ရှမ်းပြည် မြောက်ပိုင်းဒေသ လားရှိုးမြို့ လေဆိပ်အနီးက အရှေ့မြောက်တိုင်းစစ်ဌာနချုပ် စစ်စခန်းကို ကိုးကန့်တပ် MNDAA နှင့် မဟာမိတ်ပူးပေါင်းတပ်က ဇူလိုင်လ ၃၀ ရက်တွင် အပြီးသတ်သိမ်းပိုက်ခဲ့ကြောင်း သိရသည်။ လားရှိုးလေဆိပ်၊ အနီးက စစ်စခန်းအပြင် ဇူလိုင်လ ၃၁ ရက်နေ့က လေဆိပ်အကျော် စစ်ကောင်စီ တပ်စွဲထားသော မြို့နယ်အားကစားကွင်းတို့ကိုလည်း ကိုးကန့်တပ်က သိမ်းပိုက်ခဲ့သည်။ ယင်း စစ်စခန်းများကို သိမ်းပိုက်ပြီးနောက် တစ်ပြိုင်တည်း အရှေ့မြောက်တိုင်းစစ်ဌာနချုပ် (ရမခ) ဧည့်ရိပ်သာကိုလည်း MNDAA နှင့် မဟာမိတ်တပ်တို့က ထိုးဖောက်ဝင်ရောက် တိုက်ခိုက်နေသည်။ စစ်ရေးသတင်းရင်းမြစ်က ” မြောက်ပိုင်းတပ်တွေက ၀ိုင်းပိတ်ဆို့ထားလို့ အထဲက စစ်သားရော ပြည်သူ့စစ်တွေရော လက်နက်တွေ ဝှက်ပြီး အရပ်ဝတ်တွေလဲပြီး ရသလို

ရှမ်းပြည်နယ် တောင်ပိုင်းဒေသတည်ငြိမ်ရေးနှင့် ပြည်သူလူထုကို ကာကွယ်သွားမည်ဟု သျှမ်းတပ် RCSS/SSA က ထုတ်ပြန်ကြေညာလိုက်သည်။ ဇူလိုင်လ ၂၆ ရက်မှ ၂၈ ရက်နေ့အထိ RCSS မှ ကျင်းပခဲ့သော ၆ လပတ်အစည်းအဝေးတွင် ကြေညာချက်ထုတ်ပြန်ခဲ့ခြင်းဖြစ်သည်။ ရှမ်းပြည်တောင်းပိုင်းကို ကာကွယ်သွားမည်ဖြစ်သလို ဖက်ဒရယ်ပြည်ထောင်စု တည်ဆောက်ရေးအတွက်လည်း သက်ဆိုင်ရာအဖွဲ့အစည်းများဖြင့် ဖြေရှင်းဆောင်ရွက်သွားမည်ဟု ပြောဆိုထားသည်။ ရှမ်းပြည်မြောက်ပိုင်းတွင် တိုက်ပွဲများကြောင့် ဒေသခံပြည်သူများ အိုးအိမ်စွန့်ခွာရခြင်း၊ အသက်သေဆုံးရခြင်းနှင့် ကလေးငယ်များ၊ အမျိုးသမီးများ၊ သက်ကြီးရွယ်များ အခက်အခဲဖြစ်နေကြသည်ကို RCSS/SSA က များစွာ စိတ်မကောင်းဖြစ်ရသည်ဟု ဆိုသည်။ အာဏာသိမ်း မြန်မာစစ်တပ်ကြောင့် ၃ နှစ်ကျော်ကာလအတွင်းမှာ တိုင်းပြည်အနှံ့ စီးပွားရေးကျဆင်းခြင်း၊ လူ့အခွင့်အရေးချိုးဖောက်ခံနေရခြင်းနှင့် တရားဥပဒေစိုးမိုးမှု အားနည်းလာကြောင်း ပြောသည်။

