ချင်းပြည် ဖလမ်းမြို့နယ် လုမ်သဲကျေးရွာက ပြည်သူ့ဆေးရုံကို ရည်ရွယ်ချက်ရှိရှိ ဗုံးကြဲတိုက်ခိုက်ခဲ့သည့် စစ်ကောင်စီ လုပ်ရပ်အပေါ် ကန့်ကွတ်ရှုတ်ချကြောင်း အမျိုးသားညီညွတ်ရေးအစိုးရ NUG က ပြောသည်။ ဆေးရုံဆေးခန်းများနှင့် ကျန်းမာရေးကဏ္ဍအပေါ် တမင်ပစ်မှတ်ထား၍ တိုက်ခိုက်မှုများသည် ဂျီနီဗာကွန်ဗန်းရှင်း၊ ကုလသမဂ္ဂလုံခြုံရေးကောင်စီ ဆုံးဖြတ်ချက်များနှင့် လူ့အခွင့်အရေးဆိုင်ရာ နိုင်ငံတကာ ဥပဒေများကို ပြောင်ပြောင်တင်းတင်း ချိုးဖောက်နေခြင်းဖြစ်သည်ဟု NUG က ယမန်နေ့ နိုဝင်ဘာလ ၂၈ ရက်တွင် ထုတ်ပြန်ထားသည်။ စစ်ကောင်စီ ဗုံးကြဲတိုက်ခိုက်မှုကြောင့် ဖလမ်းမြို့နယ် လုမ်သဲကျေးရွာက ကျန်းမာရေးဝန်ထမ်း ၂ ဦးအပါအဝင် ပြည်သူ ၇ ဦးသေဆုံးသွားပြီး ၄ ဦးမှာ ဒဏ်ရာပြင်းထန်စွာ ရရှိခဲ့ကြသည်။ ယင်းအပြင် ဗုံးသီးများကြောင့် ဆေးရုံအဆောက်အုံနှင့် ကျေးရွာအတွင်း‌

ရခိုင်ပြည် စစ်တွေမြို့ ဆတ်ရိုးကျချောင်းတစ်ဘက်ကမ်းရှိ ကယ်ဆယ်ရေးရပ်ကွက် အောင်ထွန်းသိန်းရွာက ဒေသခံပြည်သူများကို စစ်ကောင်စီ လက်ပါးစေ ရပ်ကျေးအုပ်ချုပ်ရေးအဖွဲ့ဝင်များနှင့် ရဲတပ်ဖွဲ့၊ စစ်သားများက နှင်ထုတ်နေကြောင်း မြို့ခံများက ပြောသည်။ အကြောင်းပြချက်တစ်စုံတစ်ရာမရှိဘဲ နိုဝင်ဘာလ ၂၄ ရက်နေ့ကတည်းက နှင်ထုတ်နေကြောင်း အသက် ၅၀ အရွယ် မြို့ခံတစ်ဦးက ပြောသည်။ “ကယ်ဆယ်ရေးရပ်ကွက် အကွက် ၁ ဘေးက အောင်ထွန်းသိန်းရွာဆိုတာရှိတယ်။ ကြယ်နီစက်ပစ္စည်းအရောင်းဆိုင်နောက်က အိမ်တန်းတွေပေါ့။ တရွာလုံးနီးပါးကို နှင်ထုတ်နေတာ။ တရွာလုံးဆိုတော့ အရေအတွက်က များတာပေါ့။ ဘာအကြောင်းပြချက်မှ မရှိဘဲ နှင်ထုတ်နေတယ်လို့ သိရတယ်။ ပြည်သူတွေမှာက ဘာတတ်နိုင်မှာလဲ။ သေနတ်တွေ၊ အာဏာတွေ လာပြောရင် သွားရတာပဲ” ဟု ပြောသည်။ နှင်ထုတ်ခံရသည့် အောင်ထွန်းသိန်းရွာသားများမှာ

ကရင်နီပြည် (ကယား) လွိုင်ကော်မြို့အနီးကို လာသော စစ်ကောင်စီ စစ်ကြောင်းကို ကရင်နီတော်လှန်ရေးတပ်များက တိုက်ခိုက်၍ စစ်ကောင်စီတပ်သား ၄၀ ကျော်သေဆုံးကာ ၆ ဦးအရှင်ဖမ်းမိကြောင်း စစ်ရေးသတင်းရင်းမြစ်က ပြောသည်။ နိုဝင်ဘာလ ၂၅ ရက်နေ့က မိုးဗြဲမြို့မှတစ်ဆင့် လွိုင်ကော်မြို့သို့ အင်အား ၈၀ ကျော်ဖြင့် ချီတက်လာသော စစ်ကောင်စီ စစ်ကြောင်းကို တိုက်ခိုက်ခဲ့ပြီး လက်နက် ၂၂ လက်လည်း သိမ်းဆည်းရမိခဲ့ကြောင်း KA စစ်ရေးချုပ် ဗိုလ်မှူးကြီးဖုန်းနိုင်နှင့် ကရင်နီစစ်ရေး သတင်းရင်းမြစ်က ဆိုသည်။ “မိုးဗြဲမြို့၊ ကုန်းသာရွာတိုက်ပွဲမှာ ၅ ယောက်အရှင်မိတယ်၊ လက်နက် ၂၂ လက်ရပါတယ်။ ကျနော်တို့ သိမ်းဆည်းရရှိတာလောက်ပဲ သိရသေးတယ်။ တိုက်ပွဲက ၂၅ ၊