တောင်ကုတ်ဒေသခံ တစ်ဦး ပြင်ဦးလွင်မြို့တွင် ဖမ်းဆီးခံရ
ရခိုင်ပြည် တောင်ကုတ်ဒေသခံ ပြင်ဦးလွင်မြို့တွင်နေထိုင်သော ကိုနေစိုး (ခေါ်) သူရိယစိုး ကို CRPH, NUG နှင့် ဆက်စပ်သည်ဆိုပြီး စစ်ကောင်စီက ဖမ်းဆီးသွားကြောင်း သိရသည်။ မတ်လ ၁၇ ရက်နေ့ထုတ် စစ်ကောင်စီ၏ ဝါဒဖြန့် သတင်းစာ မြန်မာ့အလင်းတွင် စစ်ကောင်စီက ဖော်ပြထားသည်။ CRPH, NUG နှင့် ပတ်သက်ဆက်နွယ်သည်ဆိုပြီး နိုင်ငံတော်တည်ငြိမ်အေးချမ်းရေးကို ပျက်ပြားစေရန် ရည်ရွယ်ကာ လူမှုကွန်ရက်တွင် ဝါဒဖြန့်လှုံ့ဆော် ရေးသားသည်ဟု ခေါင်းစဉ်ဖြင့် စစ်ကောင်စီက ကိုနေစိုးအား ဖမ်းဆီးသွားသည်။ မတ်လ ၁၅ ရက် နေ့လယ် ၃ နာရီအချိန်ခန့်က ပြင်ဦးလွင်မြို့ယ် ရေချမ်းအိုးကျေးရွာတွင် ဖမ်းဆီးခဲ့ကြောင်း စစ်ကောင်စီက သတင်းထုတ်ပြန်ထားသည်။ ကိုနေစိုး အား
နေရပ်ပြန်လာသည့် တောင်ကုတ်က ပြည်သူများကို ဗုံးခိုကျင်းများ တူးထားရန် AA က အသိပေး
Western News| မတ် ၁၃ စစ်ရှောင်နေရာမှ နေရပ်ပြန်လာကြသည့် ရခိုင်ပြည် တောင်ကုတ်မြို့က ဒေသခံပြည်သူများမှာ မိမိအိမ်တွင် ဗုံးခိုကျင်းများ တူးထားကြရန် အာရက္ခတပ်တော် AA က အသိပေးတိုက်တွန်းနေသည်။ အိုးအိမ်စွန့်ခွာ တိမ်းရှောင်နေရသည့် တောင်ကုတ်မြို့က ပြည်သူများအနေဖြင့် မြို့ထဲသို့ ပြန်လည်ဝင်ရောက် နေထိုင်နိုင်ပြီဖြစ်ကြောင်း သိရသည်။ “ဖေဖော်ဝါရီလ ကတည်းက စစ်ရှောင်တွေကို မြို့ထဲသို့ ဝင်ရောက်နေထိုင်ခွင့် တပ်တော်က ခွင့်ပြုလိုက်ပါပြီ။ ဒေသခံတွေကလည်း ပြန်လာနေကြပါတယ်။ အိမ်တိုင်းမှာ ဗုံးခိုကျင်းတွေ တူးထားဖို့လည်း တပ်တော်က နှိုးဆော်ထားပါတယ်။ လေကြောင်းအန္တရာယ်ကိုလည်း အထူးဂရိုက်စိုက်ကြဖို့ မှာကြားနေတာရှိပါတယ်။ မိုင်းတွေကြောင့် တားမြစ်ထားတဲ့ နေရာတွေကို မသွားဖို့ ပြောဆိုတာတွေလည်းရှိပါတယ်” ဟု တောင်ကုတ်ဒေသခံတစ်ဦးက ပြောသည်။ ပြည်သူများ
တောင်ကုတ် ကမ်းဒေးရွာ ဗုံးကြဲခံရ၍ စာသင်ကျောင်းပျက်စီး
