ဘန်ကောက် ကားပစ္စည်းရုံတွင် နိုင်ငံကူးလက်မှတ် သက်တမ်းတိုးရန် တစ်ဦး ထိုင်းဘတ် ၁၃,၀၀၀ တောင်းခံနေ၍ မြန်မာအလုပ်သမား ၄၀၀ ကျော် ဆန္ဒပြ
ထိုင်းနိုင်ငံ၊ ဘန်ကောက်မြို့၊ စမွန်ပကန်ခရိုင်ရှိ ကားပစွည်းထုတ်လုပ်ရေးစက်ရုံတွင် နိုင်ငံကူးလက်မှတ် သက်တမ်းတိုးရန်အတွက်ဟုဆိုကာ တစ်ဦးလျှင် ထိုင်းဘတ် ၁၃၀၀၀ တောင်းခံနေ၍ မြန်မာအလုပ်သမား ၄၀၀ ကျော်ဆန္ဒပြကြကြောင်း အလုပ်သမားများက ပြောသည်။ယနေ့ ဒီဇင်ဘာလ ၄ ရက်နေ့ ဘန်ကောက်မြို့၊ စမွန်ပကန်ခရိုင် စွယ်ပီတာအနီးရှိ CH AUTO PART ကုမ္ပဏီ၏ ကားပစွည်းထုတ်လုပ်ရေးရုံတွင် အလုပ်လုပ်ကိုင်နေသည့် မြန်မာလုပ်သား ၄၀၀ ကျော်ထံမှ နိုင်ငံကူးလက်မှတ် သက်တမ်းတိုးရန်အတွက် စက်ရုံကိုယ်စားလှယ်က တစ်ဦးလျှင် ထိုင်းဘတ် ၁၃၀၀၀ အထိ တောင်းခံနေသည်။ နိုင်ငံကူးလက်မှတ် သက်တမ်းတိုး ကုန်ကျစရိတ်သည် ထိုင်းဘတ် ၈၅၀၀ ဝန်းကျင်သာ ကုန်ကျသော်လည်း ထိုင်းဘတ် ၁၃၀၀၀ အထိ တောင်းခံနေခြင်းဖြစ်ကြောင်း သိရသည်။
ထိုင်းငါးဖမ်းစက်လှေများကို ပစ်ခတ်ဖမ်းဆီးခဲ့ဟု စစ်ကောင်စီ ဝန်ခံ
ထိုင်းငါးဖမ်းစက်လှေများကို မြန်မာရေတပ်က လုပ်ထုံးလုပ်နည်းနှင့်အညီ ပစ်ခတ်ဖမ်းဆီးခဲ့သည်ဟု စစ်ကောင်စီ ပြောခွင့်ရ ဗိုလ်ချုပ်ဇော်မင်းထွန်းက ဒီဇင်ဘာလ ၂ ရက်နေ့တွင် ဝန်ခံပြောဆိုထားသည်။ ထိုင်းအစိုးရနှင့် ထိုင်းမီဒီယာများ ပြောဆိုသလို ထိုင်းရေပိုင်နက်အတွင်းသို့ မြန်မာရေတပ်က ဝင်ရောက်ဖမ်းဆီးခြင်းမျိုးမဟုတ်ဘဲ မြန်မာ့ရေပိုင်နက်အတွင်းသို့ ထိုင်းငါးဖမ်းစက်လှေများက ကျူးကျော်ဝင်ရောက် ငါးဖမ်းခြင်းကြောင့် ဖမ်းဆီးခြင်းဖြစ်သည်ဟု ၎င်းက တုန့်ပြန်ထားသည်။ စစ်ကောင်စီ ပြောခွင့်ရ ဗိုလ်ချုပ်ဇော်မင်းထွန်းက “မြန်မာရေတပ်က ထိုင်းရေပိုင်နက်ထဲ ဝင်ရောက်ပြီး ငါးဖမ်းစက်လှေကို ဖမ်းဆီးခဲ့တာ မဟုတ်ပါဘူး။ မြန်မာ့ရေပိုင်နက်ထဲ ဝင်ရောက်ငါးဖမ်းနေတဲ့ ထိုင်းငါးဖမ်းစက်လှေတွေကို လုပ်ထုံးလုပ်နည်းနဲ့အညီပဲ ဖမ်းဆီးခဲ့တာဖြစ်ပါတယ်။ နောက်တစ်ခုကတော့ ထိခိုက်သေဆုံးမှုများ မရှိခဲ့ပါဘူး” ဟု ပြောသည်။ ကော့သောင်းမြို့နယ် ကြက်မောင်ကျွန်း မြောက်ဘက်ထိပ် အရှေ့အမြောက်ဘက် ၃ မိုင်ခန့်အကွာ မြန်မာ့ရေပိုင်နက်အတွင်း
ထိုင်းရေလုပ်သားများကို ပစ်ခတ်ဖမ်းဆီးမှု စစ်ကောင်စီ သံအမတ်ကို ထိုင်းဝန်ကြီးချုပ် ဆင့်ခေါ်
(မြန်မာရေတပ်၏ လုပ်ရပ်အပေါ် ကန့်ကွက်ကြောင်းနှင့် ဖမ်းဆီးထားသူများကို ပြန်လွှတ်ပေးရန် တောင်းဆို) ထိုင်းငါးဖမ်းစက်လှေများကို မြန်မာစစ်သင်္ဘောက ပစ်ခတ်ဖမ်းဆီးကို ထိုင်းဝန်ကြီးချုပ် ပေထုန်တန်က ကန့်ကွက်ပြောဆိုပြီး ရှင်းလင်းချက်ပေးရန် စစ်ကောင်စီ ထိုင်းသံအမတ်ကို ဆင့်ခေါ်တောင်းဆိုထားကြောင်း သိရသည်။ နိုတင်ဘာလ ၃၀ ရက်က မြန်မာစစ်သင်္ဘောများက ထိုင်းငါးဖမ်းစက်လှေများကို ပစ်ခတ်ဖမ်းဆီးစဉ် ထိုင်းရေလုပ်သား ၁ ဦးသေဆုံးကာ ၂ ဦးမှာ ဒဏ်ရာရရှိသွားကြောင်းနှင့် ၃၁ ဦးမှာ ဖမ််းဆီးခံထားရသည်။ ဖမ်းဆီးသွားသော ထိုင်းရေလုပ်သား ၃၁ ဦးထဲတွင် ထိုင်းနိုင်ငံသား ၄ ဦးနှင့် မြန်မာနိုင်ငံသား ၂၇ ဦးပါပြီး ထိုင်းနိုင်ငံသားများကို အမြန်ဆုံးပြန်လွှတ်ပေးရန် စစ်ကောင်စီ သံအမတ်ကို ထိုင်းဝန်ကြီးချုပ်က တောင်းဆိုထားသည်။ မြန်မာစစ်သင်္ဘောများက မြန်မာ့ရေပိုင်နက်သို့