ရခိုင်အရေးကို သတိရှိရှိဖြင့် ဖြေရှင်းရန် ICC ကို တရုတ်ပြော
နိုင်ငံတကာရာဇဝတ်ခုံရုံး ICC က မွတ်ဆလင်နှင့်ပတ်သက်ပြီး ရခိုင်ပြည်အရေးကို ဖြေရှင်းရာတွင် သတိရှိရှိဖြင့် ဖြေရှင်းရန် တရုတ်အစိုးရက ပြောသည်။ တရုတ်နိုင်ငံခြားရေးဌာန ပြောခွင့်ရ မော်နင်း (Mao Ning) က နိုဝင်ဘာလ ၂၈ ရက် ပေကျင်းမြို့မှာ ကျင်းပသည့် ပုံမှန်သတင်းစာရှင်းလင်းပွဲတွင် ရခိုင်ပြည်အရေးကို ပြောကြားခဲ့ခြင်းဖြစ်သည်။ ရှုတ်ထွေးလှသည့် ရခိုင်ပြည်အရေးကို ဖြေရှင်းရာမှာ သတိနှင့်ဖြေရှင်းရမည်ဖြစ်သလို အပြုသဘောဆောင်သည့် အခန်းကဏ္ဍကနေ တရုတ်က ပါဝင်ဆောင်ရွက်မည်ဟု မော်နင်းက ဆိုသည်။ “ရခိုင်အရေးမှာ ရှုပ်ထွေးလှတဲ့ သမိုင်းကြောင်းတွေ၊ လူမျိုးရေးနဲ့ ဘာသာရေးနောက်ခံတွေ ရှိပြီး ဘက်ပေါင်းစုံက ချဉ်းကပ်ပြီး သတိရှိရှိ ဖြေရှင်းဖို့ လိုပါတယ်။ မြန်မာနိုင်ငံရဲ့ ချစ်ကြည်ရင်းနှီးတဲ့ အိမ်နီးချင်းနိုင်ငံအနေနဲ့ တရုတ်နိုင်ငံဟာ ရခိုင်ပြည်တွင်း
ငြိမ်းချမ်းရေးဆွေးနွေးရန် တော်လှန်ရေးအဖွဲ့များ မလာ၍ မင်းအောင်လှိုင် စိတ်ကောက်နေ
တိုင်းရင်းသားလက်နက်ကိုင် တော်လှန်ရေးအဖွဲ့များနှင့် နွေဦးတော်လှန်ရေးအဖွဲ့များကို ငြိမ်းချမ်းရေးဆွေးနွေးရန် အာဏာသိမ်း စစ်ကောင်စီက ဖိတ်ခေါ်သော်လည်း တော်လှန်ရေးအဖွဲ့များမှာ မျက်ကွယ်ပြုနေ၍ စစ်ခေါင်းဆောင် မင်းအောင်လှိုင်က စိတ်ကောက်နေသည်။ လက်နက်ကိုင်ပဋိပက္ခ ချုပ်ငြိမ်းရေး နိုင်ငံရေးနည်းလမ်းဖြင့် ဖြေရှင်းတွေ့ဆုံဆွေးနွေးရန် ဖိတ်ခေါ်ထားသော်လည်း တိုင်းရင်းသားလက်နက်ကိုင်အဖွဲ့တချို့က မျက်ကွက်ပြုသည်ဟု အာဏာသိမ်း စစ်ခေါင်းဆောင် မင်းအောင်လှိုင်က ပြောသည်။ ယနေ့ ဒီဇင်ဘာလ ၂၈ ရက်နေ့ ကျရောက်သည့် နှစ် ၅၀ ပြည့် ရွှေရတု အခါအမျိုးသားနေ့ အခမ်းအနားသို့ ပေးပို့သော သဝဏ်လွှာတွင် မင်းအောင်လှိုင်က ထည့်သွင်းပြောဆိုထားခြင်းဖြစ်သည်။ “နိုင်ငံတော်အတွင်း ဒေသအချို့တွင် ဖြစ်ပွားနေသော လက်နက်ကိုင်ပဋိပက္ခများ ချုပ်ငြိမ်းရေးအတွက်လည်း နိုင်ငံရေး ပြဿနာများကို နိုင်ငံရေး နည်းလမ်းဖြင့် ဖြေရှင်းရန်နှင့် တွေ့ဆုံဆွေးနွေးရေး နည်းလမ်းများဖြင့်