ရခိုင်ပြည် တောင်ကုတ်မြို့နယ် ကမ်းဒေးကျေးရွာကို စစ်ကောင်စီ လေကြောင်းက ဗုံးကြဲခဲ့၍ စာသင်ကျောင်းပျက်စီးသွားကြောင်း သိရသည်။ ယနေ့ ဒီဇင်ဘာလ ၆ ရက် နေ့လယ် ၁၂ နာရီအချိန်က ဂျက်ဖိုက်တာ ၁ စီးဖြင့် စစ်ကောင်စီက ဗုံးကြဲတိုက်ခိုက်ခဲ့သည်။ အရပ်သားထိခိုက်သေဆုံးမှု ရှိမရှိကို မသိရသေးသော်လည်း ကျေးရွာရှိ စာသင်ကျောင်းမှာ လုံးဝပျက်စီးသွားကြောင်း သိရသည်။ အာဏာသိမ်း စစ်ကောင်စီသည် နိုင်ငံအနှံ့တွင် အရပ်သားပြည်သူများနေထိုင်ရာ မြို့ရွာများနှင့် ဆေးရုံဆေးခန်း၊ စာသင်ကျောင်း စသဖြင့် အများပြည်သူအသုံးပြုရာ အဆောက်အဦးများကို အဓိက ပစ်မှတ်ထား တိုက်ခိုက်နေသည်။
တောင်ကုတ်မှာ စစ်ကောင်စီ ဗုံးကြဲ၍ အရပ်သား ၂ ဦးသေဆုံးပြီး ၁၉ ဦး ဒဏ်ရာ
ရခိုင်ပြည် တောင်ကုတ်မြို့နယ် ခရိုင်ကျေးရွာကို အာဏာသိမ်း စစ်ကောင်စီက လေကြောင်းဗုံးကြဲတိုက်ခိုက်၍ အပြစ်မဲ့အရပ်သား ၂ ဦးသေဆုံးပြီး ၁၉ ဦးထက်မနည်း ပြင်းထန်ဒဏ်ရာများ ရရှိသွားကြောင်း သတင်းရင်းမြစ်များထံမှ သိရသည်။ ခရိုင်ကျေးရွာကို ဒီဇင်ဘာလ ၁ ရက်နေ့ ညနေ ၃ နာရီကျော်အချိန်တွင် ဗုံး ၄ လုံးထက်မနည်း ကြဲချတိုက်ခိုက်ခဲ့ကြောင်း သိရသည်။ ခရိုင်ကျေးရွာသည် တောင်ကုတ်မြို့ထဲ တိုက်ပွဲပြင်းထန်နေခြင်းကြောင့် မြို့ပေါ်ဒေသခံများအပါအဝင် အခြားသော အရပ်သားပြည်သူများ စစ်ရှောင်နေကြသော ကျေးရွာလည်းဖြစ်သည်။ သတင်းအပြည့်အစုံကို ဆက်လက်စုံစမ်းနေဆဲဖြစ်ပြီး လတ်တလောတွင် ထိခိုက်ဒဏ်ရာရရှိသူများထဲမှာ စိုးရိမ်ရသူများပါဝင်နေပြီး အရေးပေါ်ဆေးကုသမှုများကို ခံယူနေရသည်ဟု သတင်းရင်းမြစ်များက ပြောဆိုကြသည်။
တောင်ကုတ်က စစ်ကောင်စီတပ်ရင်းများ ရိက္ခာပြတ်လပ်ပြီး လက်နက်ချ အလင်းဝင်သူများရှိနေဟုဆို
ရခိုင်ပြည် တောင်ကုတ်မြို့မှာ အာဏာသိမ်း စစ်ကောင်စီတပ်နှင့် အာရက္ခတပ်တော် AA တို့ တိုက်ပွဲပြင်းထန်နေပြီး စစ်ကောင်စီတပ်ရင်းများမှာ ရိက္ခာပြတ်လပ်သွား၍ လက်နက်ချအလင်းဝင်သူများရှိနေကြောင်း စစ်ရေးသတင်းရင်းမြစ်များက ပြောသည်။ တောင်ကုတ်မှာ စကခ ၅ တပ်မ၊ ခမရ ၅၄၄ တပ်ရင်းနှင့် ခမရ ၃၄၆ တပ်ရင်းတို့ အဓိက သုံးခုရှိသည့်အပြင် ထောက်ပို့တပ်၊ မိုင်းရှင်းလင်းရေးတပ်နှင့် ဆက်သွယ်ရေးတပ်တို့ရှိကြပြီး တပ်သားအင်အား ၇၀၀ ကျော်ရှိကြောင်း စစ်ရေးသတင်းရင်းမြစ်များက ခန့်မှန်းထားကြသည်။ တောင်ကုတ်မြို့က အဆိုပါတပ်အားလုံးကို အာရက္ခတပ်တော် AA က လနှင့်ချီ ဝိုင်းရံပိတ်ဆို့ ဖြတ်တောက်ပြီးနောက် အောက်တိုဘာလ ၃၀ ရက်နေ့ကစ၍ အရှိန်မြှင့်ထိုးစစ်ဖြင့် တိုက်ခိုက်ခဲ့သည်။ စကခ ၅ တပ်မကို ကာရံထားသော
