ရခိုင်ပြည် စစ်တွေအကျဉ်းထောင်ကနေ ဧရာဝတီ ပုသိမ်အကျဉ်းထောင်သို့ ပြောင်းရွှေ့ခံရသော နိုင်ငံရေးအကျဉ်းသားများအပါအဝင် ရခိုင်အကျဉ်းသားများမှာ ကျန်းမာရေးဆိုးရွားနေကြောင်း မိသားစုဝင်များထံမှ သိရသည်။ ၂၀၂၃ ခုနှစ် အောက်တိုဘာလ ၁၀ ရက်နေ့ ညက စစ်တွေအကျဉ်းထောင်မှ နိုင်ငံရေးအကျဉ်းသားများ အပါအဝင် ရခိုင်အကျဉ်းသား ၄၀၀ ထက်မနည်းကို စစ်ကောင်စီက ဧရာဝတီတိုင်းရှိ ပုသိမ်အကျဉ်းထောင်သို့ အတင်းအဓမ္မ ရွှေ့ပြောင်းခဲ့သည်ံ။ လက်ရှိ ပုသိမ်အကျဉ်းထောင်ရှိ ရခိုင်အကျဉ်းသားများအပါအဝင် အကျဉ်းသားများ အားလုံးနီးပါးမှာ အရေပြားရောဂါကို ခံစားနေရသလို အစားအသောက်များကြောင့် ဝမ်းပျက်ဝမ်းလျော့ ဖြစ်ပွားနေကြောင်းလည်း ရခိုင်အကျဉ်းသား မိသားစုဝင်များက ပြောသည်။ ရခိုင်အကျဉ်းသား မိသားစုဝင်တစ်ဦးက “အရင်ကလို ထောင်ဝင်စာတွေ သွားမတွေ့နိုင်လို့ ဆေးတွေ၊ အစားအသောက်တွေ မပို့ပေးနိုင်တော့ဘူး။ အခု ကျန်းမာရေး

ထိုင်းနိုင်ငံ ဘန်ကောက်မြို့တွင် ဧပြီလ ၃ ရက်နှင့် ၄ ရက် နှစ်ရက်တာကျင်းပသော ဘင်းမ်စတက် အစည်းအဝေး၌ အာဏာသိမ်း မြန်မာစစ်ခေါင်းဆောင် မင်းအောင်လှိုင်နှင့် ဘူတန်ဝန်ကြီးချုပ် Tshering Tobgay တို့ တွေ့ဆုံခဲ့ကြသည်။ မင်းအောင်လှိုင်နှင့် တွေ့ဆုံခဲ့သည့်အကြောင်း ဘူတန်ဝန်ကြီးချုပ်က ၎င်း၏ လူမှုကွန်ရက် Facebook ပေါ်တွင် ပုံနှင့်တကွ ဧပြီလ ၄ ရက်နေ့က ပို့စ်တင်ခဲ့သည်။ ဘူတန်ဝန်ကြီးချုပ်၏ ပို့စ်ထဲတွင် မင်းအောင်လှိုင်နှင့် တွေ့ဆုံရသည်ကို ဝမ်းမြောက်ကြောင်းနှင့် နှစ်နိုင်ငံ ဆက်ဆံရေးကို တိုးမြှင့်ဆောင်ရွက်မည့် အကြောင်း ရေးသားခဲ့ခြင်းဖြစ်သည်။ ပို့စ်တင်ပြီး နာရီပိုင်းအကြာတွင် ဘူတန်ဝန်ကြီးချုပ် Tshering Tobgay အား ဘူတန်နိုင်ငံသားများအပါအဝင် ထိုင်းနိုင်ငံသားများ၊ မြန်မာနိုင်ငံသားများနှင့် အခြားသော

ငလျင်လှုပ်ခတ်ခဲ့မှုကြောင့် မန္တလေးတိုင်း အိုးဘိုအကျဉ်းထောင်အတွင်း အကျဉ်းကျနေသည့် နိုင်ငံရေးအကျဉ်းသူ ခြောက်ဦး အပါအဝင် ၁၂ ဦး ထိခိုက်သေဆုံးခဲ့ကြောင်း မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက် (PPNM) က သတင်းထုတ်ပြန်သည်။ အနည်းဆုံး သေဆုံးသူ ၁၂ ဦးထဲက ၆ ဦးကို အမည်နှင့်တကွ အတည်ပြုထားနိုင်ပြီး မိသားစုဝင်များ သိရှိနိုင်ရန် ထုတ်ပြန်ရခြင်းဖြစ်သည်ဟု PPNM က ယနေ့ ဧပြီလ ၅ ရက်တွင် ထုတ်ပြန်ထားခြင်းဖြစ်သည်။ သေဆုံးခဲ့သည့် နိုင်ငံရေးအကျဉ်း‌သူများမှာ မမိုးသူဇာခိုင်၊ ဒေါ်လဲ့လဲ့စိုး၊ ဒေါ်ခင်အုန်းရွှေ၊ မကေကေဝင်း၊ မပပဝင်းနှင့် မဖူးဖူးဝေ တို့ဖြစ်သည်ဟု PPNM က ဆိုသည်။ ငလျင်လှုပ်ခတ်မှုကြောင့် မန္တလေး အိုးဘိုထောင်ရှိ အမျိုးသမီးအဆောင် (၁)

စစ်ခေါင်းဆောင် မင်းအောင်လှိုင် အလိုမရှိကြောင်း ဆန္ဒပြ ထိုင်းလူမျိုးများနှင့် ဆန္ဒပြပွဲ လာရောက်ဟန့်တားသည့် ထိုင်းအမျိုးသားရေးလှုပ်ရှားသူများ ရုန်းရင်းဆန်ခတ်ဖြစ်ပွားခဲ့ကြောင်း ထိုင်းသတင်းဌာနများက ဖော်ပြသည်။ ဧပြီ ၅ရက် နံနက် ၁၁နာရီခန့်က ဘန်ကောက်မြို့ရှိ ကုလသမဂ္ဂ UNရုံးရှေ့၌ ထိုင်းလူမှု အသင်းအဖွဲ့ဖြစ်သော Bright Future အဖွဲ့သည် နိုင်ငံသား ၆,၀၀၀ ကျော်သတ်ဖြတ်ထားသည့် မင်းအောင်လှိုင်အား ထိုင်းနိုင်ငံသို့ ဖိတ်ခေါ်မှုအပေါ် ကန့်ကွက်ဆန္ဒပြခဲ့သည်။ မင်းအောင်လှိုင်ကို ဆန္ဒပြမည့် အဖွဲ့ကို ထိုင်းအမျိုးသားရေးအဖွဲ့များက လာရောက် နှောင့်ယှက်တိုက်ခိုက်ခဲ့ပြီး ထိုင်းရဲတပ်ဖွဲ့က ဆန္ဒပြ အဖွဲ့ခေါင်းဆောင် ဗီရကို ဘေးကင်းရာ သို့ ခေါ်ထုတ်သွားခဲ့သည်။ ယနေ့ ဘန်ကောက်မြို့၊ ကုလသမဂ္ဂရုံးရှေ့တွင် ပြုလုပ်မည့် စစ်ခေါင်းဆောင် မင်းအောင်လှိုင်ကို ဆန့်ကျင်