ရခိုင်ပြည် တောင်ကုတ်မြို့မှာရှိသည့် တောင်ကုတ်တက္ကသိုလ်မှာ အာဏာသိမ်း စစ်ကောင်စီက အမြောက်အထိုင်ချ တပ်စွဲထားပြီး အာရက္ခတပ်တော် AA အား ခုခံတိုက်ခိုက်ရန် ပြင်ဆင်ထားကြောင်း ခိုင်မာသည့် သတင်းရင်းမြစ်များက ပြောသည်။ ဇွန်လ နောက်ဆုံးအပတ်က တောင်ကုတ်တက္ကသိုလ်ထဲ ဝင်ရောက်လာသည့် စစ်ကောင်စီတပ်သား အင်အား ၃၀ ကျော်ခန့်မှာ လက်ရှိတွင် အင်အား ၁၀၀ ကျော်အထိ တိုးမြှင့်ကာ အမြောက်များဖြင့် အခိုင်အမာအထိုင်ချ တပ်စွဲလိုက်ပြီဟု သတင်းရင်းမြစ်တစ်ဦးက ပြောသည်။” စစ်ကောင်စီဟာ တောင်ကုတ်တက္ကသိုလ်ထဲမှာ အမြောက် ၃ ခုထက်မနည်း အထိုင်ချတပ်စွဲထားတယ်။ တက္ကသိုလ်က မြို့အဝင်မှာဆိုတော့ စစ်ကောင်စီအတွက် ခုခံတိုက်ခိုက်ဖို့ အကောင်းဆုံး နေရာပဲလေ။ တက္ကသိုလ်နဲ့ သိပ်မဝေးတဲ့ မောင်းတံဂိတ်မှာလည်း ဗန်ကာတွေ အများကြီးတူးထားတယ်။

(မိုးပညာဒါန ပရဟိတကျောင်း ထိခိုက်ပျက်စီး) ရခိုင်ပြည် တောင်ကုတ်မြို့နယ်တွင် တိုက်ပွဲတစ်စုံတစ်ရာမရှိဘဲ အာဏာသိမ်း စစ်ကောင်စီသည် တောင်ကုတ်မြို့နှင့် ၁၀ မိုင်ခန့် ဝေးသည့် မိုးတောင်တန်းကို ယနေ့ ဩဂုတ်လ ၁၆ ရက် နံနက် ၃ နာရီကျော်အချိန်က ဗုံးကြဲတိုက်ခိုက်ခဲ့ကြောင်း ဒေသခံများထံမှ သိရသည်။ မိုးတောင်တန်းကို ဗုံး ၅ လုံးထက်မနည်း ကြဲချခဲ့ပြီး မိုးတောင်ပေါ်ရှိ မိုးပညာဒါန ပရဟိတ ဘုန်းတော်ကြီးကျောင်း ထိခိုက်ပျက်စီးသွားကြောင်း အမည်မဖော်လိုသည့် အသက် ၄၅ နှစ်အရွယ် မြို့ခံတစ်ဦးက ပြောသည်။ ” ဒီနေ့ နံနက်ပေါ့ အာရုဏ်ပေါ့နော် ၃ နာရီ ၁၅ မိနစ်မှာ ၁ လုံးကြဲတယ်။ ၁၉

ရခိုင်ပြည် တောင်ကုတ်မြို့နယ် ကံဆိပ်တောင်ကျေးရွာတွင် ကျေးရွာအတွင်းရှိနေသည့် မပေါက်ကွဲသေးသည့် ဗုံးသီး ၂ လုံးအားဖယ်ရှားနိုင်မှုမရှိဘဲရှိနေကြောင်း ကျေးရွာသားများကပြောသည်။ အဆိုပါ ဗုံးသီး ၂ လုံးမှာ ပြီးခဲ့သည့် ဇွန်လ ၁၈ ရက်နေ့ မွန်းလွဲ ၁၀ နာရီဝန်းကျင်က စစ်ကောင်စီတပ်မှ လေယာဉ်ဖြင့် လာရောက်ပစ်ခတ်ရာတွင် မပေါက်ကွဲဘဲကျန်ရှိခဲ့သည့် ဗုံးသီးများဖြစ်သည်။ အဆိုပါဗုံးသီး ၂ လုံးမှာ ရွာ၏ အရှေ့အနောက်ဖက်တို့တွင် တစ်နေရာစီရှိနေပြီး ဖယ်ရှားမည့်သူလည်းမရှိ၍ အဆိုပါနေရာအတိုင်းသာရှိနေရသည်ဟု ကျေးရွာသားတစ်ဦးကပြောသည်။ “အဲ့ဒါကို နည်းနည်းခပ်လှမ်းလှမ်းလောက်ကနေခြံခတ်ထားကြတယ်။ ဘယ်သူမှမထိရဲတော့ ဒီအတိုင်းအဆင်ပြေမယ်လို့ထင်သလိုလုပ်ထားကြရတာပဲ။ နေရာကတော့ ဘုန်းတော်ကြီးကျောင်းဖက်မှာ ၁ လုံးနောက် ရွာအနောက်ဖက်မှာ ၁ လုံးရှိနေတယ်။ ရွာသားတွေကတော့ စိုးရိမ်နေကြတာပေါ့။ မတော်လို့ပေါက်ကွဲလာရင်သေနိုင်တဲ့အရာတွေပဲလေ” ဟုပြောသည်။ ကံဆိပ်တောင်ကျေးရွာမှာ

ရခိုင်ပြည် တောင်ကုတ်မြို့နယ် နေပူတောင်အနီးတစ်ဝိုက်တွင် အာရက္ခတပ်တော် AA နှင့် စစ်ကောင်စီတပ်တို့ ယမန်နေ့ ဇွန်လ ၂၀ ရက်နေ့ နံနက်ပိုင်းကစ၍ ယနေ့ နံနက်ပိုင်းအထိ ထိတွေ့တိုက်ပွဲ ဖြစ်ပွားနေကြောင်း စုံစမ်းသိရသည်။ ပြည်ဘက်က ဆင်းလာသော အင်အား ၁၅၀ ကျော်ပါ စစ်ကောင်စီ စစ်ကြောင်းကို AA က ကြားဖြတ်တိုက်ခိုက်ရာမှ နှစ်ဖက်ထိတွေ့တိုက်ပွဲများ ဖြစ်ပွားနေသည်ဟု တောင်ကုတ်စစ်ရေးသိသူတစ်ဦးက ပြောသည်။ ” နေပူတောင်အနီးမှာ နေပူတောင်စခန်းငယ်တစ်ခုရှိတယ်။ ပြည်ဘက်ကနေ ရိုးမတောင်ဖြတ်ပြီး နေပူတောင်စခန်းလာတဲ့ အင်အား ၁၅၀ ပါတဲ့ စစ်ကောင်စီ စစ်ကြောင်းကို AA က ကြားဖြတ်တိုက်ခိုက်နေတယ်လို့ သိရတယ်။ ဒီနေ့ မနက်အထိ တိုက်ပွဲက ရှိနေတုန်းပဲလို့ဆိုတယ်။