အာရက္ခတပ်တော် AA ထိန်းချုပ်ထားသော ရခိုင်ပြည်၊ ဂွမြို့နယ် ကျိန္တလီမြို့ ကန့်ကော်တောင်ကျေးရွာကို ဖေဖော်ဝါရီလ ၄ ရက်က စစ်ကောင်စီ လေကြောင်းဗုံးကြဲတိုက်ခိုက်မှုကြောင့် အဆောက်အအုံများ ပျက်စီးသွားကြောင်း သိရသည်။ တိုက်ပွဲဖြစ်ပွားခြင်းမရှိဘဲ စစ်ကောင်စီက လေကြောင်းတိုက်ခိုက်မှု ပြုလုပ်ခဲ့ခြင်းဖြစ်ပြီး ယင်းတိုက်ခိုက်မှုကြောင့် လူထိခိုက်ခြင်းမရှိဘဲ အဆောက်အအုံများ ပျက်စီးသွားကြောင်း ဂွမြို့နယ် ဒေသခံတစ်ဦးက Western News ကို ပြောသည်။ “ဖေဖော်ဝါရီလ ၄ ရက်မှာ ကန့်ကော်တောင်လို့ ခေါ်တဲ့ ကွက်သစ်ကို စစ်ကောင်စီက လေကြောင်းကနေ ဗုံးကြဲတိုက်ခိုက်ခဲ့ပါတယ်။ ဘုန်းကြီးကျောင်းနဲ့ နေအိမ်တွေ ပျက်စီးသွားပါတယ်။ လေးငါးခြောက်ဆောင်လောက် ပျက်စီးသွားပါတယ်။ လူတော့ အထိအခိုက် မရှိဘူး” ဟု ပြောသည်။ ဂွမြို့နယ်၊ ကျိန္တလီမြို့သည်