မြန်မာ့ပင်လယ်ပြင် သီးသန့်စီးပွားရေးဇုန်အား အပြည့်အဝ ကာကွယ်နိုင်သည့် သုံးဖက်မြင် စစ်ဆင်နိုင်စွမ်းရှိသော ရေတပ်ဖြစ်နေပြီဟု မင်းအောင်လှိုင်ပြော
တပ်မတော်(ရေ)ကို တည်ဆောက်ရာတွင် ပထမအဆင့်ဖြစ်သည့် မြန်မာ့ပင်လယ်ပြင်သီးသန့်စီးပွားရေးဇုန်အား အပြည့်အဝ ကာကွယ်နိုင်သည့် သုံးဖက်မြင်စစ်ဆင်နိုင်စွမ်းရှိသော တိုက်ပွဲဝင်အသင့် ရေတပ် (Three Dimensional Combat Ready Navy) အဖြစ်သို့ တက်လှမ်းနိုင်ခဲ့ပြီ ဖြစ်ကြောင်း အာဏာသိမ်း စစ်ခေါင်းဆောင် မင်းအောင်လှိုင်က ပြောသည်။ ဒီဇင်ဘာ ၂၄ ရက်တွင် ကျရောက်သော (၇၇) နှစ်မြောက် တပ်မတော် (ရေ) နှစ်ပတ်လည်နေ့ စစ်ရေယာဉ်များ တပ်တော်ဝင်ခြင်းအခမ်းအနားတွင် မင်းအောင်လှိုင်က ပြောဆိုခဲ့ခြင်းဖြစ်သည်။ မြန်မာနိုင်ငံ၏ ကမ်းရိုးတန်းသည် ၁၂၆၀ ရေမိုင် ရှည်လျားပြီး ကျွန်းပေါင်း ၁၄၀၀ ကျော်ရှိကာ ရေပေါ်ရေအောက် အဖိုးတန်သယံဇာတများ၊ ပင်လယ်ကမ်းရိုးတန်း သဘာဝ အလှတရားများစွာတို့ဖြင့် ပြည့်နှက်လျက်ရှိကြောင်း သိရသည်။ ထိုကဲ့သို့
အမျိုးသမီးဗိုလ်လောင်းများကို မင်းအောင်လှိုင်က တိုက်ပွဲဝင်ခိုင်းနေ
မြန်မာစစ်တပ်ထဲက အမျိုးသမီးစစ်မှုထမ်းများအနက် ဘွဲ့ရ အမျိုးသမီးဗိုလ်လောင်းများ မြဲသုံးမြဲကို လက်ကိုင်ထားပြီး တိုက်ပွဲဝင်ရန် အဆင်သင့်ဖြစ်နေရမည်ဟု အာဏာသိမ်း စစ်ခေါင်းဆောင် မင်းအောင်လှိုင်က အမိန့်ပေးညွှန်ကြားနေသည်။ ယမန်နေ့ ဒီဇင်ဘာလ ၂၃ ရက်နေ့ ရန်ကုန်မြို့ ဗိုလ်သင်တန်းကျောင်း (မှော်ဘီ) စစ်ရေးပြကွင်းမှာ ပြုလုပ်ခဲ့သည့် ဘွဲ့ရအမျိုးသမီးဗိုလ်လောင်းသင်တန်း အမှတ်စဉ် (၁၁) သင်တန်းဆင်း စစ်ရေးပြအခမ်းအနားမှာ မင်းအောင်လှိုင်က တက်ရောက် အမိန့်ပေးခဲ့ခြင်းဖြစ်သည်။ နိုင်ငံတော်ကို ကာကွယ်ရန် ကျား/မ မရွေး နိုင်ငံသားတိုင်း ထမ်းရွက်ကြရမည့် မွေးရာပါ သမိုင်းပေးတာဝန်ဖြစ်သည့်အတွက် အမျိုးသမီးစစ်မှုထမ်းတပ်ဖွဲ့ဝင်များကို လေ့ကျင့်မွေးထုတ်ပေးနေခြင်းဖြစ်သည်ဟု မင်းအောင်လှိုင်က ဆိုသည်။ အမြဲတမ်းလေ့ကျင့်၊ အမြဲတမ်းစစ်ရေးသတိ၊ အမြဲတမ်းတိုက်ပွဲဝင်ရန်အသင့် စသည့် မြဲသုံးမြဲကို လက်ကိုင်ထားပြီး အမျိုးသမီးဗိုလ်လောင်းများအနေဖြင့် တိုက်ပွဲဝင်ရမည်ဟု သိရသည်။
