ယနေ့ နံနက် ပေါက်တောနှင့် ပုဏ္ဏားကျွန်း ဗုံးကြဲခံရ
(နေအိမ်များပျက်စီးပြီး အရပ်သား ၂ ဦး ဒဏ်ရာရ) ယနေ့ အောက်တိုဘာလ ၈ ရက် နံနက် အစောပိုင်းက ပေါက်တောမြို့နယ်နှင့် ပုဏ္ဏားကျွန်းမြို့နယ်ကို စစ်ကောင်စီလေကြောင်းက တစ်ပြိုင်တည်း ဗုံးကြဲတိုက်ခိုက်ခဲ့ကြောင်း သိရသည်။ ပေါက်တောမြို့နယ် နတ်တောင်ပြင်ကျေးရွာကို စစ်ကောင်စီက ဂျက်ဖိုက်တာ တစ်စီးဖြင့် ဗုံးကြဲတိုက်ခိုက်ခဲ့ကြောင်း ဒေသခံတစ်ဦးက ပြောသည်။ ” နံနက် ၁ နာရီကျော်လောက်မှာ ဂျက်ဖိုက်တာတစ်စီးနဲ့ ဗုံးကြဲခဲ့တာပါ။ ကျေးရွာအတွင်း ဘုန်းတော်ကြီးကျောင်း၊ လူနေအိမ်အချို့ ထိခိုက်ခဲ့ပါတယ်။ ရွာသား ဦးအောင်ကျော်သိန်းမှာ ဗုံးစထိမှန်လို့ ဒဏ်ရာ အနည်းငယ် ရသွားပါတယ်။ ရွာကို ရည်ရွယ်ချက်ချက် ရှိရှိနဲ့ ဗုံးလာတာပါ။ ” ဟု ပြောသည်။ ယင်းအပြင် နံနက်