ထိုင်းငါးဖမ်းစက်လှေများကို မြန်မာရေတပ်က လုပ်ထုံးလုပ်နည်းနှင့်အညီ ပစ်ခတ်ဖမ်းဆီးခဲ့သည်ဟု စစ်ကောင်စီ ပြောခွင့်ရ ဗိုလ်ချုပ်ဇော်မင်းထွန်းက ဒီဇင်ဘာလ ၂ ရက်နေ့တွင် ဝန်ခံပြောဆိုထားသည်။ ထိုင်းအစိုးရနှင့် ထိုင်းမီဒီယာများ ပြောဆိုသလို ထိုင်းရေပိုင်နက်အတွင်းသို့ မြန်မာရေတပ်က ဝင်ရောက်ဖမ်းဆီးခြင်းမျိုးမဟုတ်ဘဲ မြန်မာ့ရေပိုင်နက်အတွင်းသို့ ထိုင်းငါးဖမ်းစက်လှေများက ကျူးကျော်ဝင်ရောက် ငါးဖမ်းခြင်းကြောင့် ဖမ်းဆီးခြင်းဖြစ်သည်ဟု ၎င်းက တုန့်ပြန်ထားသည်။ စစ်ကောင်စီ ပြောခွင့်ရ ဗိုလ်ချုပ်ဇော်မင်းထွန်းက “မြန်မာရေတပ်က ထိုင်းရေပိုင်နက်ထဲ ဝင်ရောက်ပြီး ငါးဖမ်းစက်လှေကို ဖမ်းဆီးခဲ့တာ မဟုတ်ပါဘူး။ မြန်မာ့ရေပိုင်နက်ထဲ ဝင်ရောက်ငါးဖမ်းနေတဲ့ ထိုင်းငါးဖမ်းစက်လှေတွေကို လုပ်ထုံးလုပ်နည်းနဲ့အညီပဲ ဖမ်းဆီးခဲ့တာဖြစ်ပါတယ်။ နောက်တစ်ခုကတော့ ထိခိုက်သေဆုံးမှုများ မရှိခဲ့ပါဘူး” ဟု ပြောသည်။ ကော့သောင်းမြို့နယ် ကြက်မောင်ကျွန်း မြောက်ဘက်ထိပ် အရှေ့အမြောက်ဘက် ၃ မိုင်ခန့်အကွာ မြန်မာ့ရေပိုင်နက်အတွင်း