ပြည်တွင်းပြည်ပ၏ ဝင်ရောက်စွက်ဖက် ထိုးနှက်မှုများကို ခံနေရကြောင်း မင်းအောင်လှိုင်ပြော
နိုင်ငံအတွင်းမှာ ပြည်တွင်းပြည်ပ အန္တရာယ်များနှင့် ဝင်ရောက်စွက်ဖက်မှုများဖြင့် ကြုံတွေ့နေရကြောင်း အာဏာသိမ်း စစ်ခေါင်းဆောင် မင်းအောင်လှိုင်က ပြောသည်။ ဒီဇင်ဘာလ ၂၀ ရက် ညနေက နေပြည်တော်မှာ ကျင်းပခဲ့သည့် ပဉ္စမအကြိမ်မြောက် အမျိုးသားအားကစားပွဲတော် ပိတ်ပွဲအခမ်းအနား မိန့်ခွန်းမှာ ထည့်သွင်းပြောဆိုခဲ့ခြင်းဖြစ်သည်။ မြန်မာနိုင်ငံသာမက မဟာဗျူဟာ အချက်အချာကျသည့် ကမ္ဘာ့နိုင်ငံငယ် အများစုသည်လည်း ယင်းအခြေအနေနှင့် ကြုံနေရကြောင်းလည်း မင်းအောင်လှိုင်က ဆိုသည်။ “ထိုကဲ့သို့အဖက်ဖက်မှ ထိုးနှက်တိုက်ခိုက်နေမှုများအပေါ် ပြည်သူလူထု၊ အစိုးရ၊ တပ်မတော်တို့၏ ပေါင်းစည်းအား၊ ညီညွတ်သောစိတ်ဓာတ်တို့ ဖြင့် ကာကွယ်ရန်လိုကြောင်း” ဟုလည်း ပြောဆိုခဲ့သည်။ တစ်မျိုးသားလုံးနှင့်သက်ဆိုင်သည့် ယခုအမျိုးသားအားကစား ပွဲတော်ကြီးကို ယခုကဲ့သို့ကျင်းပနိုင်၊ စုစည်းနိုင်ခဲ့ခြင်းမှာလည်း နိုင်ငံကို လုံခြုံအောင် ကာကွယ်ပေးနေသည့် သူရဲကောင်းများရှိနေခြင်းကြောင့်ပင် ဖြစ်သည်ဟုလည်း
အာရက္ခတပ်တော် AA လက်နက်စွန့်ရန် စစ်ခေါင်းဆောင် မင်းအောင်လှိုင် တိုက်တွန်းနေ
အနောက်ပိုင်းတိုင်းစစ်ဌာနချုပ် (နပခ) နှင့် မြို့များ ဆက်တိုက်သိမ်းပိုက်နေသော အာရက္ခတပ်တော် AA ကို လက်နက်ကိုင်လမ်းစဉ် လွှတ်ပြီး လမ်းကြောင်းမှန်ပေါ်သို့လာရန် အာဏာသိမ်း စစ်ခေါင်းဆောင် မင်းအောင်လှိုင်က တိုက်တွန်းနေသည်။ ယနေ့ ဒီဇင်ဘာလ ၁၅ ရက်နေ့ ကျရောက်သော နှစ် ၅၀ ပြည့် ရခိုင်ပြည်နယ်နေ့ အခမ်းအနားသို့ ပေးပို့သည့် သဝဏ်လွှာတွင် အာဏာသိမ်း မြန်မာစစ်တပ်ခေါင်းဆောင် မင်းအောင်လှိုင်က တိုက်တွန်းပြောဆိုခဲ့ခြင်းဖြစ်သည်။ ၂၀၂၃ ခုနှစ် အောက်တိုဘာလက စတင်ခဲ့သည့် MNDAA, TNLA, AA တို့ကြောင့် ပြည်သူများ၏ လူမှုစီးပွားအခြေနေ ပိုမိုဆိုးရွာစေခဲ့ပြီး နိုင်ငံရေးကို အကြောင်းပြပြီး လွဲမှားသော အယူအဆများဖြင့် အကြမ်းဖက်လုပ်ရပ်များကို လုပ်ဆောင်နေကြခြင်းဖြစ်သာ ဖြစ်သည်ဟု မင်းအောင်လှိုင်က
