အာဏာသိမ်း စစ်ကောင်စီသည် ရခိုင်ပြည် စစ်တွေမြို့ထဲက စစ်ဘေးရှောင်စခန်းများမှ ဒုက္ခသည်လူငယ်များအား စစ်မှုထမ်းခေါ်ယူရန် ပြည်နယ်အစိုးရကနေတစ်ဆင့် ပြင်ဆင်နေကြောင်း ဒုက္ခသည်များထံမှ သိရသည်။ စစ်တွေမြို့က ဘုန်းတော်ကြီးကျောင်း ၅၃ ကျောင်းတွင် စစ်ရှောင်စခန်းများ ဖွင့်လှစ်ထားပြီး စစ်ဘေးဒုက္ခသည် အရေအတွက် ၁ သောင်းခန့်ရှိကြောင်း ကူညီစောင့်ရှောက်ပေးနေသူများက Western News ကို ပြောသည်။ ဖေဖော်ဝါရီလ ပထမ အပတ်ကစ၍ စစ်ကောင်စီ၏ စစ်တပ်နှင့် ရဲတပ်ဖွဲ့ဝင်တို့သည် ဧည့်စာရင်း စစ်ဆေးသည့် အဆင့်ထက် ကျော်လွန်ပြီး အသက် ၁၄ နှစ်မှ ၄၅ နှစ်အတွင်းရှိ အမျိုးသားများအား စာရင်းပြုစုကာ သီးသန့်ခေါ်ယူ တွေ့ဆုံခြင်းများ ပြုလုပ်နေသည်ဟု မြို့ခံတစ်ဦးက ပြောသည်။ “ဖေဖော်ဝါရီလ ပထမ

(အရပ်သား ၃ ဦးသေဆုံးသွားပြီး ၄ ဦး ထိခိုက်ဒဏ်ရာပြင်းထန်) စစ်ကောင်စီနှင့် ရှမ်းမြောက် တအောင်းတပ် TNLA တို့ တရုတ်နိုင်ငံမှာ တွေ့ဆုံဆွေးနွေးပွဲ မအောင်မြင်ပြီးနောက် စစ်တပ်က နောင်ချိုမြို့ကို လေကြောင်းဗုံးကြဲတိုက်ခိုက်မှုပြုလုပ်ရာမှာ အရပ်သား ၃ ဦးသေဆုံးပြီး ၄ ဦးအထိ ဒဏ်ရာ ပြင်းထန်စွာ ရရှိသွားသည်။ ယမန်နေ့ ဖေဖော်ဝါရီလ ၁၉ ရက် ည‌ ၈ နာရီကျော်အချိန်တွင် စစ်ကောင်စီက လေကြောင်းဗုံးကြဲ တိုက်ခိုက်ခဲ့ခြင်းဖြစ်ပြီး ထိခိုက်သေဆုံးသူများမှာ နောင်ချိုမြို့ ဘူတာရပ်ကွက်က အရပ်သားပြည်သူများ ဖြစ်ကြောင်း သိရသည်။ တရုတ်နိုင်ငံ ယူနန်ပြည်နယ် ကူမင်းမြို့တွင် ဖေဖော်ဝါရီလ ၁၆ ရက်ကနေ ၁၇ ရက်နေ့အထိ တွေ့ဆုံတွေးနွေး

စစ်ရှောင်ပြည်သူ တစ်သောင်းခန့်ကို လက်ခံ ကျွေးမွေးစောင့်ရှောက်ထားသော စစ်တွေမြို့က ဘုန်းတော်ကြီးကျောင်း ၅၃ ကျောင်းကို စစ်ကောင်စီ၏ စစ်တပ်နှင့် ရဲတပ်ဖွဲ့ဝင်တို့က ဧည့်စာရင်း နေ့တိုင်း ဝင်စစ်ဆေးနေကြောင်း သိရသည်။ စစ်ကောင်စီတပ်ဖွဲ့ဝင်များက နေ့တိုင်းဧည့်စာရင်း ဝင်ရောက် စစ်ဆေးနေ၍ စစ်ရှောင်ဒုက္ခသည်များနှင့် ဘုန်းတော်ကြီးများမှာ စိတ်အနှောင့်အယှက်ဖြစ်ရသည်ဟု ပြောဆိုနေကြသည်။ “စစ်တပ်နဲ့ ရဲတပ်ဝင်တွေဟာ ကားတွေနဲ့ စစ်ရှောင်တွေ လက်ခံထားတဲ့ ဘုန်းတော်ကြီးကျောင်းတွေကို နေ့တိုင်းဧည့်စာရင်း လာရောက် စစ်ဆေးတာရှိပါတယ်။ ညနေ ၇ နာရီ ၈ နာရီလောက်ဆို လာပြီ။ သူတို့လာရင် ဒုက္ခသည်တွေက အရမ်းစိုးရိမ်နေကြတာ။ ဘာတွေဖြစ်မလဲ။ ဘာတွေလုပ်မလဲပေါ့။ ဘာအပြစ်မှ မလုပ်ထားရင်လည်း သူတို့လာရင် စိတ်က လုံခြုံမှု မခံစားရဘူးလေ။ မတရားဖမ်းဆီးခေါ်တာတွေ၊