အာဏာသိမ်း စစ်ကောင်စီက လားရှိုးမြို့က တိုင်းစစ်ဌာနချုပ်နှင့် မြို့မကျသေးဟု ပြောနေသော်လည်း ကိုးကန့်တပ် MNDAA က လားရှိုးမြို့ လုံးဝ လွတ်မြောက်ပြီဖြစ်ကြောင်း ယမန်နေ့ ဇူလိုင်လ ၂၅ ရက်တွင် ထုတ်ပြန်ထားသည်။ ယင်းအပြင် MNDAA က လားရှိုးမြို့အတွက် အုပ်ချုပ်ရေးအသီးသီးကို ဖွဲ့စည်းထားပြီး လုံခြုံရေးနှင့် ကာကွယ်ရေး လုပ်ငန်းများ ဆောင်ရွက်နေချိန် ဒေသခံအရပ်သားပြည်သူလူထုများအား ဝန်ထုပ်ဝန်ပိုး၊ နေထိုင်ရေးအနှောက်အယှက်များ မဖြစ်စေရန် အထူးအလေးထားဆောင်ရွက်ရမည်ဟု ၎င်းတို့တပ်ဖွဲ့ဝင်များနှင့် အုပ်ချုပ်ရေးအဖွဲ့သီးသီးကို ညွှန်ကြား ထုတ်ပြန်ထားသည်။

ရန်ကုန်-မော်လမြိုင် အဝေးပြေးလမ်း သထုံမြို့နယ် ကရင်လေဆိပ်တံတား မိုင်းခွဲခံရ၍ ပြိုကျပျက်စီးသွားကြောင်း သိရသည်။ ကရင်လေးတံတား ပျက်စီးသွား၍ ခရီးသွားကားများနှင့် ကုန်တင်ကားများ သွားလာ၍မရဘဲ ရာနှင့်ချီ လမ်းပိတ်ဆို့နေကြောင်း ဒေသခံပြည်သူများက ပြောသည်။ ယမန်နေ့ ဇူလိုင်လ ၁၆ ည ၁၀ နာရီခွဲတွင် မိုင်းခွဲခံရ၍ တံတား ပျက်စီးသွားပြီး မည်သူက မိုင်းခွဲဖျက်ဆီးခဲ့သည်ကို အတိအကျ မသိရသေးပေ။ ခရီးသွားပြည်သူတစ်ဦးက ” အခုကားတွေ ပိတ်မိနေတာတော့ အစီး ၁၀၀ လောက်ရှိတယ်။ အဲဒီဘက်က ရှောင်ကွင်းသွားလို့ရတဲ့ လမ်းကြောတော့ မတွေ့သေးဘူး။ နောက်ပြန် လှည့်ရမလား၊ ယာယီတံတား လာထိုးပေးတာ စောင့်ရမလားတော့ မသိသေးဘူး” ဟု ပြောသည်။ ကရင်လေးတံတားသည် မကြာခဏ

ရှမ်းမြောက်ဒေသ လားရှိုးမြို့နယ်က စစ်ကောင်စီ၏ အမှတ် ၁၁ စစ်ပညာအခြေခံလေ့ကျင့်ရေးတပ်ကို ကိုးကန့်တပ် MNDAA က တိုက်ခိုက် သိမ်းပိုက်လိုက်ပြီး စစ်သုံ့ပန်းများနှင့် တပ်မိသားစုဝင်များကို ဖမ်းဆီးရမိကြောင်း ကိုးကန့်သတင်းက ထုတ်ပြန်ထားသည်။ ဇူလိုင်လ ၁၂ ရက်နေ့က အမှတ် ၁၁ လေ့ကျင့်ရေးတပ်ကို MNDAA က သိမ်းပိုက်ခဲ့ပြီး တပ်မိသားစုဝင်များမှာ အမျိုးသမီးများ၊ ကလေးငယ်များ၊ သက်ကြီးရွယ်အိုများနှင့် ရဲမေများ ပါဝင်ကြောင်း သိရသည်။ ပြည်သူတစ်ဦးက ” စခတ ၁၁ ကို MNDAA က သိမ်းပြီးတော့ စစ်သုံ့ပန်းတွေကို ခေါ်ဆောင်သွားပါတယ်။ ရဲမေတွေ စစ်သမီးတွေကိုတော့ ပြန်လွှတ်ပေးတယ်။ တပ်မိသားစုဝင်တွေ အမျိုးသမီး၊ ကလေး၊ သက်ကြီးရွယ်အိုတွေ အကုန်လုံးကိုတော့

