အာရက္ခတပ်တော် AA သိမ်းပိုက်ထားသည့် ရခိုင်ပြည်မှာ စစ်ကျန်းလက်နက်ပစ္စည်းများနှင့် မြေမြှုပ်မိုင်းကြောင့် နှစ်ရက်အတွင်း အရပ်သားပြည်သူ ၃ ဦး ပြင်းထန်ဒဏ်ရာရရှိသွားကြောင်း သိရသည်။ ယမန်နေ့ မေလ ၆ ရက် ညနေပိုင်းက တောင်ကုတ်မြို့နယ် ကံပိုင်ရပ်ကွက်ဒေသခံ အသက် ၇၀ အရွယ် ဦးကျော်ထွန်းမှာ မြေမြှုပ်မိုင်းကြောင့် ခြေတစ်ဖက် ပြတ်ထွက်ဒဏ်ရာ ရရှိသွားသည်။ တောင်ကုတ်ရှိ စစ်ကောင်စီ အခြေစိုက်ခဲ့သော စကခ ၅ တပ်စခန်းအနီး လယ်ကွင်းသို့ သွားရောက် အလုပ်လုပ်စဉ် မြေမြှုပ်မိုင်းနင်းမိပြီး ထိခိုက်ဒဏ်ရာရသွားခြင်းဖြစ်သည်။ အလားတူ ယနေ့ မေလ ၇ ရက်နေ့ နံနက်ပိုင်းက မြောက်ဦးမြို့နယ် ထိပ်ဝပြင်ကျေးရွာက အသက် ၁၈ နှစ်အရွယ် မချယ်ရီသန်းနှင့်

မြန်မာနိုင်ငံတဝှမ်း အမျိုးသမီးသေဆုံးမှု ဆက်လက်မြင့်တက်လျက်ရှိပြီး ဧပြီလအတွင်း အမျိုးသမီး ၇၁ ဦး အသက် ဆုံးရှုံးခဲ့ရကြောင်းနှင့် ၅၀ ဦးမှာ ထိခိုက်ဒဏ်ရာရရှိခဲ့သည်ဟု မြန်မာ့အမျိုးသမီးမဂ္ဂ BWU ယနေ့ မတ်လ ၇ ရက်တွင် ထုတ်ပြန်ထားသည်။ အသက်ဆုံးရှုံးခဲ့ရသည့် အကြောင်းရင်းများမှာ စစ်ကောင်စီ၏ လေကြောင်းဖြင့် ဗုံးကြဲ တိုက်ခိုက်မှုကြောင့် ၅၉ ဦး၊ ပြည်သူများ၏ ရွာနှင့် နေအိမ်များအား ပစ်မှတ်ထား လက်နက်ကြီး ပစ်ခတ်မှုကြောင့် ၇ ဦးနှင့် စစ်ကောင်စီတပ်ဖွဲ့ဝင်များ၏ သတ်ဖြတ်မှုကြောင့် ၅ ဦး တို့ဖြစ်သည်။ အသက်ဆုံးရှံးခဲ့သည့် အမျိုးသမီး ၇၁ ဦးထဲမှ ၁၃ ဦးသည် အသက် ၁၈ နှစ်အောက်များ ဖြစ်ကြကြောင်းလည်း

အာဏာသိမ်း စစ်ကောင်စီ၏ လူမဆန်စွာလုပ်ရပ်အပေါ် လူမိုက်အားပေးလုပ်နေကြသည့် ပြည်ပနိုင်ငံများကို သတိကြီးကြီးထားကြရန် အမျိုးသားညီညွတ်ရေးအစိုးရ NUG ကာကွယ်ရေးဝန်ကြီး ဦးရည်မွန်က သတိပေးပြောသည်။ မြန်မာပြည်အပေါ် ဩဇာလွှမ်းရန်နှင့် ကိုယ်ကျိုးစီးပွားရှာနေသည့် ပြည်ပနိုင်ငံများအား သတိထားကြရန် ပြည်သူ့ကာကွယ်ရေးတပ်မတော် ၄ နှစ်ပြည့်မိန့်ခွန်းတွင် NUG ကာကွယ်ရေဝန်ကြီး ဦးရည်မွန်က မေလ ၅ ရက်နေ့တွင် ပြောကြားခဲ့သည်။ “အခုဆိုရင် မြန်မာ့အရေးဟာ ကမ္ဘာ့အခင်းအကျင်းနဲ့လည်း ဆက်စပ်လာတယ်။ မြန်မာပြည်သူတွေရဲ့ ဆန္ဒသဘောထားကို လျစ်လျူရှုပြီး မြန်မာပြည်အပေါ် သြဇာလွှမ်းမိုးဖို့၊ ကိုယ်ကျိုးစီးပွား အမြတ်ထုတ်ဖို့ ကြံရွယ်ချက်နဲ့ စစ်ကောင်စီရဲ့ လူမဆန်မှုတွေကို လူမိုက်အားပေးလုပ်နေတဲ့ ပြည်ပနိုင်ငံတချို့ ရှိလာတယ်ဆိုတာကိုလည်း သတိကြီးကြီးထားရတယ်” ဟု ကာကွယ်ရေးဝန်ကြီး ဦးရည်မွန်က ဆိုသည်။ ယင်းအပြင် စစ်ကောင်စီတပ်ထဲမှာ

ဂျမူးနှင့် ကတ်ရှ်မီးယားဒေသတို့တွင် ဖြစ်ပွားခဲ့သည့် အကြမ်းဖက်သတ်ဖြတ်မှုကနေ အစပျိုးခဲ့သည့် အိန္ဒိယနှင့် ပါကစ္စတန်တို့ကြား ပဋိပက္ခတင်းမာနေချိန် အိန္ဒိယနိုင်ငံက ပါကစ္စတန်နိုင်ငံကို လေကြောင်းကနေ ဒုံးကျည်များဖြင့် စတင်ပစ်ခတ်တိုက်ခိုက်ခဲ့သည်။ ပါကစ္စတန်အုပ်ချုပ်ထားသည့် ကက်ရ်ှမီးယားဘက်ခြမ်းမှ နေရာ ၉ ခုကို ယနေ့ မေ ၇ ရက် နံနက်ပိုင်းက တိုက်ခိုက်ခဲ့ကြောင်း အိန္ဒိယအစိုးရက တရားဝင်ထုတ်ပြောထားသည်။ “ဆင်ဒူးစစ်ဆင်ရေး” အမည်ဖြင့် ပါကစ္စတန်နိုင်ငံ ကတ်ရှ်မီးယားဒေသတွင် အကြမ်းဖက်သမားများ ရှိသော အဆောက်အဦးများကို ပစ်မှတ်ထား တိုက်ခိုက်ခဲ့ကြောင်း အိန္ဒိယက ပြောဆိုထားသည်။ နေရာ ၃ ခု တိုက်ခိုက်ခံခဲ့ရ၍ ကလေး၂ ဦး အပါအဝင် ၇ ဦးသေဆုံးခဲ့ကြောင်း ပါကစ္စတန်စစ်တပ်က ဆိုသည်။ အိန္ဒိယက ရန်လိုသော