ရခိုင်ပြည် ကျောက်ဖြူမြို့နယ် စနဲမြို့က ပြည်သူ့ဆေးရုံကြီးကို အာဏာသိမ်း စစ်ကောင်စီက ယနေ့ မတ်လ ၁၀ ရက်နေ့ နံနက်ပိုင်းတွင် ဒရုန်းနှင့် ဗုံးကြဲတိုက်ခိုက်ခဲ့ကြောင်း သိရသည်။ ကျောက်ဖြူမြို့အနီးရှိ စစ်ကောင်စီ၏ အမှတ် ၁၈ တောင်မော်ကြီး ရေတပ်စခန်းမှ သေခံဒရုန်းနှစ်စီးဖြင့် ဗုံးကြဲတိုက်ခိုက်ခဲ့ခြင်းဖြစ်ပြီး ဆေးရုံပျက်စီးသွားကြောင်း သိရသည်။ “ဗုံးသီးတွေက ခွဲစိတ်ခန်းထဲတယ်။ တခြားခေါင်မိုးတွေလည်း ကျတယ်။ ခွဲစိတ်ခန်းကပျက်စီးသွားပြီးတော့ ခေါင်မိုးတွေ ပျက်စီးသွားတယ်။ နံနက် ၃ နာရီလောက်မှာ စစ်ကောင်စီက ဗုံးလာကြဲခဲ့တာဖြစ်တယ်” ဟု ဒေသခံတစ်ဦးက ပြောသည်။ ကျောက်ဖြူမြို့နယ်ရှိ စစ်ကောင်စီ၏ ဓညဝတီရေတပ်အနီး တစ်ဝိုက်တွင် စစ်ကောင်စီတပ်နှင့် AA တို့်မှာ တိုက်ပွဲဖြစ်ပွားနေကြပြီး စစ်ကောင်စီဘက်က အရပ်သားနေ ကျေးရွာများ၊