တအောင်းတပ် TNLA ထိန်းချုပ်ထားသာ ရှမ်းပြည်မြောက်ပိုင်း၊ နောင်ချိုမြို့နယ် တောင်ခမ်း ကျေးရွာအနီးကို စစ်ကောင်စီက လေကြောင်းကတစ်ဆင့် အဆိပ်ငွေ့ဗုံး ၁၁ လုံးနှင့် ကြဲချခဲ့ကြောင်း သိရသည်။ ထို့အပြင် နောင်ချိုမြို့နယ် တောင်ခမ်း ကျေးရွာအနီးကို လက်နက်ကြီး ၂၆ လုံးဖြင့်လည်း ပစ်ခတ်တိုက်ခိုက်ခဲ့ကြောင်း TNLA က ဧပြီလ ၂၉ ရက်တွင် သတင်းထုတ်ပြန်ထားသည်။ TNLA ၏ တပ်မဟာ ၂ နယ်မြေရှိ စစ်ကောင်စီ၏ ၉၀၂ တပ်စခန်းအနီးတွင် ဧပြီလ ၂၉ ရက် နံနက် ၈ နာရီမှ ညနေ ၄ နာရီခွဲအထိ စစ်ကောင်စီတပ်နှင့် TNLA တို့ကြား တိုက်ပွဲဖြစ်ပွားခဲ့ကြသည်။ တိုက်ပွဲဖြစ်ပွားနေအချိန်အတွင်း

ရခိုင်ရိုးမတောင်းတန်းနှင့် နီးကပ်သည့် ပဲခူးတိုင်း ပန်းတောင်းမြို့နယ်မှာ အာဏာသိမ်း စစ်ကောင်စီတပ်နှင့် အာရက္ခတပ်တော် AA ပူးပေါင်းတပ်ဖွဲ့တို့ကြား အပြန်အလှန် ထိုးစစ်ဆင် တိုက်ခိုက်နေကြကြောင်း သိရသည်။ ပန်းတောင်းမြို့နယ်အတွင်းက စစ်ကောင်စီ တပ်စခန်းများကို အာရက္ခတပ်တော် AA နှင့် ပြည်သူ့ကာကွယ်ရေးတပ်ဖွဲ့ ပူးပေါင်းအဖွဲ့များက ထိုးစစ်ဆင်တိုက်ခိုက်နေပြီး စခန်းအချို့ကိုလည်း သိမ်းဆည်းရရှိထားသည်။ လက်လွှတ်လိုက်ရသော စစ်ခန်းများအား ပြန်လည်ရရှိရန် အာဏာသိမ်း စစ်ကောင်စီကလည်း ပြည်လမ်းမဘက်မှနေ၍ အင်အား ရာချီပါဝင်သော တပ်ဖွဲ့များဖြင့် AA ပူးပေါင်းတပ်ဖွဲ့များကို ပြန်လည်ထိုးစစ်ဆင်တိုက်ခိုက်နေသည်။ ထိုကြောင့် စစ်ကောင်စီတပ်ဖွဲ့များအား ပြန်လည်ခုခံတိုက်နိုင်ရန် တော်လှန်ရေးတပ်ဖွဲ့များမှ သေချာပြင်ဆင်ထားကြောင်း ပြည်ခရိုင် ပြည်သူ့ကာကွယ်ရေးတပ်မတော် ၃၆၀၁ တပ်ရင်း၊ စစ်ထောက်လှမ်းရေးနှင့် သတင်းပြန်ကြားတာဝန်ခံ ရဲဘော်ရှဲဒိုးက ပြောသည်။ ”

အာရက္ခတပ်တော် AA သိမ်းပိုက်ထားသော ရခိုင်ပြည်က မြို့နယ်များတွင် မြေမြှုပ်မိုင်းများနှင့် စစ်ကျန်ဗုံးသီးများကြောင့် ၃၃ ရက်အတွင်းမှာ အရပ်သားပြည်သူ ၂ ဦးသေဆုံးပြီး ခြေထောက်ပြတ်ပြီး ပြင်းထန်ဒဏ်ရာရနေသူ ၁၇ ဦးရှိကြောင်း သိရသည်။ စစ်ကျန်လက်နက်ပစ္စည်းများနှင့် မြေမြှုပ်မိုင်းကြောင့် အရပ်သားပြည်သူ ထိခိုက်သေဆုံးသူများအား Western News မှ ၂၀၂၅ မတ်လ ၂၆ ရက်ကနေ ယနေ့ ဧပြီလ ၂၇ ရက်နေ့အထိ စုစည်းထားချက် စာရင်းအရ သိရသည်။ ယခု ထိခိုက်ဒဏ်ရာရခြင်းနှင့် သေဆုံးသွားသူမှာ အာဏာသိမ်း စစ်ကောင်စီ တပ်စွဲထားသော နေရာများ၊ တပ်ရင်းများနှင့် သွားလာလှုပ်ရှားခဲ့သော နေရာများသို့ သွားရောက်ခြင်းမှ ထိခိုက်သေဆုံး ကြခြင်းဖြစ်သည်။ ရခိုင်ပြည်က ဒေသခံပြည်သူများမှာ

