ရခိုင်ပြည် တောင်ကုတ်မြို့မဈေးကို စစ်ကောင်စီ လေကြောင်းက ဗုံးကြဲတိုက်ခိုက်၍ ဈေးတစ်ခုလုံး ပျက်စီးဆုံးရှုံးသွားကြောင်း သိရသည်။ ဒီဇင်ဘာလ ၃ ရက် ည ၈ နာရီခန့်တွင် စစ်ကောင်စီ လေကြောင်းက ဂျက်ဖိုက်တာဖြင့် ဗုံး ၂ လုံးထက်မနည်း တိုက်ခိုက်ခဲ့၍ မြို့မဈေးမှာ ရစရာမရှိအောင် ပျက်စီးသွားခြင်းဖြစ်သည်။ တောင်ကုတ်မြို့မဈေးမှာ ဈေးဆိုင်ခန်းပေါင်း ၆၀ ခန့်ရှိပြီး ဈေးဆိုင်းခန်းအားလုံးမှာ ပျက်စီးသွားကြောင်းနှင့် ညဈေးတန်းလည်း ဗုံးကြဲတိုက်ခိုက်ခံရ၍ ဆိုင်ခန်းပေါင်း ၂၀ ကျော် ပျက်စီးသွားသည်။ ယင်းအပြင် စစ်ကောင်စီ လေကြောင်းဗုံးကြဲတိုက်ခိုက်၍ တောင်ကုတ်မြို့ထဲက လူနေအိမ်အများစုမှာလည်း ပျက်စီးသွားပြီး အထူးသဖြင့် ဂူတာရပ်ကွက်၊ လျှပ်စစ်လမ်းနှင့် သိမ်တောင်ရပ်ကွက်တို့တွင် အပျက်အစီးများကြောင်း သိရသည်။

(စစ်ကောင်စီ စစ်စခန်းအချို့ကို ချင်းညီနောင်တပ်ဖွဲ့ သိမ်းပိုက်ထား) ချင်းပြည်နယ် မင်းတပ်မြို့နှင့် ဖလမ်းမြို့သိမ်းတိုက်ပွဲမှာ ဆက်လက်ပြင်းထန်နေဆဲဖြစ်ပြီး စစ်ကောင်စီ စစ်စခန်းအချို့ကို သိမ်းပိုက်ရရှိထားကြောင်း ချင်းညီနောင်တပ်ဖွဲ့ထံမှ သိရသည်။ မင်းတပ်မြို့နှင့် ဖလမ်းမြို့သိမ်းတိုက်ပွဲ နိုဝင်ဘာလ ၉ ရက်နေ့ကစ၍ ချင်းညီနောင်တပ်ဖွဲ့နှင့် မဟာမိတ်ပူးပေါင်းတပ်ဖွဲ့က တိုက်ခိုက်နေပြီး ယခု ဒီဇင်ဘာလအထိမှာ မြို့တွင်းက စစ်ကောင်စီ စစ်စခန်းအချို့ကို သိမ်းပိုက်ရရှိထားပြီဟု သိရသည်။ ချင်းညီနောင်တပ်ဖွဲ့ပြောရေးဆိုခွင့်ရှိသူ တစ်ဦးက “လက်ရှိချိန်ထိ စစ်ရေး ဖော်ဆောင်နေဆဲပါ။ တိုက်ပွဲက ပြင်းထန်ဆဲမို့ တရားဝင်သတင်းထုတ်ပြန်ဖို့ အစီအစဉ်မရှိသေးပါဘူး” ဟု ပြောသည်။ အာဏာသိမ်း စစ်ကောင်စီဘက်က လေကြောင်းပစ်ခတ်တိုက်ခိုက်မှု တောက်လျှောက်ရှိနေသေးကြောင်းနှင့် နှစ်ဖက်ထိတွေ့တိုက်ပွဲများမှာ ဆက်လက်ပြင်းထန်နေဆဲဖြစ်သည်။ အဆိုပါတိုက်ပွဲအတွင်း စစ်ကောင်စီတပ်ဖွဲ့ဝင်များ အသေအပျောက်များလျှက်ရှိပြီး အရှင်ဖမ်းမိသည့် သုံ့ပန်းများလည်း