စစ်ရေးပြင်းထန်နေသော ရခိုင်ပြည် သံတွဲမြို့နယ်မှာ စစ်ကောင်စီပစ်ခတ်သော လက်နက်ကြီး ကျောက်ဆိပ်ကျေးရွာက လူနေအိမ်ကို ကျရောက်ပေါက်ကွဲခဲ့၍ အရပ်သား ၁ ဦးသေဆုံးပြီး ၃ ဦး ဒဏ်ရာပြင်းထန်ကြောင်း သိရသည်။ ယမန်နေ့ ဇူလိုင်လ ၁၀ ရက် ညက တိုက်ပွဲမရှိဘဲ စစ်ကောင်စီတပ်ရင်းများမှ ယမ်းသန်းပစ်ခတ်သော လက်နက်ကြီး ကျောက်ဆိပ်ကျေးရွာ လူနေအိမ်ပေါ်သို့ ကျရောက်ပေါက်ကွဲခဲ့ခြင်းဖြစ်သည်။ အမည်မဖော်လိုသူ ဒေသခံတစ်ဦးက ” ရွာအနီး ဘာတိုက်ပွဲမှ မရှိဘူး။ စစ်ကောင်စီက နေ့စဉ် အချိန်ပြည့် လေယာဉ်နဲ့ လာဗုံးကြဲလိုက်၊ လက်နက်ကြီးနဲ့ ကျေးရွာတွေဆီ လှမ်းပစ်ခတ်လိုက် လုပ်နေတာ။ မနေ့ညက စစ်ကောင်စီတပ်ရင်းက ပစ်ခတ်တဲ့ လက်နက်ကြီး တစ်လုံးဟာ ကျောက်ဆိပ်ရွာက အိမ်တစ်အိမ်ကို တည့်တည့်ကျတာ။

ချင်းညီနောင်တပ်ဖွဲ့နှင့် မဟာမိတ်များ သိမ်းပိုက်ထားသော မတူပီမြို့နယ်က ချင်းအမျိုးသားတပ်မတော် CNA အနေဖြင့် တပ်ပြန်ဆုတ်ပေးရန် ကမ္ဘာလုံးဆိုင်ရာ မတူမျိုးနွယ်စုများက တောင်းဆိုလိုက်သည်။ ချင်းညီနောင်တပ်ဖွဲ့နှင့် CNA တို့ မတူပီမြို့နယ်အတွင်း စစ်ရေးတင်းမာနေရခြင်းမှာ ချင်းညီနောင်တပ်ဖွဲ့၏ မဟာမိတ်တပ်များကို CNA မှ နောက်ကွယ်က စတင်ပစ်ခတ်၍ ဖြစ်ပွားရခြင်းဖြစ်ကြောင်း သိရသည်။ CNA ဦးဆောင်သော တပ်ဖွဲ့များအနေဖြင့် လက်ရှိပဋိပက္ခအား ပြီးဆုံးစေရန်ဆန္ဒရှိပါက တပ်ဖွဲ့ဝင်များ ပစ်ခတ်နေခြင်းကို ချက်ချင်းရပ်တန့်ရန် လိုအပ်သည်ဟု ကမ္ဘာလုံးဆိုင်ရာ မတူမျိုးနွယ်စုများက ယမန်နေ့ ဇူလိုင်လ ၁၀ ရက်တွင် ထုတ်ပြန်တောင်းဆိုခဲ့သည်။ မတူပီမြို့ကို ချင်းညီနောင်တပ်ဖွဲ့နှင့် မဟာမိတ်များက သိမ်းထားခြင်းဖြစ်ပြီး CNA အနေဖြင့် မိမိတပ်ရင်းများသို့ ပြန်လည်ဆုတ်ခွာရန် လိုအပ်သလို CNA