ULA/AA ၏ မင်းပြားမြို့ ရာမောင် စခန်းမှူးက အရပ်သားနှစ်ဦးကို ကျည်ထိုးထားသော သေနတ်ဖြင့်ချိန်ပြီး ဖမ်းဆီးသွား
အမျိုးသမီးတစ်ဦး၏ တိုင်ကြားချက်ဖြင့် ရခိုင်ပြည် မင်းပြားမြို့နယ် တံခွန်တိုင်ကျေးရွာက အရပ်သားနှစ်ဦးကို သေနတ်ထောက်ပြီး အာရက္ခတပ်တော် AA မင်းပြားမြို့နယ် ရာမောင်ရဲစခန်းမှူး ဦးကျော်ကျော်သန်းက ဖမ်းဆီးသွားကြောင်း သိရသည်။ မတ်လ ၁၈ ရက်နေ့က စခန်းမှူး ဦးကျော်ကျော်သန်း ဦးဆောင်သော ရဲတပ်ဖွဲ့ဝင် ၃ ဦးက အုပ်ချုပ်ရေးမှူးနေအိမ်သို့ လာရောက်ဖမ်းဆီးသွားခြင်းဖြစ်သည်ဟု ဖမ်းဆီးခံရသူများ၏ မိသားစုဝင်များက ပြောသည်။ စခန်းမှူး ဦးကျော်ကျော်သန်း ဦးဆောင်သော ရဲတပ်အဖွဲ့သည် တိုင်ကြားသူ အမျိုးသမီး၏ နေအိမ်တွင် နေ့လယ်စာ ထမင်းစားပြီးနောက် ကျည်ထိုးထားသော သေနတ်ဖြင့် ချိန်ပြီး ရွာသားနှစ်ဦးအား ဖမ်းဆီးသွားခြင်းဖြစ်သည်။ ဖမ်းဆီးခံ မိသားစုဝင်တစ်ဦးက “မတ်လ ၁၈ ရက်နေ့က ညနေ ၃ နာရီလောက်ရှိမယ်။