ငလျင်ကြောင့် မန္တလေးတိုင်းဒေသကြီးတွင် စုစုပေါင်းလူဦးရေ ၄၀၃ ဦးအား အသက်ရှင်လျက် ကယ်ထုတ်နိုင်ခဲ့ပြီး သေဆုံးသူ ၂၅၉ ဦး၏ ရုပ်အလောင်းများကို ထုတ်ယူနိုင်ခဲ့ကြောင်း မြန်မာ နိုင်ငံ မီးသတ်ဌာနက ထုတ်ပြန်သည်။
မတ် ၃၁ ရက်နေ့တွင် အမျိုးသမီးတစ်ဦး အသက်ရှင်လျက် ကယ်ထုတ်နိုင်ခဲ့ပြီး သေဆုံးသူ အမျိုးသား ၁၆ ဦး အမျိုးသမီး ၁၁ဦး စုစုပေါင်း ၂၇ ဦး၏ ရုပ်အလောင်းများအား ထုတ်ယူနိုင်ခဲ့ကြောင်း ယနေ့တွင် သတင်းထုတ်ပြန်သည်။
မြန်မာနိုင်ငံ မီးသတ်တပ်ဖွဲ့မှ ရှာဖွေကယ်ဆယ်ရေး တပ်ဖွဲ့ဝင်များ၊ တရုတ်နိုင်ငံမှ ရှာဖွေကယ်ဆယ်ရေးတပ်ဖွဲ့ဝင်များ၊ ရုရှားနိုင်ငံမှ ရှာဖွေကယ်ဆယ်ရေးတပ်ဖွဲ့ဝင်များနှင့် အိန္ဒိယနိုင်ငံမှ ရှာဖွေကယ်ဆယ်ရေးတပ်ဖွဲ့ဝင်များ ပူးပေါင်း၍ ရှာဖွေကယ်ဆယ်ရေးလုပ်ငန်းများ ဆောင်ရွက်နေသည်။