ကုန်ခဲ့သည့် နိုဝင်ဘာလအတွင်း ရခိုင်၊ စစ်ကိုင်းနှင့် မကွေးတိုင်းတို့က အာဏာသိမ်း စစ်ကောင်စီတပ်သား ၃၈ ဦးကို ရှင်းလင်းနိုင်ခဲ့ကြောင်းနှင့် ၁၀ ဦးမှာ ထိခိုက်ဒဏ်ရာရရှိသွားကြောင်း ကျောင်းသားလက်ရုံးတပ်တော် SAF က ဒီဇင်ဘာလ ၂ ရက်တွင် ထုတ်ပြန်သည်။ အနောက်ပိုင်းတိုင်းစစ်ဌာနချုပ်ရှိရာ ရခိုင်ပြည် အမ်းတိုက်ပွဲမှ ထွက်ပြေးလာသော စစ်ကောင်စီတပ်သား ၃၀ ခန့် နှင့် ကျောင်းသားလက်ရုံးတပ်တော်အပါအဝင် မဟာမိတ်တပ်များဖြင့် အမ်း-ပဒန်းလမ်းပိုင်းတနေရာတွင် နိုဝင်ဘာလ၂၄ ရက်နေ့က ထိတွေ့တိုက်ပွဲဖြစ်ပွားခဲ့သည်။ တိုက်ပွဲအတွင်း စစ်ကောင်စီတပ်သား ၂ ဦး သေဆုံးသွားပြီး ၁၄ ဦးကို အရှင်ဖမ်းဆီးရမိခဲ့ကြောင်းနှင့် လက်နက်ငယ် နှစ်လက်နှင့်အတူ ခဲယမ်းပစ္စည်းများကုငိလည်း သိမ်းဆည်းရရှိခဲ့ကြောင်း SAF က ဆိုသည်။ စစ်ကိုင်းတိုင်း

အာဏာသိမ်း စစ်ကောင်စီ ဗုံးကြဲတိုက်ခိုက်မှုကြောင့် ရှမ်းမြောက် တအောင်းဒေသမှာ ကုန်ခဲ့သည့် နိုဝင်ဘာလအတွင်း အပြစ်မဲ့အရပ်သားပြည်သူ ၃၈ ဦးသေဆုံးခဲ့ရပြီး ၇၀ ဦးဒဏ်ရာပြင်းထန်စွာ ရရှိခဲ့ကာ နေအိမ် ၁၃၀ လုံး ထိခိုက်ပျက်စီးသွားကြောင်း တအောင်းတပ် TNLA က ယနေ့ ထုတ်ပြန်သည်။ နောင်ချိုမြို့တွင် စစ်ကောင်စီတပ်က ဂျက်ဖိုက်တာဖြင့် ဗုံးကြဲမှုကြောင့် ဒေသခံ ၁၆ ဦးသေဆုံးပြီး ဦးဇင်း နှစ်ပါး အပါအဝင် ၂၅ ဦး ထိခိုက်ဒဏ်ရာရရှိကာ နေအိမ် ၅၇ လုံးနှင့် ကား ၈ စီး ပျက်စီးဆုံးရှုံးသွားခဲ့ကြောင်း ထုတ်ပြန်ထားသည်။ မိုးကုတ်မြို့ အရှေ့ပိုင်းနှင့် အနောက်ပိုင်းတွင်လည်း စစ်ကောင်စီတပ်မှ ဂျက်ဖိုတ်တာဖြင့် ဗုံးကြဲတိုက်ခိုက်မှုကြောင့် ဒေသခံ