ကျောင်းသားတပ်ဦး/ ကျောင်းသားလက်ရုံးတပ်တော် (၄) နှစ်ပြည့် တပ်တော်နေ့ အထိမ်းအမှတ် အခမ်းအနား ပြုလုပ်ခြင်းနှင့် လက်နက်တပ်ဆင်ခြင်း အခမ်းတစ်ရပ်ကို ကျင်းပ ပြုလုပ်ခဲ့ကြောင်း သိရသည်။ ယနေ့ ဧပြီလ ၂၇ ရက်တွင် ကျရောက်သော (၄) နှစ်ပြည့် တပ်တော်နေ့ အထိမ်းအမှတ် အခမ်းအနားကို ဗဟိုဌာနချုပ်နယ်မြေတွင် ပြုလုပ်ကျင်းပခဲ့ကြောင်း ကျောင်းသား လက်ရုံးတပ်တော်က ယနေ့တွင် ထုတ်ပြန်သည်။ အခမ်းအနားတွင် ထုတ်ပြန်ကြေညာချက်ဖတ်ကြားခြင်း၊ စစ်ဦးစီးချုပ် မိန့်ခွန်းပြောကြားခြင်း၊ မွမ်းမံသင်တန်းဆင်းခြင်းနှင့် လက်နက်တပ်ဆင်ခြင်းများ ပြုလုပ်ခဲ့ကြောင်း ထုတ်ပြန်ချက် အရ သိရသည်။

ကိုးကန့်တပ် MNDAA ထိန်းချုပ်ထားသော လားရှိုးမြို့အား နိုင်ငံရေးဖိအားများ‌ကြောင့် အာဏာသိမ်း စစ်ကောင်စီထံ ပြန်လည်ပေးအပ်ခဲ့ရကြောင်း ကိုးကန့်သတင်းက ယနေ့ ဧပြီ ၂၆ ရက်နေ့တွင် ဖော်ပြသည်။ တရုတ် အကူအညီဖြင့် လားရှိုးမြို့အား ပြန်ထိန်းချုပ်တော့မည့် စစ်ကောင်စီသည် ဧပြီလ ၂၂ ရက်‌နေ့က ကားအစီးရေ ရာချီဖြင့် မြို့ထဲသို့ ပြန်လည် ဝင်ရောက်လာခဲ့သလို ကနဦး သဘောတူညီချက်အရ လားရှိုးမြို့ပေါ် ရပ်ကွက် ၁၂ ခု ပြန်လည်အုပ်ချုပ်သွားမည် ဖြစ်သည်။ တရုတ်အစိုးရ၏ ကြားဝင်ဆောင်ရွက်မှုနှင့် ပြီးခဲ့သည့် ဇန်နဝါရီလ ၁၈ ရက်နေ့က ကူမင်းဆွေးနွေးပွဲမှာ စစ်ကောင်စီနှင့် MNDAA တို့ အပစ်အခတ်ရပ်စဲဖို့ သဘောတူညီခဲ့ကြသည်။ လားရှိုးမြို့ခံအချို့သည် စစ်ကောင်စီတပ် အများအပြားဝင်ရောက်လာသည်ကို

