စစ်မှုထမ်း အပတ်စဉ် ၁၂ အတွက် မန္တလေးက ပြည်သူများ မဲနှိုက်နေရ
အာဏာသိမ်း စစ်ကောင်စီ၏ အတင်းဓမ္မ ဖိအားပေး ခိုင်းစေမှုများကြောင့် မန္တလေးကပြည်သူလူထုများမှာ စစ်မှုထမ်း အပတ်စဉ် ၁၂ အတွက် မဲနှိုက်ရွေးချယ် ခံနေရကြောင်း သိရသည်။ လာမည့် ဧပြီလအတွင်း စတင်မည့် စစ်မှုထမ်း အပတ်စဉ် ၁၂ အတွက် မန္တလေးက ပြည်သူများကို ခေါ်ယူနေခြင်းဖြစ်ပြီး ယနေ့ မတ်လ ၂၄ ရက်တွင် စတင်မဲနှိုက် ရွေးချယ်ခံနေရကြောင်း ဒေသခံများက ပြောသည်။ မဟာအောင်မြေမြို့နယ် မဟာနွယ်စဉ်ရပ်ကွက်ရုံး၊ ဓမ္မာရုံနှင့် သတ်မှတ်ထားသော နေရာများတွင် စစ်ကောင်စီအဖွဲ့မှ မန္တလေး လူငယ်များကို မဲနှိုက်ရွေးချယ်နေပြီး မဲလာနှိုက်ကြရန်လည်း လော်စပီကာများဖြင့် လိုက်လံအော်ခေါ်နေသည်။ မဟာနွယ်စဉ်ရပ်ကွက်ဒေသခံတစ်ဦးက “စစ်မှုထမ်း မဲနှိုက်ခိုင်းဖို့ စာတွေ ဝေတယ်။ လော်စပီကာနဲ့လည်း လိုက်အော်တယ်။
စစ်ကောင်စီကို လူမှုကွန်ရက်ပေါ်တွင် ဝေဖန်ရေးသားမှုဖြင့် ပြည်သူ ၁၉၀၀ နီးပါး ဖမ်းဆီးခံခဲ့ရ၊ ရန်ကုန်နှင့် မန္တလေးတို့တွင် အများဆုံးဖြစ်
အာဏာသိမ်း စစ်ကောင်စီကို လူမှုကွန်ရက်ပေါ်တွင် ဝေဖန်ရေးသားသည်ဟုဆိုကာ ၄ နှစ်ကျော်ကာလအတွင်း အရပ်သားပြည်သူ ၁၈၈၄ ဦးကို စစ်တပ်က ဖမ်းဆီးခဲ့ကြောင်း Data for Myanmar ၏ ထုတ်ပြန်ချက်အရ သိရသည်။ စစ်ကောင်စီတပ်၏ ဖမ်းဆီးမှုများထဲတွင် ၂ဝ၂၂ ခုနှစ်နှင့် ၂၀၂၃ ခုနှစ်များ၌ ဖမ်းဆီးခံရသည့် အွန်လိုင်း အသုံးပြု သူဦးရေ ပျမ်းမျှ ၇ဝဝ ကျော်ရှိခဲ့ပြီး ၂၀၂၄ ခုနှစ်တွင် ဖမ်းဆီးမှုများ ထက်ဝက်လျော့ကျခဲ့ကြောင်း ထုတ်ပြန်ချက်က ရေးသည်။ ၂၀၂၄ ခုနှစ်အတွင်း မြို့နယ်ပေါင်း ၁၁၉ မြို့နယ်မှ အွန်လိုင်း အသုံးပြုသူ ၃၇၅ ဦး ဖမ်းဆီးခံခဲ့ရပြီး အများစုသည် ရန်ကုန်တိုင်းနှင့် မန္တလေးတိုင်းတို့မှ ဖြစ်ကြောင်း
