ရက်ပေါင်း ၂၀ ကျော် ဆက်တိုက်ရွာသွန်းနေသော မိုးကြောင့် လေးမြို့မြစ်ရေတက်ပြီး မြောက်ဦးမြို့နယ်တခွင်မှာ ရေကြီးရေလျှံဖြစ်ပေါ်နေကြောင်း ဒေသခံများထံမှ သိရသည်။ လေးမြို့မြစ်ရေ စိုးရိမ်ရေမှတ်ထက် ကျော်လွန်ပြီး လေးမြို့မြစ်ကမ်းရှိ ကျေးရွာပေါင်း ၆၀ ကျော် ရေဘေးကြုံတွေ့နေရသည်ဟု ပန်းမြောင်းဒေသခံတစ်ဦးက ပြောသည်။ ” မနေ့ညက တစ်ရက်တည်းမှာ ရေက ကြီးသွားတာ။ မိုးက ရွာနေတာ ရက် ၂၀ ကျော်ပြီ။ လုံးဝ မတန့်သေးဘူး။ အခုလည်း မိုးက အရမ်းသည်းနေတယ်။ ပန်းမြောင်း ဈေးပိုင်းမှာ ကမ်းပြိုလို့ နေအိမ် ၃၀ လောက် ပါသွားတယ်။ လူတွေတော့ အထိအခိုက်မရှိဘူး။ အိမ်တွေက အားလုံး ပါသွားပြီ။ ” ဟု ပြောသည်။

ရခိုင်ပြည် သံတွဲမြို့နယ်၊ တောင်ကုတ်မြို့နယ်နှင့် ဂွမြို့နယ်တို့ဘက်မှာ ယမန်နေ့ နံနက်ပိုင်းက စ၍ ရေကြီးနေပြီး ယနေ့အချိန်အထိ ရေကျခြင်းမရှိဘဲ ယမန်နေ့ထက် ရေပိုလွှမ်းနေကြောင်း စုံစမ်းသိရသည်။ တောင်ကုတ် ဒေသခံတစ်ဦးက ” တောင်ကုတ်မြို့ထဲ ရေဝင်ရောက်သွားပါပြီ။ နေအိမ်တွေ အများကြီး မြှုပ်နေပါတယ်။ တောင်ကုတ် လမု ဘက်မှာဆိုရင်လည်း ရွာတွေ၊ နေအိမ်တွေ အားလုံးနစ်မြှုပ်နေပါတယ်။ လူတွေကတော့ အဆောက်အဦးအမြင့်တွေ၊ တောင်ကုန်းတွေကို သွားရှောင်နေကြရပါတယ်။ ” ဟု ပြောသည်။ သံတွဲမြို့မှာ မြို့ပေါ်ရပ်ကွက်အားလုံးနီးပါးကို ရေလွှမ်းမိုးသွားပြီး စစ်ရှောင်များနှင့် ဒေသခံပြည်သူများမှာ အခက်အခဲဖြစ်နေကြသည်ဟု သိရသည်။ ” မိုးက ဆက်တိုက်ရွာနေတာ။ ဒီရေကျချိန် နာရီပိုင်းလောက်ပဲ ရေက ကျခဲ့တယ်။ ဒါပေမယ့် ပြန်တက်လာတဲ့အချိန်မှာ

ရခိုင်ပြည် သံတွဲမြို့ အံတော်မှာ ရေကြီးနေပြီး နေအိမ်များ ရေလွှမ်းမိုးသွားပြီဟု ဒေသခံများထံမှ သိရသည်။ သံတွဲမြို့သည် စစ်ကောင်စီနှင့် AA တို့ နှစ်ဖက်တိုက်ပွဲ ပြင်းထန်နေသော မြို့ဖြစ်ပြီး လက်ရှိတွင် မိုးသည်းထန်စွာရွာသွန်းကာ ချောင်းရေမြင့်တက်လာ၍ ရေကြီးနေခြင်းဖြစ်ကြောင်း သိရသည်။ တောင်ကုတ်မြို့ဘက်ဝင်ပေါက် သံတွဲမြို့သစ်ဘက်ခြမ်းရှိ အံတော်ရွာ၊ တောင်ကုတ်ကားဂိတ်သို့ ချောင်းရေဝင်ရောက်ပြီး နေအိမ်များ ရေနစ်မြှုပ်နေကြောင်း ဒေသခံများက ပြောသည်။ ပြီးခဲ့သည့် ရက်ပိုင်းကစ၍ မိုးသည်းထန်စွာရွာသွန်းမှုနှင့်အတူ ချောင်းရေမြင့်တက်လာပြီး ယနေ့ ဇူလိုင်လ ၂၅ ရက်တွင် စတင်နစ်မြှုပ်နေခြင်းဖြစ်သည်။ သံတွဲက ဒေသခံပြည်သူများမှာ စစ်ရေးနှင့်အတူ ရေကြီးမှုဒဏ်ကိုပါ တပြိုင်တည်းခံစားနေရကြောင်း သိရသည်။