ထိုင်းနိုင်ငံ ဘန်ကောက်မြို့ လတ်စီခရိုင် ထုန်းဆုန်ဟုန်မြို့နယ်က ကွန်ဒိုမီနီယံအခန်းတစ်ခုတွင် ကရင်အမျိုးသားအစည်းအရုံး KNU ပို့မည့် လက်နက်ခဲယမ်းများကို ဧပြီလ ၂၅ ရက်နေ့တွင် ထိုင်းရဲတပ်ဖွဲ့က ဖမ်းဆီးရမိခဲ့သည်။ ထုန်းဆုန်ဟုန်မြို့နယ် ချိန်ဝပ်ထနာ ၁၂ လမ်းသွယ် ၂ ရှိ ကွန်ဒိုမီနီယံအခန်းတစ်ခုတွင် စစ်လက်နက်များ သိုဝှက်ထားသည်ဟူသော သတင်းအရ ထုန်းဆုန်ဟုန်ရဲစခန်းမှ ဝင်ရောက်စီးနင်းရှာဖွေခဲ့ရာတွင် လက်နက်နှင့် ကျည်ကတ် အမြောက်အများကို ဖမ်းဆီးရမိခဲ့ခြင်း ဖြစ်သည်။ အဆိုပါ ကွန်ဒိုမီနီယံအခန်းတွင် နေထိုင်သူသည် ဧပြီလ ၁၂ ရက်နေ့ကစ၍ အခန်းမှထွက်ခွာသွားပြီး ယခုအချိန်ထိ ပြန်မလာသေးကြောင်း ကွန်ဒိုအဆောက်အဦး၏ တာဝန်ရှိသူက ပြောကြောင်း ထိုင်းသတင်းဌာနများ၏ ဖော်ပြချက်အရ သိရသည်။ ဧပြီ ၂၃ ရက်‌နေ့က ချင်းမိုင်ခရိုင်၊

ရခိုင်ပြည် ကျောက်ဖြူမြို့နယ်မှ ကျေးရွာများကို ဧပြီလ ၂၅ ရက်တွင် စစ်ကောင်စီက ဒရုန်းနှင့် ဗုံးကြဲတိုက်ခိုက်ခဲ့၍ သားအမိနှစ်ဦး အပါအဝင် နောက်ထပ်အမျိုးသမီးတစ်ဦး စုစုပေါင်း ၃ ဦး သေဆုံးခဲ့ကြောင်း သိရသည်။ စစ်ကောင်စီသည် ကျောက်ဖြူမြို့နယ် လိပ်ခမော်ကျေးရွာကို နံနက် ၁၀ နာရီအချိန်ခန့်တွင် ဒရုန်းနှင့် ၅ ကြိမ်တိတိ ဗုံး ၈ လုံး ကြဲချတိုက်ခိုက်ခဲ့သည်ဟု ဒေသခံတစ်ဦးက ပြောသည်။ ကျောက်ဖြူ ဒေသခံတစ်ဦးက “တိုက်ပွဲဖြစ်တာ မရှိဘဲ ဒီအတိုင်း လာကြဲတာပါ။ တစ်အိမ်တည်းမှာနေတဲ့ သားမိနှစ်ယောက် ဆုံးသွားပါတယ်။ နောက်ထပ် အမျိုးသမီးတစ်ယောက် ဆုံးပါတယ်။ စုစုပေါင်း သုံးယောက်ပါ။ အခုကျေးရွာလူတွေ တော်တော်များများ အကုန် ထွက်ပြေးနေကြပါတယ်”ဟုပြောသည်။

အာဏာသိမ်း စစ်ကောင်စီ အပစ်ရပ်ခဲ့သည့် ဧပြီလ ၂ ရက်မှ ၂၂ ရက်နေ့အထိ ရက် ၂၀ အတွင်း ရခိုင်ပြည်ကို ပစ်ခတ်တိုက်ခိုက်မှု ‌‌‌‌‌၄၀၉ ကြိမ် ပြုလုပ်ခဲ့သည်ဟု အာရက္ခတပ်တော် AA ၏ HDCO က ဧပြီလ ၂၄ ရက်တွင် ထုတ်ပြန်သည်။ မြန်မာနိုင်ငံမှာ ပြင်းအား ၇.၇ ငလျင်လှုပ်ကြောင့် စစ်ကောင်စီသည် လူသားချင်းစာနာမှု အကူညီ ဝင်ရောက်နိုင်ရေးတွက် အပစ်အခတ်ရပ်ဆဲရေးကို ရက်၂၀ ကြာ အပစ်ရပ်ကြောင်း ကြေညာထားသော်လည်း လေးစားလိုက်နာမှုမရှိဘဲ ပစ်ခတ်တိုက်ခိုက်ခဲ့သည်ဟု ဆိုသည်။ ကျောက်ဖြူ၊ တောင်ကုတ်၊ ကျောက်တော်၊ စစ်တွေနှင့် ပေါက်တောမြို့တို့ကို လေကြောင်းတိုက်ခိုက်မှု၊ ရေတပ်စစ်သင်္ဘောများမှ ပစ်ခတ်ခြင်းနှင့် လက်နက်ကြီးများတို့ဖြင့်