ယမန်နေ့ ဒီဇင်ဘာလ ၇ ရက် စနေနေ့က ပြုလုပ်ခဲ့သည့် တောင်ကိုရီးယား သမ္မတ ယွန်းဆက်ယိုး ကို တရားစွဲရန် အဆိုပြုချက် မအောင်မြင်ခဲ့ကြောင်း သိရသည်။
သမ္မတ ပါတီဖြစ်သည့် ပြည်သူ့စွမ်းအားပါတီမှ လွှတ်တော်အမတ်များက ယင်းစွပ်စွဲချက်ကို ကန့်ကွက်မဲပေးခဲ့ကြသည်။
အတိုက်အခံပါတီ၏ တရားစွဲမှုအောင်မြင်ရန် သမ္မတပါတီဖြစ်သော ပြည်သူ့စွမ်းအားပါတီကနေ ထောက်ခံမဲ ၈ မဲ လိုအပ်ခဲ့ကြောင်း သိရသည်။
ပြည်သူ့စွမ်းအားပါတီ ခေါင်းဆောင်ဖြစ်သော ဟန်ဒေါင်ဟွန်းက သောကြာနေ့ ဒီဇင်ဘာ ၆ ရက်တွင် သမ္မတ ယွန်းကို ရာထူးက ရပ်ဆိုင်းရန် တောင်းဆိုခဲ့သည်။
ယင်းအပြင် သမ္မတယွန်း ဆက်လက်တည်ရှိမှုက အန္တရာယ်မြင့်မားသည့်အကြောင်း ပြောကြားခဲ့သည်။
သမ္မတ ယွန်းကမူ စနေနေ့ ဒီဇင်ဘာ ၇ ရက် နံနက်က ပြည်သူလူထုကို တောင်းပန်ခဲ့သည်။
“စိုးရိမ်ပူပန်မှုနဲ့ စိတ်မသက်မသာ ဖြစ်စေခဲ့တဲ့အတွက် လေးလေးနက်နက် တောင်းပန်ပါတယ်” ဟု ကင်မရာရှေ့မှာ ခေါင်းငုံ့ပြီး ပြည်သူလူထုကို မိန့်ခွန်းပြောကြားခဲ့သည်။
အဆိုပါ မိန့်ခွန်းက ဗုဒ္ဓဟူးနေ့ နံနက်ကနေ စနေနေ့အထိ သမ္မတယွန်း၏ ပထမဆုံး မိန့်ခွန်း ဖြစ်ကြောင်း သိရသည်။
ယခုကဲ့သို့ သမ္မတယွန်း၏ စစ်အုပ်ချုပ်ရေး ကြေညာမှုမှာ ၁၉၈၀ ခုနှစ် အာဏာရှင်များ၏ နာကျင်စရာ အမှတ်တရများကို ပြန်လည်ရောက်ရှိခဲ့ကြောင်း သိရသည်။
စစ်အုပ်ချုပ်ရေး ကြေညာမှုကြောင့် သမ္မတယွန်းမှာ တောင်ကိုရီးယား ပြည်သူများအကြား လူကြိုက်နည်းခဲ့ပြီး ၎င်း၏ ပါတီကလည်း ယွန်းကို သီးခြားဖြစ်သွားစေခဲ့ကြောင်း သိရသည်။
Ref: ဘန်ကောက်ပို့စ်