မုံရွာက တာဝါတိုင် စခန်းကုန်းနှင့် ရန်ကုန်-မန္တလေး လမ်းဟောင်းက စစ်ကောင်စီ တပ်စခန်း ၇ ခုကို PDF တိုက်ခိုက်
ရန်ကုန်-မန္တလေး လမ်းဟောင်းရှိ စစ်ကောင်စီတပ် ဂိတ်စခန်း ၇ ခုနှင့် စစ်တိုင်း မုံရွာမြို့နယ်က ဗောဓိတစ်ထောင် MRTV အသံလွှင့် တာဝါတိုင်စခန်းကုန်းတို့ကို ပြည်သူ့ကာကွယ်ရေးတပ် PDF များက တိုက်ခိုက်ခဲ့ကြောင်း သိရသည်။ ဖေဖော်ဝါရီလ ၂၅ ရက်နေ့နှင့် ဖေဖော်ဝါရီလ ၂၆ ရက်နေ့တို့တွင် ပဲခူးတိုင်း၊ ကျောက် တံခါးမြို့နယ်၊ ဖြူးမြို့နယ်အတွင်း ရန်ကုန်-မန္တလေး လမ်းဟောင်းပေါ်ရှိ စစ်ကောင်စီတပ်ဖွဲ့များ အခြေချတပ်စွဲထားသည့် စစ်တပ်ဂိတ်စခန်း ၇ ခုကို တော်လှန်ရေးတပ်ဖွဲ့များက တိုက်ခိုက်ခဲ့သည်။ အဆိုပါ တိုက်ခိုက်ချေမှုန်းခဲ့မှုတွင် စစ်ကောင်စီတပ်သား ၈ ဦးသေဆုံးပြီး တော်လှန်ရေးရဲဘော် ၁ ဦး သေဆုံးကြောင်း အမျိုးသားညီညွတ်ရေးအစိုးရ NUG ကာကွယ်ရေးဝန်ကြီးဌာနက ယနေ့တွင် သတင်း
သပိတ်ကျင်းက ကွင်း ၅၀၀ တပ်စခန်းကို မန္တလေး PDF သိမ်းပိုက်
(ဓါတ်ပုံသတင်း) မန္တလေးတိုင်း သပိတ်ကျင်းမြို့နယ် ကွင်း ၅၀၀ မှာ အခြေပြုလှုပ်ရှားသော စစ်ကောင်စီတပ်စခန်း (ကွင်း ၅၀၀ တပ်စခန်း) ကို ဩဂုတ်လ ၂၅ ရက်နေ့က သိမ်းပိုက်ရရှိခဲ့သည်ဟု မန္တလေး PDF က ယနေ့ ထုတ်ပြန်ထားသည်။ ကွင်း ၅၀၀ တပ်စခန်းကို ဗိုလ်မှူးချုပ် စိုးကျော်ထိုက်ဦးစီးပြီး စစ်ကောင်စီ တပ်သားအင်အား ၄၀၀ ခန့်ရှိကြောင်းနှင့် မန္တလေး PDF က ဩဂုတ်လ ၅ ရက်နေ့မှစတင်၍ ထိုးစစ်ဆင်တိုက်ခိုက်ခဲ့ပြီး ရက်ပေါင်း ၂၀ ခန့်ကြာမြင့်ခဲ့ကြောင်း သိရသည်။ ကွင်း ၅၀၀ စခန်းသိမ်းတိုက်ပွဲမှ လက်နက်ခဲယမ်းအများအပြားနှင့် သုံ့ပန်းအချို့ ဖမ်းဆီးရမိခဲ့ပြီး မိုးကုတ်နှင့် စဉ့်ကူးလမ်းပိုင်းကြားရှိ စစ်ကောင်စီ၏
ညီနောင်မဟာမိတ်ကို ကရင်နီလူငယ်များနှင့် မန္တလေး ကျန်းမာရေးမိသားစုက လေးစားဂုဏ်ပြု