မင်းအောင်လှိုင် ပြင်ဦးလွင်ကို လာမည်ဖြစ်၍ လမ်းဘေးခွေးများကို အဆိပ်ချ သတ်ဖြတ်
မန္တလေးတိုင်း ပြင်ဦးလွင်မှာ ယခု ဒီဇင်ဘာလအတွင်း ကျင်းပမည့် ရုက္ခဗေဒဥယျာဉ် နှစ် ၁၀၀ ပြည့် ပွဲအခမ်းအနားကို အာဏာသိမ်း စစ်ခေါင်းဆောင် မင်းအောင်လှိုင် တက်ရောက်မည်ဟု တပ်တွင်းသတင်းရင်းမြစ်များက ပြောသည်။ ထိုကြောင့် ပြင်ဦးလွင်မြို့အတွင်းနှင့် ရုက္ခဗေဒဥယျာဉ်အနီး လုံခြုံရေးတပ်ဖွဲ့ဝင်များ ကင်းပုန်းဝပ်နိုင်ရန် လမ်းဘေးခွေများအားလုံးကို စီမံချက်ဖြင့် အဆိပ်ချ သတ်ဖြတ်နေကြောင်း မြို့နယ်စည်ပင်သာယာရေးဌာနက သိရသည်။ ဒီဇင်ဘာလ မကုန်မီ ရုက္ခဗေဒဥယျာဉ် နှစ် ၁၀၀ ပြည့်ပွဲတော်ကို ကျင်းပမည်ဖြစ်၍ ဒီဇင်ဘာလ အစောပိုင်းကတည်းက လမ်းဘေးခွေးများကို မြို့နယ်စည်ပင်ဌာနက သတ်ဖြတ်နေခြင်းဖြစ်သည်။ မြို့နယ်စည်ပင်အရာရှိတစ်ဦးက ” ခွေးလေ ခွေးလွင့်တွေကြောင့် လုံခြုံရေးကင်းပုန်းဝပ်ရာမှာ အနှောင့်အယှက်မဖြစ်စေဖို့ အဆိပ်ချ ရှင်းလင်းဖို့ နယ်မြေတပ်ရင်းကနေ စာထုတ်ပါတယ်။ အဲဒါကြောင့်
စီမံကိန်းသစ်များကို ခွင့်ပြုရာတွင် မိမိတို့ တာဝန်ယူသည့်ကာလအတွင်း ပြီးပြတ်နိုင်မည့် စီမံကိန်းများကိုသာ ခွင့်ပြုမည်ဟု စစ်ခေါင်းဆောင် မင်းအောင်လှိုင်ပြော
အာဏာသိမ်း စစ်ခေါင်းဆောင် မင်းအောင်လှိုင်သည် နိုင်ငံအတွင်း စီမံကိန်းအသစ်များ ဖော်ဆောင်ရာတွင် မူနှင့် သဘောတူညီချက် ရယူရန်လိုအပ်ခြင်းကို ချပြပြောဆိုလာသည်။ ယမန်နေ့ ဒီဇင်ဘာလ ၃ ရက်နေ့ မွန်းလွဲပိုင်းက ကျင်းပသည့် စစ်ကောင်စီ၏အစိုးရအဖွဲ့ အစည်းအဝေးတွင် နိုင်ငံအတွင်း စီမံကိန်းအသစ်များ ဖော်ဆောင်မည်ဆိုပါက သဘောတူညီချက် ရယူရမည်ဟု မင်းအောင်လှိုင်က ပြောဆိုခဲ့သည်။ “မိမိတို့ တာဝန်ယူသည့် ကာလအတွင်း ပြီးပြတ်အောင်ဆောင်ရွက်နိုင်မည့် စီမံကိန်းများကိုသာ ဆောင်ရွက်ကြစေလိုပြီး လုပ်ငန်းများပြီးစီးအောင်ဆောင်ရွက်ရန်လည်း တာဝန်ယူရန် လိုကြောင်း” ဟု ပြောဆိုခဲ့သည်။ အကျိုးရှိမည့် စီမံကိန်းများကိုသာ ခွင့်ပြုပေးမည်ဖြစ်ပြီး သတ်မှတ်ကာလအတွင်း ပြီးစီးအောင်ဆောင်ရွက်နိုင်မည့် စီမံကိန်းများကိုသာ ခွင့်ပြုပေးမည်ဟု မင်းအောင်လှိုင်က ဆိုသည်။ စီးပွားရေးနှင့် ကုန်ထုတ်လုပ်မှုများ လုပ်ဆောင်ရသည့် ဝန်ကြီးဌာနများမှာလည်း အကျိုးအမြတ်ကို
