ရခိုင်ပြည် တောင်ကုတ်မြို့နယ် ကမ်းဒေးကျေးရွာကို စစ်ကောင်စီ လေကြောင်းက ဗုံးကြဲခဲ့၍ စာသင်ကျောင်းပျက်စီးသွားကြောင်း သိရသည်။ ယနေ့ ဒီဇင်ဘာလ ၆ ရက် နေ့လယ် ၁၂ နာရီအချိန်က ဂျက်ဖိုက်တာ ၁ စီးဖြင့် စစ်ကောင်စီက ဗုံးကြဲတိုက်ခိုက်ခဲ့သည်။ အရပ်သားထိခိုက်သေဆုံးမှု ရှိမရှိကို မသိရသေးသော်လည်း ကျေးရွာရှိ စာသင်ကျောင်းမှာ လုံးဝပျက်စီးသွားကြောင်း သိရသည်။ အာဏာသိမ်း စစ်ကောင်စီသည် နိုင်ငံအနှံ့တွင် အရပ်သားပြည်သူများနေထိုင်ရာ မြို့ရွာများနှင့် ဆေးရုံဆေးခန်း၊ စာသင်ကျောင်း စသဖြင့် အများပြည်သူအသုံးပြုရာ အဆောက်အဦးများကို အဓိက ပစ်မှတ်ထား တိုက်ခိုက်နေသည်။