ချင်းပြည်နယ် မတူပီမြို့က စစ်ကောင်စီတပ်ရင်း၊ တပ်စခန်းများနှင့် ဗျူဟာကုန်းများကို ချင်းညီနောင်တပ်ဖွဲ့နှင့် မဟာမိတ်တပ်ဖွဲ့များက အလုံးတိုက်ခိုက်သိမ်းပိုက်နိုင်ပြီဟု ယမန်နေ့ ဇွန်လ ၂၉ ရက်တွင် ချင်းညီနောင်မဟာမိတ်တပ်ဖွဲ့က ထုတ်ပြန်ထားသည်။ ချင်းပြည်အတွင်း စစ်ကောင်စီကင်းစင်ရေး ချင်းညီနောင်တပ်ဖွဲ့က AA ပါဝင်သော မဟာမိတ်တပ်ဖွဲ့များဖြင့် CB စစ်ဆင်ရေးကို ၂၀၂၄ ခုနှစ် အစောပိုင်းက စတင်ခဲ့ကြသည်။ လက်ရှိတွင် မတူပီမြို့က စစ်ကောင်စီတပ်ရင်းများအားလုံးကို တိုက်ခိုက်နိုင်ခဲ့ပြီး ချင်းညီနောင်တပ်ဖွဲ့များ၊ မဟာမိတ်ဖြစ်သော AA ၊ ယောတပ် YA နှင့် ယောကာကွယ်ရေးတပ် YDF တို့က ပူးပေါင်းတိုက်ခိုက်သိမ်းပိုက်ခဲ့ခြင်းဖြစ်သည်။ ဇွန်လ ၁၇ ရက်က မတူပီမြို့ရှိ စစ်ကောင်စီ ခမရ ၃၀၄ တပ်ရင်းကို သိမ်းပိုက်ခဲ့ပြီး

(မတူပီတိုက်ပွဲမှာ CNA နှင့် AA တိုက်ပွဲ အသွင်ဆောင်လာဟု စွပ်စွဲ) ချင်းပြည်တောင်ပိုင်း မတူပီမြို့တိုက်ပွဲအတွင်း CNA ဦးဆောင်သော ချင်းလဲန်းကောင်စီတပ်ကို ဇွန်လ ၂၄ ရက်နေ့ကစ၍ မောင်းထုတ်နိုင်ခဲ့ပြီဟု ချင်းညီနောင်အဖွဲ့က ထုတ်ပြန်သော်လည်း ချင်းလဲန်းကောင်စီတပ် ဆုတ်ခွာခြင်းမရှိဟု CNA ပြောခွင့်ရ ဆလိုင်းထက်နီက ပြောဆိုထားသည်။ မတူပီမြို့သိမ်းတိုက်ပွဲကို ချင်းလဲန်းကောင်စီတပ်အနေဖြင့် ဆုတ်ခွာခြင်းမရှိဘဲ စစ်ဆင်ရေး ဆက်လက်ဖော်ဆောင်နေသည်ဟု CNA ပြောခွင့်ရ ဆလိုင်းထက်နီက ပြောကြောင်း ချင်းသတင်းဌာန ခိုနူမ်းသုန်သတင်းအရ သိရသည်။ ” “ငါတို့တပ်တွေ မတူပီကနေ မဆုတ်ခွာပါဘူး။ စစ်ဆင်ရေးကို ဆက်လက်ဖော်ဆောင်နေပါတယ် ” ဟု ပြောသည်။ ချင်းလဲန်းကောင်စီတပ်ဖွဲ့များနှင့် ချင်းညီနောင်ပူးပေါင်းတပ်တို့ကြား စစ်ရေးတင်းမာမှုမှာ ဇွန်လ ၁၈