မြန်မာနိုင်ငံက ICC အဖွဲ့ဝင်မဟုတ်၍ ဖမ်းဝရမ်းလျှောက်ထားမှုကို အသိအမှတ်မပြုဟု စစ်ကောင်စီ တုန့်ပြန်
မြန်မာနိုင်ငံသည် နိုင်ငံတကာရာဇဝတ်တရားရုံး ICC အဖွဲ့ဝင်မဟုတ် ICC ရှေ့နေချုပ်၏ ဖမ်းဝရမ်းလျှောက်ခြင်းအပေါ် အသိအမှတ်မပြုကြောင်း အာဏာသိမ်း စစ်ကောင်စီက တုန့်ပြန်ပြောဆိုသည်။ စစ်ကောင်စီ၏ သတင်းမှန်ပြန်ကြားရေးအဖွဲ့က စစ်ကောင်စီလက်အောက်ခံ သတင်းမီဒီယာများနှင့် နိုင်ငံခြားသတင်းဌာနများသို့ ပေးပို့သော ဖြေကြားချက်တွင် ယင်းကဲ့သို့ တုန့်ပြန်ထားခြင်းဖြစ်သည်။ “မြန်မာနိုင်ငံသည် ICC အဖွဲ့ဝင် နိုင်ငံမဟုတ်သကဲ့သို့ ICC ၏ ပြောကြားချက်များအပေါ် မည်သည့်အခါကမှ အသိအမှတ်ပြုခြင်းမရှိပါ။” ဟု ရေးသားထားသည်။ သို့သော်လည်း အဆိုပါ တုန့်ပြန်ချက်ကို စစ်ကောင်စီ၏ ဝါဒဖြန့်သတင်းစာနှင့် သတင်းဌာနများတွင် တရားဝင်ဖော်ပြခြင်း မရှိသည်ကို တွေ့ရသည်။ ရခိုင်ပြည်အတွင်းက မွတ်ဆလင်များကို လူမျိုးတုံးသတ်ဖြတ်မှုဖြင့် ICC ရှေ့နေချုပ် Karim A.A. Khan KC က
မင်းအောင်လှိုင် အရေး ICC တရားရုံးနှင့် ပူးပေါင်းဆောင်ရွက်မည်ဟု ကုလစုံစမ်းစစ်ဆေးရေး အကြီးအကဲပြော
လူမျိုးတုံးသတ်ဖြတ်သော မြန်မာစစ်တပ် ခေါင်းဆောင် မင်းအောင်လှိုင်ကို ဖမ်းဆီးနိုင်ရေး ICC တရားရုံးတွင် ဖမ်းဝရမ်းလျှောက်ထားလိုက်ပြီဖြစ်ရာ ကုလသမဂ္ဂစုံစမ်းစစ်ဆေးရေး IIMM အကြီးအကဲကလည်း ICC တရားရုံးနှင့် ပူးပေါင်းဆောင်ရွက်မည်ဟု ပြောသည်။ ကုလသမဂ္ဂ၏ မြန်မာနိုင်ငံဆိုင်ရာလွတ်လပ်သောစုံစမ်းစစ်ဆေးရေးယန္တရား IIMM အနေဖြင့် ICC တရားရုံးနှင့် ဆက်လက် ပူးပေါင်းဆောင် ရွက်သွားမည်ဖြစ်ကြောင်း IIMM အကြီးအကဲ နီကိုလတ်စ်ခွန်ဂျန်က တရားဝင်ထုတ်ပြန် ကြေညာသည်။ ICC ၏ တရားလိုရှေ့နေက စုံစမ်းစစ်ဆေးရာတွင် များစွာသော အထောက်အထားများနှင့် စိစစ်သုံးသပ်ချက်များ၊ သက်သေများ၏ ထွက်ဆိုချက်များကို တရားလိုရှေ့နေ၏ ရုံးထံ မျှဝေပေးခြင်းဖြင့် IIMM နှင့် နီးကပ်စွာ ပူးပေါင်းဆောင်ရွက်နေကြောင်း ဆိုသည်။ လိင်ပိုင်းဆိုင်ရာ အကြမ်းဖက်မှု၊ ကလေးများအပေါ် ကျူးလွန်သည့်