Western News

Generic selectors
Exact matches only
Search in title
Search in content
Post Type Selectors
Sky Villa Condo

ငလျင်ကြောင့် ပြိုကျပျက်စီးသွားသော မန္တလေးမြို့က Sky Villa Condo မှာ တောင်ဘက်ခြမ်းကို ရှာဖွေကယ်ဆယ်ရေး ရပ်နားလိုက်ပြီး မြောက်ဘက်ခြမ်းကို ရှာဖွေကယ်ဆယ်ရေး ဆက်လုပ်နေသည်ဟု ကယ်ဆယ်ရေးလုပ်နေသူများထံမှ သိရသည်။

Sky Villa ကွန်ဒိုတွင် အပျက်အစီးများအောက် ပိတ်မိနေသူများအားလုံး အသက်ရှင်လျက် မရှိတော့သည့်အတွက် ကယ်ဆယ်ရေးများ ရပ်နားရပြီဟု တရုတ်ကယ်ဆယ်ရေးအဖွဲ့တွင်ပါ ဝင်လာသည့် အဖွဲ့ဝင်တစ်ဦးက ပြောကြားကြောင်း ပြည်တွင်းမီဒီယာများတွင် သတင်းဖော်ပြထားသည်။

ကွန်ဒို၏ တောင်ဘက်ခြမ်းရှာဖွေမှုကိုသာ ရပ်နားခြင်းဖြစ်ပြီး မြောက်ဘက်ခြမ်းရှာဖွေမှုကို ဆက်လက်လုပ်ဆောင်နေသည်ဟု ယင်းနေရာတွင် ကယ်ဆယ်ရေးလုပ်ဆောင်နေသူများက ပြောကြားသည်။

လက်ရှိတွင် မန္တလေးမြို့အတွင်း ပျက်စီးမှုများပြားလွန်းသဖြင့် ကျွမ်းကျင်ကယ်ဆယ်ရေး ဝန်ထမ်းများကို ဖြန့်ကြက်ကာ ကယ်ဆယ်ရေးလုပ်ငန်းများကို လုပ်ဆောင်နေခြင်းဖြစ်ပြီး မန္တလေးတွင် ရုရှား၊ အိန္ဒိယ၊ တရုတ်အပါအဝင် နိုင်ငံတကာမှ ကယ်ဆယ်ရေးတပ်ဖွဲ့များလည်း ပါဝင်ကူညီလျက်ရှိသည်။

မန္တလေးတွင် ငလျင်ငယ်များလည်း နောက်ဆက်တွဲလှုပ်နေသေးသဖြင့် ကယ်ဆယ်ရေးလုပ်ဆောင်သူများမှာ အန္တရာယ်များစွာကြားမှ အရဲစွန့်ကာ ပြိုကျတိုက်များအောက်တွင် ပိတ်မိနေသူများကို ခက်ခက်ခဲခဲကယ်တင်နေရသည်ဟု သိရသည်။

Sky Villa အား မီးသတ်ဦးစီးဌာနနှင့် တရုတ်ရှာဖွေကယ်ဆယ်ရေးအဖွဲ့တို့ ပူးပေါင်း၍ ကူညီကယ်ဆယ်ရေးလုပ်ငန်းများ ဆောင်ရွက်ခဲ့ရာ အမျိုးသမီး ၂ ဦးကို အသက်ရှင်လျက် ကယ်ဆယ်နိုင်ခဲ့ပြီး သေဆုံးသူ အမျိုးသမီး၂ ဦး၏ ရုပ်အလောင်းကိုလည်း ရှာဖွေတွေ့ရှိခဲ့ကြောင်း မီးသတ်တပ်ဖွဲ့က ထုတ်ပြန်ထားသည်။

Leave a Reply

သင့် email လိပ်စာကို ဖော်ပြမည် မဟုတ်ပါ။ လိုအပ်သော ကွက်လပ်များကို * ဖြင့်မှတ်သားထားသည်

ဆက်စပ်သတင်းများ