စစ်အာဏာရှင်ဆန့်ကျင်ရေး ၁၀၂၇ စစ်ဆင်ရေးကို အရှိန်အဟုန်မပျက် ဆက်လက် တိုက်ခိုက်နေခြင်းနှင့် မြို့ပေါင်း၊ စခန်းပေါင်းများစွာကို သိမ်းပိုက်ကာ အောင်မြင်မှုရရှိနေသော ညီနောင်မဟာမိတ် (MNDAA, TNLA, AA) တို့ကို လေးစားဂုဏ်ပြု ထောက်ခံကြောင်း ကရင်နီလူငယ်များသမဂ္ဂနှင့် ကျန်းမာရေးမိသားစု (မန္တလေး) တို့က ထုတ်ပြန်ထားကြသည်။ ၂၀၂၃ ခုနှစ်၊ အောက်တိုဘာလ ၂၇ ရက်နေ့က စတင်ခဲ့သော ၁၀၂၇ စစ်ဆင်ရေး၏ ကြိုးပမ်းမှုဖြင့် လက်ရှိ ရှမ်းမြောက်တွင် လားရှိုးမြို့အပါအဝင် မြို့ ၁၉ မြို့အား သိမ်းပိုက်ထားခြင်းနှင့် တစ်ပြိုင်နက် ပြည်သူ့အုပ်ချုပ်ရေးကို စနစ်တကျ ဖွဲ့စည်းနိုင်ခဲ့သည့်အတွက် ညီနောင်မဟာမိတ်ကို မဟာဗျူဟာ ပြောင်မြောက်လှသည်ဟု ကရင်နီလူငယ်များသမဂ္ဂ (UKSY) မှ ဇူလိုင်လ ၃၀
ပဲခူး အထင်ကရ ဆရာတော် မန္တလေးမှာ စစ်ကောင်စီ သတ်ဖြတ်၍ ပျံလွန်တော်မူ
(မြန်မာ သံဃာတော်များ နိုးကြွရန် အချိန်တန်ပြီဟု ပြော) ပဲခူးတိုင်း ပဲခူးမြို့ ဝင်းနိမ္မိတာရုံကျောင်းတိုက် ဆရာတော် ဘဒ္ဒန္တမုနိန္ဒာဘိဝံသ မန္တလေးတိုင်း ငါန်းဇွန်မြို့နယ်-မြို့သာလမ်းပိုင်း ကားဖြင့်သွားနေစဉ် စစ်ကောင်စီတပ်ဖွဲ့ဝင်များ သတ်ဖြတ်၍ ဇွန်လ ၁၉ ရက်နေ့က ပျံလွန်တော်မူသွားကြောင်း သိရသည်။ နိုင်ငံတော် သံဃမဟာနာယကအဖွဲ့ဝင် ဝင်းနိမ္မိတာရုံကျောင်းတိုက် ဆရာတော် ဘဒ္ဒန္တမုနိန္ဒာဘိဝံသ စီးနင်းလိုက်ပါသော ကားကို ဖော့ကားစီးလာသော စစ်ကောင်စီ စစ်ဗိုလ်များက ရည်ရွယ်ချက်ရှိရှိ ပစ်ခတ်သတ်ဖြတ်ခဲ့ကြောင်း ဆရာတော်ကြီးနှင့်အတူ လိုက်ပါလာသော မျက်မြင်သက်သေ ရန်ကုန်မြို့ ကန်သုံးဆင့်ဆရာတော်က မိန့်ကြားခဲ့သည်။ ဆရာတော် ဘဒ္ဒန္တမုနိန္ဒာဘိဝံသမှာ ကန်သုံးဆင့် ဆရာတော်နှင့်အတူ အစည်းအဝေးတစ်ခုကို တက်ရောက်ရန် မန္တလေးကို ရန်ကုန်မြို့က လေယာဉ်ဖြင့် သွားရောက်ခဲ့သည်။ အစည်းအဝေး မသွားမီ