ပလက်ဝမြို့နယ်မှာ ဆေးဝါးများပြတ်လပ်နေ၍ အရပ်သားသေဆုံးမှုရှိလာပြီး ဖျားနာသူ၊ ဝမ်းပျက်ဝမ်းလျော့ ရောဂါဖြစ်ပွားနေသူ အများအပြားရှိနေကြောင်းလည်း ကူညီပေးနေသူများထံမှ သိရသည်။ မြို့နှင့်အလှမ်းဝေးသည့် ကျေးရွာများတွင် ဆေးခန်းများရှိသော်လည်း ကျွမ်းကျင်ဝန်းထမ်းများနှင့် ဆေးဝါးများ မရှိသောကြောင့် ရောဂါဖြစ်ပွားသူနေများမှာ ဆေးကုသရန် အခက်အခဲဖြစ်နေကြသည်ဟု သိရသည်။ လုံလောက်ဆေးဝါးများ မရှိခြင်းကြောင့် ပလက်ဝမြို့နယ် ခိုက်ခါအုပ်စု ကျေးတောရွာမှာ ဖေဖော်ဝါရီလ ၁၂ ရက်နေ့က အသက် ၆ နှစ်အရွယ် ကလေးငယ်တစ်ဦး သေဆုံးသွားခဲ့ရသည်ဟု ဒေသခံတစ်ဦးက ပြောသည်။ “ကလေးက ရိုးရိုးဖျားနာတာပါ။ ဆေးဝါးလည်းမရှိ‌ဘူး။ မြို့တက်ပြီးတော့လည်း ဆေးမကုဖြစ်ဘူး။ ပြန်ကောင်းလာမလားဆိုပြီးစောင့်ကြည့်ရင်းနဲ့ တစ်ပတ်အကြာမှာ ရောဂါက အရမ်းဆိုးဝါးလာလို့ မြောက်ဦးဆေးရုံကို သွားတဲ့လမ်းမှာ သေဆုံးခဲ့ရတာပါ။ ပလက်ဝမှာ နောက်ထပ် နေမကောင်းဖြစ်တဲ့သူတွေ အများကြီးရှိပါတယ်။

ပလက်ဝ-အိန္ဒိယ ရေလမ်းကြောင်း အိန္ဒိယဘက်က တင်းကျပ်နေ၍ ရခိုင်ကုန်သည်များ အခက်ကြုံနေရပြီး ထိခိုက်မှု အချို့ ရှိကြောင်း သိရသည်။ ရခိုင်ပြည်အတွင်းက ကုန်သည်များမှာ ပလက်ဝမြို့ကတစ်ဆင့် အိန္ဒိယသွားပြီး ကုန်များယူကာ ရခိုင်ပြည်အနှံ့ စားသောက်ကုန်းများ၊ ဆေးဝါးများနှင့် လူသုံးကုန်ပစ္စည်းများ ဖြန့်ဝေရောင်းချနေကြသည်။ လက်ရှိတွင် အဓိက ကုန်သွယ်ရေးလမ်းကြောင်းဖြစ်တစ်ခုဖြစ်သည့် ပလက်ဝ-အိန္ဒိယ မီဇူရမ်ပြည်နယ် လောင်တခရိုင် ရေကြောင်းလမ်းကို အိန္ဒိယဖက်က တင်းကျပ်လိုက်၍ ရခိုင်ကုန်သည်များမှာ ကုန်သွယ်ရေး အခက်အခဲကြုံနေရသည်ဟု ကျောက်တော်ဒေသခံ ကုန်သည်တစ်ဦးက ပြောသည်။ “ပြီးခဲ့တဲ့ အပတ်တွေကစပြီး လောင်တလိုင်ခရိုင်မှာ အာသံဖက်က တပ်တွေက လုံခြုံရေးတိုးမြှင့်ပြီး စစ်ဆေးရေးဂိတ်တွေ တိုးချထားတယ်လို့ ပြောကြတယ်။ ဒါကြောင့် သွားလာရေး ဂရုစိုက်ဖို့ ကုန်သည်တွေကြား ပြောနေကြတယ်။ အခု