ငလျင်ကြောင့် မြန်မာက နေရာ ၆ ခုကို စစ်ကောင်စီက အရေးပေါ်အခြေအနေဟု ကြေညာ

Myanmar's military chief Min Aung Hlaing (C) gestures as earthquake survivors gather in the compound of a hospital in Naypyidaw on March 28, 2025, after an earthquake in central Myanmar. A powerful earthquake rocked central Myanmar on March 28, buckling roads in capital Naypyidaw, damaging buildings and forcing people to flee into the streets in neighbouring Thailand. (Photo by Sai Aung MAIN / AFP) ပုံစာ- ငလျင်လှုပ်ခတ်ပြီးနောက် စစ်ကောင်စီခေါင်းဆောင် မင်းအောင်လှိုင်သည် နေပြည်တော် ကုတင် ၁၀၀၀ဆေးရုံကို သွားရောက်ခဲ့စဉ်။ ဓါတ်ပုံ- စစ်ကောင်စီ

အာဏာသိမ်း စစ်ကောင်စီက ယနေ့ မတ် ၂၈ ရက်နေ့တွင် လှုပ်ခတ်ခဲ့သော ငလျင်ကြောင့် တိုင်းနှင့် ပြည်နယ် နေရာ ၆ ခုကို အရေးပေါ်အခြေအနေဟု ထုတ်ပြန်ကြေညာထားသည်။

စစ်ကိုင်းတိုင်းဒေသ၊ မန္တလေးတိုင်းဒေသ၊ မကွေးတိုင်းဒေသ၊ ရှမ်းပြည်နယ် အရှေ့မြောက်ဒေသ၊ နေပြည်တော်ဒေသနှင့် ပဲခူးတိုင်းဒေသတို့ကို စစ်ကောင်စီက အရေးပေါ်အခြေအနေဟု ကြေညာခဲ့ခြင်းဖြစ်သည်။

မန္တလေး၊ စစ်ကိုင်း၊ နေပြည်တော်နှင့် ရှမ်းပြည်နယ် အရှေ့မြောက်ဒေသတို့တွင် ငလျင်ကြောင့် ထိခိုက်ပျက်စီးမှု၊ သေဆုံးမှု များပြားကြောင်း ဒေသခံပြည်သူများထံမှ သိရသည်။

ယနေ့ နေ့လယ် ၁၂ နာရီ ၅၁ မိနစ် နှစ်စက္ကန့်တွင် မန္တလေး၊ စစ်ကိုင်းတို့ကို ဗဟုပြုပြီး ၇.၇ အဆင့်ရှိသော ငလျင်လှုပ်ခတ်ခဲ့ကာ နောက်ဆက်တွဲ ငလျင်ငယ် ၃ ခုခန့် ထပ်မံ လှုပ်ခတ်ခဲ့ကြောင်း စစ်ကောင်စီက ထုတ်ပြန်သည်။

ငလျင်ကြောင့် ထိခိုက်ပျက်စီးမှုအခြေအနေများကို စာရင်းပြုစုပြီး ကူညီကယ်ဆယ်ရေးလုပ်ငန်းများနှင့် လူသားချင်းစာနာထောက်ပံ့ရေးလုပ်ငန်းများကို ကူညီဆောင်ရွက်ပေးနေသည်ဟုလည်း စစ်ကောင်စီက ပြောသည်။

ငလျင်မှာ ထိုင်းနိုင်ငံမှာလည်း လှုပ်ခတ်ခဲ့သည့်အတွက် ဘန်ကောက်မြို့မှာ ဆောက်လက်စ အဆောက်အဦးတစ်ခု ပြိုကျပျက်စီးခဲ့ပြီး ဘန်ကောက်မြို့ဧရိယာကို ထိုင်းအစိုးရက အရေးပေါ်အခြေအနေအဖြစ် ကြေညာထားသည်။