Western News| မတ် ၂၂ ကရင်နီတော်လှန်ရေး ပူးပေါင်းတပ်ဖွဲ့များ ထိုးစစ်ဆင် တိုက်ခိုက်နေသော ဘောလခဲမြို့သိမ်းတိုက်ပွဲ အတွင်း စစ်ကောင်စီဖက်က ဗိုလ်မှူး မျိုးမင်းသူအပါအဝင် တပ်သား အများအပြား သေဆုံးသွားကြောင်း သိရသည်။ ကရင်နီပြည်နယ် ဘောလခဲမြို့ကို အပြီးသတ်သိမ်းပိုက်နိုင်ရန် ကရင်နီတော်လှန်ရေးတပ်ဖွဲ့များသည် မတ်လ ၁၉ ရက်နေ့က စ၍ စစ်ကြောင်း ၃ ခုဖြင့် ထိုးစစ်ဆင် တိုက်ခိုက်နေခြင်းဖြစ်ကြောင်း KA စစ်ရေးချုပ် ဗိုလ်မှူးကြီး ဘုန်းနိုင်က ပြောသည်။ ဘောလခဲမြို့သိမ်းတိုက်ပွဲမှာ နှစ်ဖက် အပြန်အလှန် ပြင်းပြင်းထန်ထန် တိုက်ခိုက်မှုကြောင့် တိုက်ပွဲမှာ ပြင်းထန်နေပြီး စစ်ကောင်စီဖက်မှ ဗိုလ်မှူး မျိုးမင်းသူ အပါအဝင် စစ်သားအများအပြား သေဆုံးကာ၊ စစ်သုံ့ပန်းများ၊ လက်နက်ခဲယမ်းများအား