စစ်အာဏာသိမ်း ၄ နှစ်ပြည့် ဘန်ကောက်မြို့ မြန်မာသံရုံးရှေ့မှာ ဆန္ဒပြမည်
အာဏာသိမ်းမှု ဆန့်ကျင်သော ဆန္ဒပြပွဲတစ်ခုကို ထိုင်းနိုင်ငံ ဘန်ကောက်မြို့က မြန်မာသံရုံးရှေ့မှာ ယနေ့ ဖေဖော်ဝါရီ ၁ ရက်နေ့တွင် ပြုလုပ်သွားမည် ဖြစ်ကြောင်း Milk Tea Alliance Thailand က ထုတ်ပြန်လာသည်။ အဆိုပါ ဆန္ဒပြပွဲ ယနေ့ ညနေ ၄ နာရီမှာ ကျင်းပသွားမည်ဟု သိရပြီး အဆိုပါအဖွဲ့သည် ထိုင်းတက္ကသိုလ်က ကျောင်းသားလူငယ်များ စုဖွဲ့ထားသော အဖွဲ့ဖြစ်ပြီး အာရှဒေသတွင်း ဒီမိုကရေစီအရေးလှုပ်ရှားနေသည့် အဖွဲ့လည်းဖြစ်သည်။ မြန်မာနိုင်ငံကို အမုန်းပွားဖို့ ရည်ရွယ်ချက်ရှိရှိ ဖန်တီးထားတဲ့ သတင်းအတုတွေနဲ့ ထိုင်းလူမျိုးတွေအပေါ် လှုံ့ဆော်နေတာကိုလည်း ရပ်ကြရန် Milk Tea Alliance Thailand ၏ ထုတ်ပြန်ချက်တွင် ရေးသားထားသည်။
ပြည်ပနိုင်ငံများနှင့် တိုင်းရင်းသားလက်နက်ကိုင် ဒေသများသို့ ရောက်ရှိတိမ်းရှောင်နေသူများကို စစ်ကောင်စီ ပြန်ခေါ်
မြန်မာစစ်တပ်က စစ်အာဏာသိမ်းကာလအတွင်း တိုင်းရင်းသားလက်နက်ကိုင်အဖွဲ့များ၏ ဒေသများနှင့် ပြည်ပနိုင်ငံများသို့ ရောက်ရှိ တိမ်းရှောင်နေကြသော ပြည်သူလူထုများအနေဖြင့် မြန်မာနိုင်ငံသို့ ပြန်လာနိုင်ကြောင်း စစ်ကောင်စီက ခေါ်ယူနေသည်။ ယနေ့ ဇန်နဝါရီလ ၃ ရက်နေ့တွင် စစ်ကောင်စီက EAO နှင့် ပြည်ပနိုင်ငံများသို့ အကြောင်းအမျိုးမျိုးကြောင့် ရောက်ရှိနေသူများအားလုံးကို မြန်မာနိုင်ငံသို့ ပြန်လာနိုင်ကြောင်း ခေါ်ယူနေခြင်းဖြစ်သည်။ ၂၀၂၁ ဖေဖော်ဝါရီလ ၁ ရက်နေ့ နောက်ပိုင်း ကျောင်းသား၊ ကျောင်းသူလူငယ်လူရွယ်များ၊ နိုင်ငံ့ဝန်ထမ်းများနှင့် နိုင်ငံသားများမှာ EAO များတည်ရှိရာနေရာများနှင့် ပြည်ပနိုင်ငံများသို့ စိုးရိမ်စိတ်ဖြင့် တိမ်းရှောင်သွားကြသည်ဟု စစ်ကောင်စီက ထုတ်ပြန်ထားသည်။ NLD ပါတီဝင်များ ထောက်ခံသူများ၊ CRPH နှင့် NUG တို့အပါအဝင် ပြည်တွင်း၊ ပြည်ပမှ