၀ ကျော်နှင့် အများအပြား ပိတ်မိနေကြောင်း (ရန်ကုန်) နေပြည်တော် ရုံးခွဲမှ

ငလျင်ကြောင့် မန္တလေး၊ ပြည်ကြီးတံခွန်မြို့နယ်တွင် နေအိမ်များ၊ ဘာသာရေး အဆောက်အအုံအများအပြား ပျက်စီးခဲ့ကြောင်းသိရသည်။ မန္တလေမြို့ပေါ်တွင် ငလျင်ဒဏ်ကြောင့် ပျက်စီးမှုများပြီး ထိခိုက်သေဆုံးသူများပြားကာ အပျက်အစီးများကြား ပိတ်မိနေသူများ ရှိနေဆဲဖြစ်ကြောင်း သိရသည်။

အာဏာသိမ်း စစ်ကောင်စီက ယနေ့ မတ် ၂၈ ရက်နေ့တွင် လှုပ်ခတ်ခဲ့သော ငလျင်ကြောင့် တိုင်းနှင့် ပြည်နယ် နေရာ ၆ ခုကို အရေးပေါ်အခြေအနေဟု ထုတ်ပြန်ကြေညာထားသည်။ စစ်ကိုင်းတိုင်းဒေသ၊ မန္တလေးတိုင်းဒေသ၊ မကွေးတိုင်းဒေသ၊ ရှမ်းပြည်နယ် အရှေ့မြောက်ဒေသ၊ နေပြည်တော်ဒေသနှင့် ပဲခူးတိုင်းဒေသတို့ကို စစ်ကောင်စီက အရေးပေါ်အခြေအနေဟု ကြေညာခဲ့ခြင်းဖြစ်သည်။ မန္တလေး၊ စစ်ကိုင်း၊ နေပြည်တော်နှင့် ရှမ်းပြည်နယ် အရှေ့မြောက်ဒေသတို့တွင် ငလျင်ကြောင့် ထိခိုက်ပျက်စီးမှု၊ သေဆုံးမှု များပြားကြောင်း ဒေသခံပြည်သူများထံမှ သိရသည်။ ယနေ့ နေ့လယ် ၁၂ နာရီ ၅၁ မိနစ် နှစ်စက္ကန့်တွင် မန္တလေး၊ စစ်ကိုင်းတို့ကို ဗဟုပြုပြီး ၇.၇ အဆင့်ရှိသော ငလျင်လှုပ်ခတ်ခဲ့ကာ နောက်ဆက်တွဲ

နောက်ဆက်တွဲ ငလျင်များ လှုပ်ခတ်နိုင်၍ မိမိရောက်ရှိ နေထိုင်ရာနေရာများမှ ဘေးကင်းစိတ်ချရသည့် နေရာများသို့ ပြောင်းရွှေ့နေထိုင်ကြရန်နှင့် ငလျင်နောက်ဆက်တွဲများကို သတိထားရန် ပညာရှင်များက သတိပေးသည်။ မြန်မာနိုင်ငံ၊ စစ်ကိုင်းမြို့ကို ယနေ့ မွန်းလွဲ ၁၂ နာရီ ၅၂ မိနစ်အချိန် ဗဟိုပြု၍ ၇ ဒသမ ၇ အဆင့်ရှိ အင်အားပြင်းထန်သော ငလျင်လှုပ်ခတ်ခဲ့ပြီး နောက်ဆက်တွဲ ယင်းငလျင် လှုပ်ခတ်နိုင်ကြောင်း သိရသည်။ ပြင်းထန်သော ငလျင်ဘေးဒဏ်၏ နောက်ဆက်တွဲအဖြစ် မြို့ပြတွင် မီးဘေးအန္တရာယ်ကို သတိပြု သတိထားရမည်ဖြစ်ပြီး ရေကာတာကြီးဆိုလည်း ကျိုးပျက်ကာ နောက်ဆက်တွဲ ရေကြီးနိုင်ကြောင်း ဆိုသည်။ ငလျင်ဘေးနောက်ဆက်တွဲ ဘေးအန္တရာယ်များ၏ လွတ်ကင်းနိုင်ရန်အတွက် ဘေးကင်းစိတ်ချရသည့်နေရာများတွင် ပြောင်းရွှေ့နေထိုင်ကြပါရန် ပညာရှင်များက သတိပေးပြောသည်။

