ရခိုင်ပြည် မင်းပြားမြို့နယ် မွတ်ဆလင်ကျေးရွာ လက်မအုပ်ချုပ်ရေးမှူးဖြစ်သူကို ဂိုဏ်းတစ်ခု၏ သတ်ဖြတ်ခံရမှုကြောင့် သေဆုံးသွားကြောင်း ဒေသခံများထံမှ သိရသည်။ အသက် ၃၅ နှစ်အရွယ်ရှိ လက်မကျေးရွာ အုပ်ချုပ်ရေးမှူး ဦးမောင်သိန်းနိုင်ကို မွတ်ဆလင်ဂိုဏ်းတစ်ခုမှ ဖေဖော်ဝါရီလ ၁ ရက်တွင် သတ်ဖြတ်ခဲ့ကြောင်း သိရသည်။ မင်းပြားလူငယ်တစ်ဦးက “ဟုတ်တယ်ဗျ၊ လက်မကျေးရွာအုပ်ချုပ်ရေးမှူး အသတ်ခံရလို့ သေဆုံးသွားပါတယ်။ သူတို့အချင်းချင်းပဲလို့ သိရပါတယ်။ မွတ်ဆလင်ဂိုဏ်းတစ်ခုက သတ်ဖြတ်သွားတယ်လို့ သိရပါတယ်” ဟု ပြောသည်။ ဖေဖော်ဝါရီလ ၁ ရက် ည ၈ နာရီခန့်တွင် ဦးမောင်သိန်းနိုင်သည် ရွာထဲ လက်ဖက်ရည်ဆိုင်ထဲရှိနေစဉ် ဂိုဏ်းတစ်ခုက ဓါးဖြင့် ခုတ်သတ်သွားကြောင်း သိရသည်။ “လက်နဲ့ လည်ပင်းမှာ ဓားဒဏ်ရာတွေ အပြည့်ပါ။