အာဏာသိမ်း စစ်ကောင်စီသည် ဒေသကွက်ကွဲမှုစစ်ဌာနချုပ် (စစ်တွေ) ရုံးချုပ်ရှေ့က လေ့ကျင့်ရေးကွင်းနှင့် နာရီကန်တပ်ဦး ဘုန်းတော်ကြီးကျောင်း ခြံဝန်းတွင် မွတ်ဆလင် ၁၂၀ ခန့်ကို အခြေခံ စစ်ပညာ သင်တန်းပေးနေသည်။ Western News က ရရှိထားသော သတင်းအရ အဆိုပါ မွတ်ဆလင်များသည် စစ်တွေမြို့နယ်က သဲချောင်း၊ သက္ကယ်ပြင်၊ ပလ္လင်ပြင်၊ ဒါးပိုင်၊ အုန်းတောကြီး၊ အုန်းတောငယ်၊ ဘုမေ စသည့် မွတ်ဆလင်ကျေးရွာများက ဖြစ်ကြောင်း သိရှိထားသည်။ ယခုတစ်ဖြတ် စစ်ကောင်စီ၏ စစ်သင်တန်းကို စစ်တွေ ဒကစ ရုံးချုပ်ရှေ့က လေ့ကျင့်ရေးကွင်းနှင့် နာရီကန်တပ်ဦးဘုန်းကြီးကျောင်းတို့မှာ အခြေခံ စစ်ပညာ သင်တန်းပေးနေခြင်း ဖြစ်ပြီး သင်တန်းသား ဦးရေ ၁၂၀ ခန့်

ရခိုင်ပြည် မြို့တော် စစ်တွေမြို့တွင်ရှိသော ဒေသကွက်ကဲမှုစစ်ဌာနချုပ် (စစ်တွေ) ကို ကာကွယ်ပေးထားသည့် ရေချမ်းပြင်တပ်၊ ပါဒလိတ်က တပ်ရင်းများနှင့် အမြင့်ကျွန်းက တပ်ရင်းများအနေဖြင့် တပ်ဆုတ်ခွင့် လုံးဝခွင့်မပြုကြောင်း သိရသည်။ တိုက်ပွဲများပြင်းထန်းနေသည့် ယခု ရက်ပိုင်းများတွင် စစ်ကောင်စီတပ်က အောက်ခြေ တပ်ရင်းများနှင့် တပ်စခန်းများကို ယင်းကဲ့သို့ တပ်ဆုတ်ခွင့် လုံးဝခွင့်မပြုကြောင်း စစ်တွေ ဒကစ အရာရှိများက အမိန့်ထုတ်ထားကြောင်း Western News က စုံစမ်းသိရှိရသည်။ လက်ရှိတွင် စစ်ကောင်စီ၏ ရေချမ်းပြင်ရွာက တပ်ရင်းများ၊ ပါဒလိတ်ရွာက တပ်ရင်းများနှင့် အမြင့်ကျွန်းရွာက တပ်ရင်းများကို အာရက္ခတပ်တော် AA သည် လက်နက်ကြီးပစ်ခတ်တိုက်ခိုက်ခြင်းနှင့် စနိုက်ပါတိုက်ခိုက်ခြင်းတို့ဖြင့် ဖေဖော်ဝါရီလ ၇ ရက်နေ့ကစ၍ နေ့စဉ်တိုက်ခိုက်နေသည်။