ယနေ့ အင်အားပြင်း ငလျှင်လှုပ်ခတ်မှုကြောင့် ထိုင်းနိုင်ငံ၊ ဘန်ကောက်မြို့၊ ချတူးချက် နယ်မြေရှိ အထပ်မြင့်တိုက် ဆောက်လုပ်ရေးလုပ်ငန်းခွင်ပြိုကျ၍ မြန်မာရွှေ့ပြောင်း လုပ်သား ၄၃ ဦးပိတ်မိနေကြောင်း သိရသည်။ မတ်လ ၂၈ ရက် ထိုင်းစံတော်ချန် ၁ နာရီ ၃၀ မိနစ်ခန့်က လှုပ်ရှားသွားသည့်ငလျင်ကြောင့် အဆောက်အအုံထဲတွင် ပိတ်မိနေခြင်းဖြစ်ကြောင်း ရွှေ့ပြောင်းလုပ်သားများ အရေး ကူညီဆောင်ရွက် ပေးနေသည့် ကိုရဲမင်းက ပြောသည်။ ထိုင်း ဒေသတွင်း သတင်းဌာနများ၌ လည်း အဆိုပါ ဆောက်လုပ်ရေးလုပ်ငန်းခွင် ပြိုကျသည့်ဖြစ်စဥ်နှင့် ပတ်သက်၍ သတင်းများဖော်ပြလျက်ရှိပြီး သေဆုံးမှု ထိခိုက်မှုများကို ဖော်ပြထားခြင်း မရှိသေးပေ။ မြန်မာနိုင်ငံအလယ်ပိုင်းတွင် ရစ်ခ်ျတာစကေး ၇.၇ အဆင့်ရှိ ငလျင်တစ်ခု လှုပ်ခတ်ပြီးနောက်

ယနေ့ မတ်လ ၂၈ ရက် နေ့လယ်ပိုင်းတွင် လှုပ်ခတ်ခဲ့သော အင်အားပြင်း ငလျင်မှာ ရခိုင်ပြည်က မြို့နယ်အချို့တွင်လည်း လှုပ်ခတ်ခဲ့ကြောင်း ဒေသခံများထံမှ သိရသည်။ ၇.၇ အဆင့်ရှိသော အင်အားပြင်း ငလျင်မှာ မြန်မာပြည်အလယ်ပိုင်းကို ဗဟုပြုပြီး လှုပ်ခတ်ခဲ့သလို ထိုင်းနိုင်ငံအနှံ့တွင်လည်း လှုပ်ခတ်ခဲ့သည်။ အဆိုပါ ငလျင်မှာ ရခိုင်ပြည် တောင်ပိုင်း၊ မြောက်ပိုင်းရှိ မြို့အများစုတွင်လည်း လှုပ်ခတ်ခဲ့ပြီး ထိခိုက်သေဆုံးမှု၊ ပျက်စီးဆုံးရှုံးမှု မရှိဟု ဒေသခံများက ပြောသည်။ စစ်ဘေးရှောင်များအား ကူညီနေသူ စာရေးဆရာ ဝေဟင်အောင်က “ရခိုင်ပြည် အတိုင်းအတာအရဆိုရင်တော့ ငလျင်လှုပ်ခတ်ခဲ့တာတော့ ရှိပါတယ်။ မန္တလေးနဲ့ စစ်ကိုင်းဘက်ကို ဗဟိုပြုပြီးတော့ လှုပ်ခတ်သွားတဲ့အတွက် ကျနော်တို့ဘက်ကို အဖျားခတ်တာလောက်ပဲ ထင်တယ်။ နည်းနည်းလေးတော့

မန္တလေးမြို့ရှိ ရွှေဘုန်းရှိန်ဗလီတွင် ယနေ့ ဝတ်ပြုနေချိန် ငလျင်လှုပ်ခတ်မှုကြောင့် ဗလီပြိုကျသွားပြီး အနည်းဆုံး လူ ၂၀ ဦးထက်မနည်းသေဆုံးသွားကြောင်း ယင်းဗလီပြိုကျမှုအတွက် ကယ်ဆယ်ရေး ကူညီနေသူတချို့က ပြောသည်။ ကူညီကယ်ဆယ်နေသူတစ်ဦးက “ဝတ်ပြုနေတဲ့အချိန် ပြိုကျသွားတာပါ။ ဗလီအဆောင် ၃ ခုလောက်ပြိုကျသွားတာ။ ပိတ်မိနေတာတွေရှိတော့ အခုတော့ ၂၀ ဦးထက်မနည်းသေသွားပါပြီ။ သေ တဲ့အရေအတွက်ကတော့ များနိုင်တယ်။ ရွှေဘုန်းရှိန် ဗလီ ကတော့ ပြိုကျသွားပြီ” ဟု ပြောသည်။ မြန်မာနိုင်ငံတစ်နိုင်ငံလုံး အပါအဝင် အိမ်နီးချင်း ထိုင်းနိုင်ငံ၊ တရုတ်နိုင်ငံတို့တွင် ယနေ့ နေ့လယ် ၁၂နာရီ ၄၀ မိနစ်ဝန်းကျင်ခန့်မှာ အင်းအားပြင်း ငလျင်လှုပ်ခတ်ခဲ့သည်။

ယနေ့တွင် အင်အားပြင်း ငလျင်လှုပ်ခတ်မှုကြောင့် မန္တလေးမြို့ရှိ အထင်ကရ မစိုးရိမ်တိုက်ဟောင်း ပြိုကျပျက်စီးနေမှု မြင်ကွင်းအား တွေ့ရခြင်း ဖြစ်သည်။ စစ်ကိုင်းတံတား၊ မန္တလေးရှိ ဂရိတ်ဝေါဟိုတယ်၊ မြစ်ဆုံဟိုတယ် အပါအဝင် အထပ်မြင့် အဆောက်အအုံများ၊ ဘုန်းကြီးကျောင်းများ၊ နန်းမြို့ရိုး အပါအဝင် သမိုင်းဘုရားပုထိုးစေတီများပါ ပြိုကျခဲ့သည်။