ယနေ့ ဇန်နဝါရီလ ၁၃ ရက်နေ့တွင် ထိုင်းနိုင်ငံမှာ လိင်တူချစ်သူ LGBTQ+ စုံတွဲများ တရားဝင်လက်ထပ်ခွင့် ရရှိကြပြီဟု ထိုင်းမီဒီယာများက ဖော်ပြကြသည်။
ကန့်သတ်ခံထားရသည့် လိင်တူလက်ထပ်ခွင့်ကို ထိုင်းနိုင်ငံမှာ လိင်တူလက်ထပ်ခွင့်ဆိုင်ရာ ဥပဒေအရ တရားဝင်ခွင့်ပြုလိုက်ပြီး ဘန်ကောက်မြို့တွင် LGBTQ+ စုံတွဲများ ရာနှင့်ချီ စောင့်ဆိုင်းနေကြသည်ဟု သိရသည်။
သရုပ်ဆောင် စုံတွဲဖြစ်သည့် Porshe Apiwat Apiwatseri နှင့် Am Sappanyu Panathakul တို့သည် ယနေ့ နံနက် ၈ နာရီမှာ Phra Nakhon ခရိုင်ရုံးတွင် တရားဝင်လက်ထပ်ထိမ်းမြားခွင့် တင်လိုက်ပြီး ထိုင်းနိုင်ငံ၏ LGBTQ+ လက်ထပ်ကြသည့် ပထမဆုံးသော စုံတွဲဖြစ်ကြသည်။
ဘန်ကောက်မြို့က ခရိုင်ရုံးပေါင်း ၅၀ ကို ဖွင့်လှစ်ထားပြီး လိင်တူချစ်သူများအတွက် နံနက် ၈ နာရီမှ ညနေ ၄ နာရီအထိ ဝန်ဆောင်မှုပေးနေကြောင်းလည်း ထိုင်းဌာနဆိုင်ရာများက ပြောဆိုထားကြသည်။
အချို့သော ခရိုင်ရုံးများတွင်လည်း လိင်တူချစ် LGBTQ+ များအတွက် အလှပြင်ဆင်ထားခြင်းများနှင့် သမိုင်းဝင်အခါသမယတွင် တန်းတူညီမျှမှုရရှိထားသော ချစ်ခြင်းမေတ္တာအားလုံးကို ဂုဏ်ပြုဝမ်းမြောက်ကြောင်း ထုတ်ဖော်ပြောကြားထားကြသည်။
ထိုင်းနိုင်ငံသည် အရှေ့တောင်အာရှ နိုင်ငံများထဲတွင် လိင်တူချစ်သူများကို လက်ခံလိုလားပြသော ရှားရှားပါးပါး နိုင်ငံတစ်ခုဖြစ်လာကြောင်း သိရသည်။
