နှစ်ပေါင်း ၂၄၀ မြောက်ဖြစ်သည့် ရခိုင့်ဘုရင့်နိုင်ငံတော် အချုပ်အခြာအာဏာ ကျဆုံးခြင်းနေ့ အထိမ်းအမှတ်အဖြစ် ဝမ်းနည်းအောက်မေ့ဖွယ်အခမ်းအနားကို ရခိုင်ပြည် ပုဏ္ဏားကျွန်းမြို့မှာ ၂၀၂၄ ခုနှစ် ဒီဇင်ဘာလ ၃၁ ရက်နေ့က ကျင်းပပြုလုပ်ခဲ့ကြသည်။
ပုဏ္ဏားကျွန်းလူငယ်များအစည်းအရုံး PYA က ကြီးမှူးကျင်းပပြုလုပ်ခြင်းဖြစ်ပြီး အဆိုပါ အခမ်းအနားကို ULA/AA အစိုးရအဖွဲ့ တာဝန်ရှိသူများ တက်ရောက်ခဲ့ကြောင်း သိရသည်။
ရခိုင်တိုင်းရင်းသား၊ ရခိုင်လူငယ်တိုင်းသည် ဒီဇင်ဘာလ ၃၁ ရခိုင့်အချုပ်အခြာအာဏာ ကျဆုံးသည့်နေ့ဆိုသည်ကို မမေ့စေရန်နှင့် သမိုင်းအမှန်အား သိရှိစေရန် ပြုလုပ်ခြင်းဖြစ်သည်ဟု PYA က ပြောဆိုထားသည်။