တောင်ကုတ်မြို့ထဲက တပ်စခန်းများအားလုံး တပ်မသို့ ဆုတ်ခွာ
(စစ်ကောင်စီ လေကြောင်းပစ်ခတ်မှုကြောင့် တောင်ကုတ်မြို့ထဲနေအိမ် အများအပြား ပျက်စီး) ရခိုင်ပြည် တောင်ကုတ်မြို့သိမ်းတိုက်ပွဲကို အာရက္ခတပ်တော် AA က ဆင်နွှဲနေပြီး စကခ ၅ တပ်မနှင့် တပ်ရင်းနှစ်ခုက လွဲပြီး တောင်ကုတ်မြို့ထဲက စစ်ကောင်စီတပ်စခန်းများ၊ အမြောက်စခန်းများကို ထိန်းချုပ်လိုက်ပြီဟု စစ်ရေးသတင်းရင်းမြစ်များက ပြောသည်။ တောင်ကုတ်မြို့နှင့် စကခ ၅ တပ်မကို အဓိက ကာရံထားသော ပန်းမြောက်တောင် အမြောက်စခန်း၊ သဲခံတောင် အမြောက်စန်း၊ တက္ကသိုလ်မောင်းတံဂိတ်၊ တောင်ကုတ်တက္ကသိုလ် အမြောက်စခန်း၊ ဆီးကိုင်တောင် (နတ်မော်) တပ်စခန်း၊ အာလိန်ငါးဆင့်ကျောင်းတိုက် တပ်စခန်းနှင့် ဖုံညိုစစ်ရေးဂိတ်တို့ကို AA က နိုဝင်ဘာလ အစောပိုင်းတွင် ထိန်းချုပ်ပြီးနောက် တောင်ကုတ်မြို့ထဲသို့ ဝင်ရောက်ထိုးစစ်ဆင်ခဲ့သည်။ အဆိုပါ တပ်စခန်းများမှ
တောင်ကုတ် သင်္ချီကိုင်းရွာ ဗုံးကြဲခံရ၊ ရွာသား ၄ ဦးသေဆုံး
ရခိုင်ပြည် တောင်ကုတ်မြို့မှာ တိုက်ပွဲပြင်းထန်နေသော်လည်း စစ်ရေးပစ်မှတ်မဟုတ်သော အရပ်သားနေ ကျေးရွာ သင်္ချီကိုင်းရွာကို စစ်ကောင်စီက ဗုံးကြဲတိုက်ခိုက်၍ အပြစ်မဲ့အရပ်သား ၄ ဦးသေဆုံးသွားကြောင်း သိရသည်။ သင်္ချီကိုင်းကျေးရွာမှာ နိုဝင်ဘာလ ၁၉ ရက် နံနက်ပိုင်းက ဗုံးကြဲခံရ၍ အရပ်သားများ ထိခိုက်သေဆုံးမှုရှိကြောင်း ဒေသခံ သတင်းရင်းမြစ်များက ပြောဆိုထားကြသည်။ “သင်္ချီကိုင်းရွာ ဗုံးကြဲခံရလို့ အရပ်သား ၄ ဦးသေဆုံးခဲ့ရပါတယ်။ ဒဏ်ရာရတဲ့သူတွေလည်း ရှိပါတယ်။ နေအိမ်တွေလည်း မီးလောင်ဆုံးရှုံးသွားတာရှိပါတယ်။ သင်္ချီကိုင်းရွာက အရင် စစ်ကောင်စီတပ်ဖွဲ့ဝင်တွေ မီးရှို့ခဲ့တဲ့ ဒုံရွာနဲ့နီးပါတယ်” ဟု ပြောသည်။ စစ်ကောင်စီ ဗုံးကြောင့် သေဆုံးသွားသည့် သင်္ချီကိုင်းရွာသားများမှာ ကိုရင်ဂို၊ မရွှေရည်ဝင်း၊ မဒေစီမြင့်နှင့် မသန်းသန်းအေး တို့ဖြစ်ကြပြီး အသက်အရွယ်မှာ