လွှတ်ပေးလို့ရသည့် စစ်သုံ့ပန်း မိသားစုဝင်များထဲက ၁၉၈ ဦးကို အာရက္ခတပ်တော် AA က ယခုရက်ပိုင်းအတွင်းမှာ ထပ်မံလွှတ်ပေးလိုက်ကြောင်း သိရသည်။ ပြန်လွှတ်ပေးခဲ့သည့် စစ်သုံ့ပန်းမိသားစုဝင် ၁၉၈ ထဲတွင် စစ်သုံ့ပန်းအဖြစ် ဖမ်းဆီးထားသော ဒုတိယ ရဲမှူးကြီး ၁ ဦးလည်း ပါဝင်ကြောင်း AA က တာဝန်ရှိသူများက ပြောသည်။ စစ်သုံ့ပန်း မိသားစုဝင် အမျိုးသား ၅၁ ဦးနှင့် အမျိုးသမီး ၁၄၇ ဦးကို AA က လွှတ်ပေးခဲ့ခြင်းဖြစ်သည်။ အာရက္ခတပ်တော် AA က ပြီးခဲ့သည့် ဖေဖော်ဝါရီလ ပထမပတ်အတွင်းမှာလည်း စစ်သုံ့ပန်းမိသားစုဝင် ၁၁၆ ဦးနှင့် အရပ်သားအကျဉ်းသား ၂၆ ဦးကိုလည်း လွှတ်ပေးခဲ့သည်။

(စစ်ကောင်စီက မနေ့က လေကြောင်းတိုက်ခိုက်မှုဖြင့် အများဆုံးခုခံနေ) အာရက္ခတပ်တော် AA ၏ ရခိုင်ပြည်မြို့တော် စစ်တွေမြို့သိမ်းတိုက်ပွဲမှာ ပိုမိုပြင်းထန်လာပြီး ယမန်နေ့ ဖေဖော်ဝါရီလ ၁၇ ရက်နေ့ ညပိုင်းတွင် ယခင်ရက်များထက် ပိုပြင်းထန်ခဲ့ကြောင်း စစ်တွေမြို့ခံများက ပြောသည်။ AA နှင့် စစ်ကောင်စီတပ်တို့ အပြန်အလှန်ပစ်ခတ်မှု တိုက်ပွဲမှာ ညနေ ၆ နာရီကျော်က စတင်ပြီး ၉ နာရီကျော်အချိန်တွင် ပစ်ခတ်သံများ ရပ်တန့်သွားကြောင်းနှင့် စစ်ကောင်စီက ဂျက်ဖိုက်တာဖြင့် လေကြောင်းတိုက်ခိုက်မှု တစ်နာရီကျော်ကြာ ဗုံးကြဲတိုက်ခိုက်ကြောင်း စစ်တွေသတင်းရင်းမြစ်တစ်ဦးက ပြောသည်။ “မနေ့ကညက တိုက်ပွဲက အရမ်းပြင်းပြင်းထန်ထန်ပဲ။ AA က အမြင့်ကျွန်းက စစ်ကောင်စီတပ်တွေကို လက်နက်ကြီးတွေနဲ့ အသားကုန်ပစ်တာ။ စစ်ကောင်စီတပ်ကလည်း ပြန်ပစ်တယ်။

အာရက္ခတပ်တော် AA က ထိုးစစ်အရှိန် မြှင့်လာ၍ ရခိုင်ပြည်၊ စစ်တွေမြို့ရှိ စီးပွားရေးဘဏ်မှ ငွေများကို အာဏာသိမ်း စစ်ကောင်စီက ပြောင်းရွှေ့ရန် စီစဉ်နေကြောင်း ဘဏ်အသိုင်းအဝိုင်းနှင့် ဝန်ထမ်းများထံမှ သိရသည်။ ပြည်နယ်စစ်ကောင်စီအဖွဲ့သည် စစ်တွေမြို့ရှိ ဝန်ထမ်းများကို နှစ်လစာ ကြိုတင်ပေး၍ ဘဏ်က ငွေအားလုံးကို ရန်ကုန်နှင့် နေပြည်တော်သို့ ရွှေ့ရန် စီစဉ်နေကြောင်း စစ်တွေမြို့နယ် စီးပွားရေးဘဏ်နှင့် နီးစပ်သူတစ်ဦးက ပြေသည်။ “စီးပွားရေးဘဏ်က ပြည်ဂျာဆီကို ပြည်နယ်မန်နေဂျာပေါ့ ပြည်နယ်အစိုးရအဖွဲ့က စာပို့ထားတယ်လို့ ပြောပါတယ်။ ဒီလထဲမှာ လုံခြုံရေးအခြေအနေအရ ဘဏ်က ငွေတွေကို ရွှေ့ပြောင်းမယ့် အခြေအနေ၊ ဝန်ထမ်းတွေကို လစာ နှစ်လစာ ထုတ်ပေးမယ့် အခြေအနေ စတာတွေ ပါတယ်လို့