(မြန်မာရေတပ်၏ လုပ်ရပ်အပေါ် ကန့်ကွက်ကြောင်းနှင့် ဖမ်းဆီးထားသူများကို ပြန်လွှတ်ပေးရန် တောင်းဆို)

ထိုင်းငါးဖမ်းစက်လှေများကို မြန်မာစစ်သင်္ဘောက ပစ်ခတ်ဖမ်းဆီးကို ထိုင်းဝန်ကြီးချုပ် ပေထုန်တန်က ကန့်ကွက်ပြောဆိုပြီး ရှင်းလင်းချက်ပေးရန် စစ်ကောင်စီ ထိုင်းသံအမတ်ကို ဆင့်ခေါ်တောင်းဆိုထားကြောင်း သိရသည်။

နိုတင်ဘာလ ၃၀ ရက်က မြန်မာစစ်သင်္ဘောများက ထိုင်းငါးဖမ်းစက်လှေများကို ပစ်ခတ်ဖမ်းဆီးစဉ် ထိုင်းရေလုပ်သား ၁ ဦးသေဆုံးကာ ၂ ဦးမှာ ဒဏ်ရာရရှိသွားကြောင်းနှင့် ၃၁ ဦးမှာ ဖမ််းဆီးခံထားရသည်။

ဖမ်းဆီးသွားသော ထိုင်းရေလုပ်သား ၃၁ ဦးထဲတွင် ထိုင်းနိုင်ငံသား ၄ ဦးနှင့် မြန်မာနိုင်ငံသား ၂၇ ဦးပါပြီး ထိုင်းနိုင်ငံသားများကို အမြန်ဆုံးပြန်လွှတ်ပေးရန် စစ်ကောင်စီ သံအမတ်ကို ထိုင်းဝန်ကြီးချုပ်က တောင်းဆိုထားသည်။

မြန်မာစစ်သင်္ဘောများက မြန်မာ့ရေပိုင်နက်သို့ ဝင်ရောက်ကျူးကျော်ကာ ထိုင်းငါးဖက်စက်လှေများက ငါးဖမ်းနေသည်ဟုဆိုကာ ပစ်ခတ်ဖမ်းဆီးခြင်းဖြစ်သည်ဟု စစ်ကောင်စီဘက်က ပြောဆိုထားသော်လည်း ထိုင်းဝန်ကြီးချုပ်က လက်မခံပေ။

“ထိုင်းငါးဖမ်းလှေတွေက မြန်မာရေပိုင်နက်ထဲ ကျူးကျော်ဝင်ရောက်လာသလား” ဟု သတင်းထောက်များက မေးမြန်းရာမှာ ထိုင်းဝန်ကြီးချုပ်က ” မြန်မာရေပိုင်နက် ကျူးကျော်သည်ဟုဆိုသည်မှာ ခိုင်လုံမှုမရှိကြောင်း၊ မည်သည့်အခြေအနေတွင်ဖြစ်စေ အကြမ်းဖက်မှုကို မထောက်ခံပါဘူး” ဟု ဖြေကြားသည်။

ထိုင်းကာကွယ်ရေးဝန်ကြီး Phumtham Wechayachai က မြန်မာစစ်တပ်၏ အင်အား အသုံးပြုမှုကို ကန့်ကွက်သည့် စာတစ်စောင် ပေးပို့ခဲ့ပြီး ဖြစ်ပျက်ခဲ့သည်နှင့် ပတ်သက်၍ အသေးစိတ် ရှင်းလင်းပြောကြားခဲ့ကာ ဖမ်းဆီးထားသော ထိုင်းလှေနှင့် အမှုထမ်းများကို အမြန် ပြန်လွှတ်ပေးရန် တောင်းဆိုခဲ့သည်။

ထိုင်းနိုင်ငံခြားရေးဝန်ကြီး Maris Sangiampongsa ကလည်း မြန်မာစစ်ကောင်စီထံသို့ စိုးရိမ်ကြောင်း စာတစ်စောင် ပေးပို့လိုက်ပြီး ဖမ်းဆီးထားသော ထိုင်းနိုင်ငံသား ၄ ဦးကို အမြန်ဆုံး ပြန်လွှတ်ပေးရန် တောင်းဆိုထားကြောင်း သိရသည်။

Ref: ရိုက်တာ