ငလျင်ကြောင့် လူပေါင်းထောင်ချီ သေဆုံးခဲ့ရပြီး အဆောက်အဦး မြောက်များစွာ ပျက်စီးခဲ့ရသည့် မန္တလေးမြို့တွင် လက်ရှိအချိန်ထိ ပျောက်ဆုံးနေသူများနှင့် ပိတ်မိနေသူများကို ကယ်ထုတ်နေရဆဲ ဖြစ်သည်။
မန္တလေး Sky Villa ကွန်ဒို ပြိုကျမှုမှ ပိတ်မိသူများကို ရှာဖွေခြင်း ရှာဖွေကယ်ဆယ်နိုင်ရေး ဆက်လက်လုပ်ဆောင်နေပြီး သေဆုံးအလောင်းများကိုလည်း ဆွဲထုတ်ယူနေရကြောင်း ကယ်ဆယ်ရေး လုပ်ဆောင်နေသူများက ပြောသည်။
ကယ်ဆယ်ရေးဆောင်ရွက်နေသော အဖွဲ့တချို့ကမူ မန္တလေးတွင် အလောင်းများကို နေ့စဉ် ၂၀၀ နှင့် ၃၀၀ အကြား သယ်ထုတ်နေရပြီး သေဆုံးသူအရေအတွက်မှာ စာရင်းအတိအကျ ရရန် ခက်ခဲကြောင်း ပြောဆိုသည်။
ထို့အပြင် စစ်ကိုင်းတွင် ကယ်ဆယ်ရေးလုပ်ဆောင်နေသူတချို့ကလည်း စစ်ကိုင်းမြို့အတိုင်း အတာဖြင့် သေဆုံးသူ ၁၆၀ ကျော်ရှိပြီး အရေအတွက်မှာ ပိုမိုများပြားနိုင်ကြောင်း ဒေသခံများက ပြောဆိုကြသည်။
စစ်ကောင်စီက မတ်လ ၃၁ ရက်နေ့အထိ ငလျင်ကြောင့် သေဆုံးသူ ၁၇၀၀ ကျော်ရှိကြောင်း ထုတ်ပြန် ပြောဆိုထားသော်လည်း မြေပြင်အရေအတွက်က ပိုမိုများပြားနိုင်ကြောင်း ကယ်ဆယ်ရေးအဖွဲ့တချို့က ပြောဆိုသည်။
