စစ်အုပ်ချုပ်ရေးအမိန့်မှာ သမ္မတနှင့်အတူ ပါဝင်ခဲ့သည့် တောင်ကိုရီးယား ကာကွယ်ရေးဝန်ကြီးဟောင်း မိမိကိုယ်ကို သတ်သေရန် ကြံစည်ကြိုးပမ်းခဲ့ကြောင်း သိရသည်။ ကာကွယ်ရေးဝန်ကြီးဟောင်း Kim Yong-hyun သည် ဆူပူသောင်းကျန်းမှု စွဲချက်ဖြင့် ထိန်းသိမ်းရေးစခန်းတွင် ထိန်းသိမ်းခံထားရစဉ် သူ့အသက်ကို သတ်ရန် ကြိုးပမ်းခဲ့သော်လည်း လက်ရှိအခြေအနေမှာ တည်ငြိမ်နေကြောင်း တရားရေးဝန်ကြီးဌာနက ဒီဇင်ဘာ ၁၀ ရက်နေ့တွင် ပြောကြားထားသည်။ Kim သည် ဆိုးလ်အရှေ့ပိုင်းရှိ Dongbu ထိန်းသိမ်းရေးစင်တာရှိ ရေချိုးခန်းအတွင်း အတွင်းခံအဝတ်အစားများ ချည်နှောင်ထားသည့် ကြိုးဖြင့် မိမိကိုယ်ကို ကြိုးဆွဲချရန် ကြိုးစားနေသည်ကို တွေ့ရှိခဲ့ရသည်။ “ဆေးဘက်ဆိုင်ရာအဖွဲ့ရဲ့ ကုသမှုက သူဟာ ပုံမှန်မဟုတ်တဲ့ အခြေအနေမှာ တည်ငြိမ်နေတယ်ဆိုတာကို ပြသခဲ့ပြီး လက်ရှိမှာတော့ ပုံမှန်အခြေအနေအောက်မှာပဲ ထိန်းသိမ်းထားပါတယ်။”